Levitiko 10:1 - Tosi Tapu

¹ Ko vosa o Alone, ko Natape mo Apiu, na too ia loa ala ipu tanaki malala, o la tuku loa ki ai ni malala kaka, ti na la liligi loa i aluga se kaloni fakamanogi. Ti na la ave loa ki le Eteleno se afi kese, kae na leaise fakatotonu le nea lena kia laua e le Eteleno.

Levitiko 10:1 ပူးပေါင်းရင်းမြစ်များ

Uluaki tosi o Sau 18:38

Ti na vilo loa le afi a le Eteleno o tutu le failaulau, mo le fafie, mo fatu, ti mo le kele, ti na malo loa le vai leia na tafe i le kanivo.

Pesalemo 141:2

Ke fai laku kole i ou mua pe le iseso, Ti ke fai oku lima ala e falo atu kiate koe pe le moliga o le afiafi !

Ekesote 24:1

Na pati loa le Atua kia Moisese : Pale ki le Eteleno, a koe mo Alone, mo Natape, mo Apiu, mo se tino fitu i le kau matua o Iselaele ; ti e kotou punou loa mei mamao.

Ekesote 24:9

Na pale loa Moisese, mo Alone, mo Natape, mo Apiu, ti mo se tino fitu i le kau matua o Iselaele.

Ekesote 27:3

E ke fai loa ki le aletale ni tanakiaga mugalafu, mo ni supeti, mo ni pesini, mo ni suki, ti mo ni tanakiaga malala ; e ke fai loa a nea gaoi fuli ana ki le sila.

Ekesote 28:1

Fakafeofi mai kiate koe lou taokete ko Alone, mo ona vosa, ti ke vaei kese latou mei fanau a Iselaele, o ke fakanofo latou ke gaoi kiate au i le gaoi fakapelepitelo : Ko Alone mo ona vosa ko Natape, mo Apiu, mo Eleasale, mo Itamale.

Ekesote 31:11

mo le lolo pani tapu, ti mo le kaloni fakamanogi ki le sagatualio. E lotou fai loa o fakatatau ki nea fuli ala na kau fakatotonu atu kiate koe.

Ekesote 37:29

Na fai loa e ia le lolo pani tapu, mo le kaloni fakamanogi, ki a nea fakamanogi, o mulimuli ki le poto o le tagata fai kaloni.

Ekesote 38:3

Na fai loa e ia a nea gaoi fuli o le aletale, mo tanakiaga mugalafu, mo supeti, mo pesini, mo suki ti mo tanakiaga malala, na fai loa e ia a nea fuli ki le sila.

Ekesote 40:27

Ti na tutu loa e ia i ai le kaloni fakamanogi, o mulimuli ki le nea leia na fakatotonu e le Eteleno kia Moisese.

Ekesote 6:23

Na avaga loa Alone mo Elisepa, taine o Aminatape, tuagaane o Nakesone ; ti na fanaui loa e Elisepa kia Alone a Natape, mo Apiu, mo Eleasale, mo Itamale.

Ekesote 8:27

Na fai loa e le Eteleno le nea leia na kole e Moisese ; ti na fakamamao loa e ia a lago meia Falaone, mo ana tagata fakasausau, ti mo lona kakai. Na leaise toe maua loa se fa lago fua e tasi.

Selemia 19:5

Kua lotou fakatuu ni ganea taualuga kia Paale, Ke tutu ai alatou fanau i le afi ko ni failaulau kia Paale : Na leaise kau fakatotonu le nea lena, na e tosi a ia, Ti na leaise ake a ia i laku fakakaukau.

Selemia 32:35

Na lotou fakatuu ni ganea taualuga ki Paale, i le vaivailiua o Pene-Inome, Ke momoli ai i le afi olatou vosa mo olatou taineliki kia Moloke, Nea leia na leaise kau fakatotonu ke fai ; Ti na leaise ake i laku fakakaukau E lotou fai loa ni nea fakalialia felaaki, Ke tupu ai le agasala o Suta.

Selemia 44:15

Ko tagata fuli ala kua iloa ia kua tutu e olatou avaga le iseso ki ni iki ake atua kese, mo fafine fuli ala na tutu i ai, ti na lotou api ai, ti mo le kakai katoa leia na nofo i le fenua o Esipito, i Patolosi, na tali loa kia Selemia :

Selemia 44:8

Kolea e kotou fakatupu ai loku sausau ki gaoiaga o okoutou lima, o kotou momoli le iseso ki ni iki ake atua kese i le fenua o Esipito, leia kua kotou ano o nonofo i ai, ke tupu ai lokoutou mamate ti ke kotou liliu ai ko se nea fakatupu lauveli mo fakalumaluma i puleaga fuli o le kele ?

Selemia 7:31

Na lotou fakatuu ni ganea taualuga i Tofete, i le vaivailiua o Pene-Inome, ke tutu ai i le afi olatou vosa mo olatou taineliki : Nea leia na leaise kau fakatotonu fua ke fai, Nea leia na leaise au fua ki laku fakakaukau.

Levitiko 16:1

Na masau loa le Eteleno kia Moisese i le oki o le mate o vosa e lua o Alone, ala na ano ki mua o le Eteleno mo se kaloni kese, o tupu ai lola mate.

Levitiko 16:12

E too loa e ia se tanakiaga malala leia kua apele i le malala kaka o le aletale leia e tuu i mua o le Eteleno, mo ni lukuga kaloni fakamanogi e lua na ali ki lona alofilima ; ti e ave loa e ia a nea ana ki loto o le lito tapono, ki le potu taputapu.

Levitiko 22:9

E lotou tausi loa aku fakatotonu, o tupu ke aua na lotou amo ia le tua o lalatou agasala ti ke lotou mamate, talie na lotou fakakelekele a nea tapu. Ko au ko le Eteleno, leia e fakamaokioki ia latou.

Levitiko 9:24

Na mavae loa se afi mei mua o le Eteleno, o tutu le failaulau mo gako i aluga o le aletale. Na tio loa le kakai katoa ki le nea lena ; ti na lotou kalaga loa i le fiafia, ti na lotou punou loa o fakatau olatou mata ki le kele.

Numelo 16:46

ti na pati loa Moisese kia Alone : ke ke too loa lau ipu tutuaga kaloni, ti e ke tuku loa ki ai ni malala kaka mei le aletale, ti e ke liligi loa ki ai se kaloni, ti e ke ano fakatavili loa ki le fakatasi, ti e ke fai loa kia latou le sakilifisio o le fakamalie ; talie kua mapaa le sausau o le Eteleno, ti kua kamata le malaia.

Numelo 26:61

Na mate loa Natape mo Apiu, i le aso leia na la momoli ai ki le Eteleno se afi kese.

Numelo 4:18

Aua na ke tuku ke puli a famili o Keati i loto malie o le kau Levi.

Tetelonome 12:32

Ke kotou tausi ti mo fai a nea fuli ala e kau fakatotonu atu kia koutou. Ke aua na kotou fakalasi se nea ki ai, ti ke aua na kotou fakaikiiki se nea i ai.

Tetelonome 17:3

talie na ano loa a ia, o tausi ki ni iki ake atua kese ti mo atolasio kia latou, pe ko le laa, pe ko le masina, pe ko le fuatau katoa o le lagi. E leaise ko le nea lena na kau fakatotonu.

Tetelonome 4:2

E leaise kotou fakalasi loa se nea ki le nea leia kua kau fakatotonu kia koutou, ti e leaise kotou fakaikiiki loa se nea ; kae e kotou tausi loa a folafola a le Eteleno, lokoutou Atua, ofaipe laku tuku atu latou kia koutou.

Epelo 9:4

Na tuu i ai le aletale aulo ki kaloni, ti mo le aleka o le sai leia na kofu katoa ki le aulo. Na tuku i loto o le aleka se ipu aulo leia na tuku ai le mane, mo le tokotoko o Alone, leia na se, ti mo laui fatu o le sai.