Levitiko 1:5 - Tosi Tapu

⁵ E tamate loa e ia le pipi tagata muli i mua o le Eteleno ; ti e momoli loa e tagata faisakilifisio, vosa o Alone, le toto, o liligi loa a ia i le takatakai katoa o le aletale leia e tuu i le uluaga o le falela tapu.

Levitiko 1:5 ပူးပေါင်းရင်းမြစ်များ

Lua tosi o Koloniko 35:11

Na lotou tamate loa le Pasikate ; na liligi loa e le kau tagata faisakilifisio le toto leia na aumai e le kau Levi, ti na teuteui loa e le kau Levi a vikitima.

Ekesote 29:11

E ke tamate loa le pipi tagata i mua o le Eteleno, i le mua matapa o le falela tapu.

Ekesote 29:16

E ke tamate loa le ovi tagata ; e ke too loa lona toto, ti e ke liligi loa a ia i aluga o le aletale i lona tafatafa katoa.

Ekesote 40:6

E ke fakatuu loa le aletale o failaulau i mua o le uluaga o le tapenakulo mo le falela tapu.

Esaia 52:15

Koia e liliu loa a ia ki le toka api ko se tupuaga o le fiafia ; I ona mua e tapono loa e ni sau olatou gutu ; Talie e lotou tio loa ki le nea leia na leaise fakamatala kia latou, E lotou logo loa ki le nea leia na leaise lotou logo ki ai.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Esekiele 43:18

Na pati mai loa a ia kiate au : Vosa o le tagata : E folafola le Aliki, le Eteleno, o pati : Ko nei a lao o le aletale, i le aso leia e fakatuu ai loa a ia, o tupu ke momoli ai a failaulau ti ke liligi ai le toto o vikitima.

Levitiko 1:11

E tamate loa e ia le manu i le fetuu noleto o le aletale, i mua o le Eteleno ; ti e liligi loa e tagata faisakilifisio, vosa o Alone, le toto o le manu i le takatakai katoa o le aletale.

Levitiko 1:15

E momoli loa e le tagata faisakilifisio le manu lele i aluga o le aletale ; e motusi loa e ia le fa ulu ki lona matininia, ti e tutu loa e ia a ia i aluga o le aletale ; ti e fakasasali loa e ia le toto ki se fetuu o le aletale.

Levitiko 16:15

Ti e tamate loa e ia le koti tagata ki le fakamolemole o agasala a le kakai, ti e ave loa e ia se toto ki loto o le lito tapono, o fai ai ni afusi ki le toto i aluga o le tapono o le manava alofa ti mo mua o le tapono o le manava alofa.

Levitiko 17:11

Talie ko le mauli o le tino e nofo i le toto. E kau soli atu a ia kia koutou i aluga o le aletale, o tupu ke fai ai le fakamalie ki okoutou laumalie ; talie ko le toto leia e fai ia le fakamalie ki le laumalie, talie ko le toto ko le mauli a ia.

Levitiko 3:13

E teki loa e ia lona lima ki le fa ulu o le manu, ti e tamate loa e ia le manu i mua o le falela tapu. E liligi loa e vosa o Alone le toto i le takatakai katoa o le aletale.

Levitiko 3:2

E teki loa e ia lona lima ki le fa ulu o le manu, ti e tamate loa e ia le manu i le uluaga o le falela tapu. E liligi loa e le kau faisakilifisio, vosa o Alone, le toto i le takatakai katoa o le aletale.

Levitiko 3:8

E teki loa e ia lona lima ki le fa ulu o le manu, ti e tamate loa e ia le manu i mua o le falela tapu ; ti e liligi loa e vosa o Alone le toto o le manu ki le takatakai katoa o le aletale.

Levitiko 4:29

E teki loa e ia lona lima ki le fa ulu o le vikitima leia e momoli ki lana agasala ; ti e tamate loa e ia le vikitima ki le agasala i le ganea leia e tamate ai a failaulau.

Levitiko 4:33

E teki loa e ia lona lima ki le fa ulu o le vikitima leia e momoli ki le agasala, ti e tamate loa e ia le vikitima o le sakilifisio ki le agasala i le ganea leia e tamate ai a failaulau.

Levitiko 4:7

E pani loa e le tagata faisakilifisio ki le toto a tala o le aletale o kaloni fakamanogi, leia e tuu i mua o le Eteleno i le falela tapu ; ti e liligi loa e ia le toto katoa o le pipi tagata ki le vae o le aletale o failaulau leia e tuu i le matapa o le falela tapu.

Mikea 6:6

Kolea le nea ke ano mo au ki mua o le Eteleno, Ke kau fakataulalo ai i mua o le Atua Taualuga ? Pe kau ano loa ki ona mua mo ni failaulau, Mo ni uviki pipi fetuu taki tasi ?

Numelo 18:17

Kae e leaise ke fakatotogi ia loa le uluaki o le pipi fafine, mo le uluaki o le ovi fafine, mo le uluaki o le koti fafine : ko nea maokioki ana. E ke liligi loa olatou toto i aluga o le aletale, ti e ke tutu loa olatou gako : ko se sakilifisio tutu e le afi, ko se nea manogi malie a ia ki le Eteleno.

Epelo 10:11

Ti e tuu i aluga a tagata fai sakilifisio fuli i aso taki tasi o fai lana gaoi, ti e momoli tuumau e ia a sakilifisio tatau, ala e leaise mafai ke too ia i se aso a agasala.

Epelo 12:24

kia Sesu leia ko le tagata fakasoko pati o le sai foou, ki le toto o le afusi leia e masau malie ake i le toto o Apele.

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !

Uluaki tosi a Samuele 1:25

Na lotou tamate loa a pipi tagata, ti na lotou ave loa le toe kia Eli.