Levitiko 10:14 - Tosi Tapu

¹⁴ E kotou kai loa i se ganea mea, e koe mo ou vosa ti mo ou taineliki, le vakavakapu leia na liliaki ki fetuu mo fetuu ti mo le alaga mua atamai leia na siki ki aluga i mua o le Eteleno ; talie kua soli kia koutou a inati ana ko le totogi o le gaoi fakapelepitelo, i sakilifisio fakafetai fuli a fanau o Iselaele.

Levitiko 10:14 ပူးပေါင်းရင်းမြစ်များ

Ekesote 29:33

Ti e lotou kai loa a nea ana, ala na fai ki ai le fakamalie, o tupu ke fakatapui ai mo fakanofo ai latou ki le gaoi fakapelepitelo. E leaise kai loa se tasi kese ki nea ana, talie ko nea tapu latou.

Esekiele 42:13

Na pati mai loa a ia kiate au : Ko kogafale o le noleto mo kogafale o le saute, ala e mavaa ki le potu lauatea, ko kogafale tapu ; i kogafale ana, ko tagata faisakilifisio ala e fakafeofi ki le sagatualio o le Eteleno e kai ia loa i ai a nea taputapu, ti e lotou tuku loa i ai a nea taputapu, a moliga, mo manu o sakilifisio kesekese ki le fakamolemole o agasala ti mo le fakamalie ; talie e maokioki le ganea lena.

Levitiko 10:13

E kotou kai loa latou i se ganea tapu. Ko le vaega a ia e tuku kiate koe, Alone mo ou vosa, i moliga ala kua fai ki le Eteleno, o mulimuli ki fakatotonu ala na tuku mai e le Eteleno kiate au.

Levitiko 22:13

Kae ko le taine o se tagata faisakilifisio, leia kua nofo lokonui pe kua mavete mo lona avaga ti e sala fanau, ti kua toe liliu loa o nofo i le fale o lona tamana ofaipe mua o lona avaga, e kai loa a ia ki le nea kai a lona tamana. E leaise kai loa se tagata seka ki nea kai a le tagata faisakilifisio.

Levitiko 9:21

Ti na liliaki loa e Alone i mua o le Eteleno le vakavaka mo alaga mua atamai, o mulimuli ki le fakatotonu a le Eteleno.

Numelo 18:11

Ko leinei se tasi a nea leia e ke toe maua loa : ko nea alofa fuli ala e momoli loa e fanau a Iselaele i le siki mo le liliaki ki fetuu mo fetuu ; e kau soli latou kiate koe, mo ou vosa, mo ou taineliki, i se lao leia e tuku sosolo. E kai loa ki ai leia e mea i lou fale.

Numelo 5:9

Ko vaega fuli ala e too loa i se moliga tapu leia na ave e fanau a Iselaele e maua loa e le tagata faisakilifisio.

Soane 4:34

Na pati loa Sesu kia latou : Ko laku nea kai ko le fai o le finegalo o leia na kakau ia mai au, ti mo le fakasoko o lana gaoi.