Levitiko 1:4 - Tosi Tapu

⁴ E teki loa e ia lona lima ki le fa ulu o le failaulau tutu, leia e tali malie loa e le Eteleno ki le fakamolemole o ana agasala.

Levitiko 1:4 ပူးပေါင်းရင်းမြစ်များ

Ekesote 28:38

E tuu loa a ia i le lae o Alone, ti e amo loa e Alone a sala o fanau a Iselaele mo ka lotou momoli alatou moliga tapu i mua o le Eteleno, ti e tali loa e le Eteleno a fanau a Iselaele.

Ekesote 29:10

E ke aumai loa le pipi tagata muli ki mua o le falela tapu, ti e teki loa e Alone mo ona vosa olatou lima ki le ulu o le pipi tagata.

Ekesote 29:15

E ke too loa se ovi e tasi o ovi tagata e lua, ti e teki loa e Alone mo ona vosa olatou lima ki le ulu o le ovi tagata.

Ekesote 29:19

E ke too loa leia ake a ovi tagata, ti e teki loa e Alone mo ona vosa olatou lima ki le ulu o le ovi tagata.

Ekesote 29:33

Ti e lotou kai loa a nea ana, ala na fai ki ai le fakamalie, o tupu ke fakatapui ai mo fakanofo ai latou ki le gaoi fakapelepitelo. E leaise kai loa se tasi kese ki nea ana, talie ko nea tapu latou.

Esaia 56:7

E kau ave loa latou ki loku mauga maokioki, Ti e kau fakafiafia loa olatou loto i loku fale faikole ; E tali loa alatou failaulau mo alatou sakilifisio i loku aletale ; Talie e fakaigoa loa loku fale ko se fale faikole ki kakai fuli.

Esekiele 45:15

E kotou soli loa se ovi e tasi i se kau manu o ni ovi e kau lelau lua, i faisaga sesega malie o Iselaele, ki le moliga, mo le failaulau mo le sakilifisio fakafetai, o tupu ke momoli ofaipe se vikitima fakamolemole o le agasala, e pati le Aliki, le Eteleno.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Levitiko 16:21

E teki loa e Alone ona lima e lua ki le fa ulu o le koti tagata mauli, ti e kofesio loa e ia kiate ia a ga sala fuli, mo maumau fuli, ti mo sala fuli o le kakai o Iselaele ; e teki loa e ia latou ki le fa ulu o le koti tagata, ti e kapu loa e ia le koti tagata ki le toafa, ki se tagata leia kua filifili ki le kauga lena.

Levitiko 16:24

E fufulu loa e ia lona tino ki se vai i se ganea tapu, ti e toe tui loa e ia ona kofu. Ti e ulu loa a ia ki fafo, o momoli loa lana failaulau, mo le failaulau a le kakai, ti e fai loa e ia le fakamalie kiate ia totonu mo le kakai.

Levitiko 22:21

Ti kapau e momoli loa ki le Eteleno e se tagata se manu lasi pe ko se manu ikiiki i ni sakilifisio fakafetai, o tupu ko le fakasoko o se fakapapau, pe ko lona loto alofa, e tonu ke too loa e ia se manu lee mele, o tupu ke tali malie loa a ia ; ke aua ai na maua loa e le manu se ga mele fua e tasi.

Levitiko 22:27

Ka fanaui loa se uviki pipi, pe ko se akeno, pe ko se uviki koti, e nofo loa a ia mo lona tinana i ni aso e fitu ; kae kamata atu loa i le valu o aso, e feala loa ke momoli a ia i se sakilifisio tutu e le afi ki le Eteleno.

Levitiko 3:13

E teki loa e ia lona lima ki le fa ulu o le manu, ti e tamate loa e ia le manu i mua o le falela tapu. E liligi loa e vosa o Alone le toto i le takatakai katoa o le aletale.

Levitiko 3:2

E teki loa e ia lona lima ki le fa ulu o le manu, ti e tamate loa e ia le manu i le uluaga o le falela tapu. E liligi loa e le kau faisakilifisio, vosa o Alone, le toto i le takatakai katoa o le aletale.

Levitiko 3:8

E teki loa e ia lona lima ki le fa ulu o le manu, ti e tamate loa e ia le manu i mua o le falela tapu ; ti e liligi loa e vosa o Alone le toto o le manu ki le takatakai katoa o le aletale.

Levitiko 4:15

E teki loa e le kau fakamatuatua o le kakai o Iselaele olatou lima ki le fa ulu o le pipi tagata i mua o le Eteleno, ti e tamate loa le pipi tagata i mua o le Eteleno.

Levitiko 4:20

Ti e fai loa e ia ki le pipi tagata lena ofaipe lana fai ki le pipi tagata leia na momoli e ia ki lana agasala totonu. Ko lena le nea leia e tonu ke fai e le tagata faisakilifisio ki le kakai o Iselaele ki le fakamolemole o lana agasala, ti e fakamolemole loa a ia kia latou e le Atua.

Levitiko 4:24

E teki loa e ia lona lima ki le fa ulu o le koti tagata, ti e tamate loa e ia le koti tagata i le ganea leia e tamate ai a failaulau i mua o le Eteleno. Ko se sakilifisio a ia ki le agasala.

Levitiko 4:26

Ti e tutu loa e ia le gako katoa i aluga o le aletale, ofaipe le sakilifisio fakafetai. Ko lena loa le nea leia e tonu ke fai e le tagata faisakilifisio ki le tagata pule ke fakamolemole ai lana agasala, ti e fakamolemole loa a ia e le Eteleno.

Levitiko 4:29

E teki loa e ia lona lima ki le fa ulu o le vikitima leia e momoli ki lana agasala ; ti e tamate loa e ia le vikitima ki le agasala i le ganea leia e tamate ai a failaulau.

Levitiko 4:31

E tatala loa e ia le gako fuli, ofaipe lana tatala le gako o le sakilifisio fakafetai, ti e tutu loa e ia le gako lena i aluga o le aletale, ti ko se nea a ia e manogi malie loa ki le Eteleno. Ko lena le nea leia e tonu ke fai e le tagata faisakilifisio o uiga mo le fakamolemole o le agasala a le tagata lena, ti e fakamolemole loa a ia kiate ia e le Eteleno.

Levitiko 4:33

E teki loa e ia lona lima ki le fa ulu o le vikitima leia e momoli ki le agasala, ti e tamate loa e ia le vikitima o le sakilifisio ki le agasala i le ganea leia e tamate ai a failaulau.

Levitiko 4:35

Ti e tatala loa e ia le gako fuli, ofaipe le tatala o le gako o le akeno i le sakilifisio fakafetai, ti e tutu loa e ia a ia i aluga o le aletale, ofaipe se sakilifisio tutu i mua o le Eteleno. Ko lena le nea leia e tonu ke fai e le tagata faisakilifisio ki le tagata lena, o tupu ke fakamolemole ai lana agasala na fai, ti e fakamolemole loa a ia kiate ia e le Eteleno.

Levitiko 4:4

E ave loa e ia le pipi tagata ki le matapa o le falela tapu, ki mua o le Eteleno ; ti e teki loa e ia lona lima ki le fa ulu o le pipi tagata ; ti e tamate loa e ia le pipi i mua o le Eteleno.

Levitiko 5:6

Ti e momoli loa e ia ki le Eteleno, o uiga mo lana agasala, se manu ikiiki fafine, se ovi fafine pe ko se koti fafine, ke fai ai se sakilifisio ki le agasala. Ti e fai loa e le tagata faisakilifisio kiate ia le fakamolemole o lana agasala.

Levitiko 6:7

Ko leinei le lao ki le moliga nea kai. E momoli loa a ia e vosa o Alone ki le Eteleno, i mua o le aletale.

Levitiko 8:14

Ti na avake loa e ia le pipi tagata ki le agasala ; ti na teki loa e Alone mo ona vosa olatou lima ki le fa ulu o le pipi tagata ki le agasala.

Levitiko 8:18

Ti na avake loa e ia le ovi tagata o le failaulau. Ti na teki loa e Alone mo ona vosa olatou lima ki le fa ulu o le ovi tagata.

Levitiko 8:22

Ti na avake loa e ia le lua o ovi tagata, le ovi o le fakanofo, ti na teki loa e Alone mo ona vosa olatou lima ki le fa ulu o le ovi tagata.

Levitiko 9:7

Na pati loa Moisese kia Alone : ke ke fakafeofi ki le aletale ; momoli lau sakilifisio o le fakamolemole mo lau failaulau, ti ke fai le fakamolemole kiate koe mo le kakai ; ti ke momoli foki le sakilifisio a le kakai, ti ke fai le fakamolemole kiate ia, o mulimuli ki le fakatotonu a le Eteleno.

Numelo 15:25

E fai loa e le tagata faisakilifisio le fakamalie ki le fakatasi o fanau fuli a Iselaele, ti e fakamolemole loa kia latou ; talie na lotou agasala fakafuanoa, ti kua lotou ave lalatou moliga, ko se sakilifisio tutu e le afi ki le Eteleno ti ko se vikitima fakamalie i mua o le Eteleno, o tupu ko le agasala leia na lotou fai fakafuanoa.

Numelo 15:28

E fai loa e le tagata faisakilifisio le fakamalie ki le tagata lena na fai ia le agasala fakafuanoa i mua o le Eteleno ; ti ka oki loa lana momoli le sakilifisio o le fakamalie, ti e fakamolemole loa kiate ia.

Numelo 25:13

Ko le sai lena kiate ia mo lona sakoga, leia e lotou liliu ai ko ni tagata faisakilifisio o lee gato, talie na fakasa e ia lona alofa ki lona Atua ti na fai e ia le fakamalie ki fanau a Iselaele.

Numelo 8:10

E ke fakafeofi ake loa le kau Levi ki mua o le Eteleno ; ti e teki loa e fanau a Iselaele olatou lima ki le kau Levi.

Numelo 8:12

E teki loa e le kau Levi olatou lima ki ulu o pipi tagata e lua ; ti e momoli loa se tasi a pipi ki le sakilifisio o le fakamalie, ti ko se tasi a pipi ki le failaulau, ke fai ai le fakamalie ki le kau Levi.

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Loma 3:25

Ko ia leia kua fakatuutuu e le Atua ko le failaulau fakamolemole o agasala kia latou ala e tui loa ki lona toto, o tupu ke fakasa ai lana faitotonu, talie na leaise fakatuaa e ia a agasala ala na fai i mua, i le temi o lona kataki fualoa.

Loma 5:11

E leaise gato fua i ai, kae e tou fiafia foki i le Atua i lotatou Aliki ko Sesu-Kilisito, leia kua tou maua ai le fakatokatoka i le temi nei.

Filipe 4:18

Kua kau maua nea fuli, ti kua kau nofo i le mou ; kua kau apele pipi i koloa, i laku tali meia Epafolotito le nea leia e au meia koutou ofaipe se kaloni manogi malie, pe se sakilifisio leia e tali e le Atua, ti e mata malie kiate ia.

Epelo 10:4

Talie e leaise feala ai ke too ia a agasala e le toto o pipi tagata ti mo koti.

Uluaki tosi a Soane 2:2

Ko ia totonu ko le vikitima fakamolemole o atatou agasala, ti e leaise gato fua ki atatou agasala, kae ki agasala foki a le malama nei katoa.