Levitiko 10:10 - Tosi Tapu

¹⁰ Aua na kotou inu foki se kava mo ka e tonu ke kotou too ia se tonu ki se nea fakalotu pe ko se nea fakamalama, ki se nea kelekele pe ki se nea mea.

Levitiko 10:10 ပူးပေါင်းရင်းမြစ်များ

Selemia 15:19

Koia e folafola ai le Eteleno, o pati : Kapau e ke toe pipiki mai kiate au, e kau tali atu loa kiate koe, ti e ke tuu loa i oku mua ; Kapau e ke vaei kese le nea leia e mauiga mei le nea leia e noa, e ke tatau loa mo loku gutu. Ko latou ala e tonu ke toe au kiate koe, Kae e leaise ko koe leia e tonu ke ano kia latou.

Esekiele 22:26

Kua maumaui e ona tagata faisakilifisio laku lao, ti kua lotou fakakelekele ia oku sagatualio, ti e leaise lotou iloa le kesekese o le nea taputapu mo le nea fakamalama, ti e leaise lotou fakasa ke iloa le kesekese o le nea kelekele mo le nea mea, ti kua lotou fakamaliu olatou mata i aku sapato, ti kua fakalialiai au i loto malie o latou.

Esekiele 44:23

E lotou ako loa loku kakai ke poto i le fakakesekese o le nea leia e maokioki mo le nea leia e fakamalama, ti e lotou fakasa loa ki le kakai le nea leia e mea mo le nea leia e kelekele.

Levitiko 11:47

O tupu ke kotou iloa kesekese ai a manu ala e mea mo manu ala e kelekele, a manu ala e feala ke kai mo manu ala e leaise feala ke kai.

Levitiko 13:43

E tioi loa a ia e le tagata faisakilifisio : ti kapau e maua loa e ia i le koga tula ni kama ala e tea kulakula ofaipe le kilia,

Levitiko 14:57

E fakasa e ia le temi leia e kelekele ai se nea, pe mea ai a ia. Ko le lao a ia ki le kilia.

Tito 1:15

E mea nea fuli kia latou ala e mea ; kae e leaise mea se nea kia latou ala e kelekele mo tui gataa ; talie kua kelekele olatou atamai mo olatou loto.