Levitiko 10:2 - Tosi Tapu

² Ti na mavae loa se afi mei mua o le Eteleno, o tutu laua : ti na la mamate loa i mua o le Eteleno.

Levitiko 10:2 ပူးပေါင်းရင်းမြစ်များ

Lua tosi a Samuele 6:7

Na mu loa le sausau o le Eteleno kia Usa, ti na taai loa a ia e le Atua i le ganea lena o tupu ko lana sala. Na mate loa Usa i ai, ofi ki le aleka o le Atua.

Uluaki tosi o Sau 13:28

ti na ano loa a ia. Na maua loa e ia le tino leia na tuku i le ala, ti mo le asino mo le laione ala na tutuu i ona tafa. Na leaise kai e le laione le tino ti na leaise tamate e ia le asino.

Uluaki tosi o Sau 18:38

Ti na vilo loa le afi a le Eteleno o tutu le failaulau, mo le fafie, mo fatu, ti mo le kele, ti na malo loa le vai leia na tafe i le kanivo.

Lua tosi o Sau 1:10

Na pati loa Elia ki le pule o le tino lima : Kapau ko se tagata au a le Atua, ti ke vilo le afi mei lagi, o tutu a koe mo lau kau tagata e tino lima ! Ti na vilo loa le afi mei lagi, o tutu a ia mo lana kau tagata e tino lima.

Lua tosi o Sau 1:12

Na tali loa Elia kia latou : Kapau ko se tagata au a le Atua, ti ke vilo le afi mei lagi o tutu a koe mo lau kau tagata e tino lima ! Ti na ifo loa le afi a le Atua mei lagi o tutu a ia mo lana kau tagata e tino lima.

Uluaki tosi o Koloniko 13:10

Na mu loa le sausau o le Eteleno kia Usa, ti na taai loa a ia e le Eteleno talie na falo e ia lona lima ki le aleka. Na mate loa Usa i le ganea lena, i mua o le Atua.

Uluaki tosi o Koloniko 15:13

Talie na leaise kotou kau i le uluaki aumai o le aleka, koia leia na taai ai matou e le Eteleno lotatou Atua ; o tupu na leaise motou afa lona finegalo o mulimuli ki le lao.

Uluaki tosi o Koloniko 24:2

Na uluaki mamate loa Natape mo Apiu i lola tamana, ti na leaise maua loa ni ola vosa ; ti na fai loa e Eleasale mo Itamale a gaoi o le tuulaga fakapelepitelo.

Sopo 1:16

Koi lolotoga masau a ia, kae kaku mai se tasi ake tagata avelogo, o pati : Kua vilo le afi a le Atua mei lagi, o tutu a ovi mo tagata tausi ovi, o mamate fuli. Ti na kau sao, au toka tasi, o aumai le logo kiate koe.

Pesalemo 50:3

E au lotatou Atua, e leaise nofo fakalologo a ia ; E ano se afi kaka i ona mua, E takatakai a ia e se afa makeke.

Ekesote 24:1

Na pati loa le Atua kia Moisese : Pale ki le Eteleno, a koe mo Alone, mo Natape, mo Apiu, mo se tino fitu i le kau matua o Iselaele ; ti e kotou punou loa mei mamao.

Esaia 30:33

Talie kua teuteui se mata afi talu mei fualoa ; Kua teuteui a ia ki le sau, kua fai a ia ke loloto mo lau lasi ; Kua fakatuuga i ai se fafie lasi mo se afi ; E tutu loa a ia e le tukumanava a le Eteleno, ofaipe se vaitafe sulifa.

Levitiko 10:5

Ti na la ano loa o ave ola fetaina mo ola kofu tapu, ki fafo o le nofolaga, o mulimuli ki le pati a Moisese.

Levitiko 16:1

Na masau loa le Eteleno kia Moisese i le oki o le mate o vosa e lua o Alone, ala na ano ki mua o le Eteleno mo se kaloni kese, o tupu ai lola mate.

Levitiko 9:24

Na mavae loa se afi mei mua o le Eteleno, o tutu le failaulau mo gako i aluga o le aletale. Na tio loa le kakai katoa ki le nea lena ; ti na lotou kalaga loa i le fiafia, ti na lotou punou loa o fakatau olatou mata ki le kele.

Numelo 14:37

ko tagata ana na lauveli ki le fenua na mamate loa : na taai loa latou e le Eteleno ki se masaki veli.

Numelo 16:35

Na au loa se afi mei le Eteleno, o tutu le kau tagata e tino lelau lua tino lima, leia na momoli ia le kaloni.

Numelo 16:49

Ko latou ala na mamate i le malaia lena ko le tino agafulu tupu fa afe tino lelau fitu (14 700), na leaise lau i ai latou ala na mamate o tupu ko Kole.

Numelo 26:61

Na mate loa Natape mo Apiu, i le aso leia na la momoli ai ki le Eteleno se afi kese.

Gaoi 5:10

I le lakaga fai lena, na teka loa a ia ki vae o le apositolo, o mate. Ti na ulu ake loa le kau tupulaga, o maua a ia kua mate ; ti na lotou ave loa a ia, o tanu i tafa o lona avaga.

Gaoi 5:5

I le logo a Ananiasi ki masau ana, na teka loa a ia ki lalo, o mate. Ti na soko loa se i lasi kia latou fuli ala na logo ki nea ana.

Uluaki tosi ki le kau Kolinto 10:11

Ti na soko a nea fuli ana kia latou ko ni faifaitakiaga kia tatou, ti kua tosi latou ko ni akonaki kia tatou anei, kua kaku mai ki le fakaoki o sekulo.

Uluaki tosi a Samuele 6:19

Na tautea loa e le Eteleno le kakai o Pete-Semesi, i le temi leia na lotou faino ai ki loto o le aleka o le Eteleno ; na taai loa e ia le tino fitu tagata i le kakai. Ti na mamae lasi ai le kakai, talie na taai e le Eteleno le kakai ki se tautea lasi.