Kolose 4:5 - Tosi Tapu

⁵ Kotou saele tokaga kia latou ala e nonofo i fafo, ti kotou totogi le temi.

Kolose 4:5 ပူးပေါင်းရင်းမြစ်များ

Pesalemo 90:12

Ako matou ke motou iloa le lau omatou aso, O tupu ke motou maua se loto leia e poto.

Taniela 2:8

Ti na toe masau loa le sau, o pati : E kau iloa fakapapau nei e kotou faiga ke maua se temi, talie e kotou tio kua puli le nea iate au.

Mateo 10:16

Ko leinei, e kau kakau koutou ofaipe ni ovi ki loto malie o ni lupo. Kotou poto ofaipe ni gata, ti kotou agamalie ofaipe ni lupe tea.

Maleko 4:11

Ti na pati loa a ia kia latou : Kua tuku atu kia koutou ke kotou iloa le misitelio o le puleaga o le Atua ; kae kia latou ala i tafa e fai a nea fuli anei i ni folafola fakatata,

Loma 16:19

Kia koutou, kua iloa lakoutou fakalogo e tagata fuli. Koia e kau fiafia ai o uiga mo koutou, kae e kau loto ke kotou fakapotopoto i le nea e malie, ti ke kotou mea i le nea e veli.

Kolose 3:16

Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Uluaki tosi ki le kau Tesalonika 4:12

ti ke kotou mauli agatonu kia latou mei tafa, ti ke aua na kotou liliu ko se kavega ki se tasi.

Uluaki tosi kia Timoteo 3:7

E tonu foki ke maua e ia se fakamaoki malie meia latou mei tafa, o tupu ke aua na vilo a ia ki valoki mo masele a le Tiapolo.

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.

Sakopo 3:13

Ko ai leia e poto mo atamai ia koutou ? Ke fakamaoki e ia a ia ki le malie o lana aga, ti mo ni gaoi ala e fai i le agamalu mo le poto.

Sakopo 3:17

Ko le poto mei aluga, e fuafuaki mea a ia ; ti lua e tokamalie a ia, mo agamalu, mo loto malie, mo apele i le manavaalofa ti mo fua malilie, mo mea mei le fakapalatasi ti mo le malualoi.

Uluaki tosi a Petelo 3:1

Fafine avaga, kotou fakataulalo i nea fuli ki okoutou avaga, o tupu, kapau e leaise fakalogo ni iki ki le folafola, ke aumai latou ki le tui e le aga a le fafine, sala folafola,