Kolose 4:17 - Tosi Tapu

¹⁷ Ti kotou pati kia Alikipe : tokaga ki le gaoi leia kua ke tali mei le Aliki, o tupu ke ke fai fakamalotoloto a ia.

Kolose 4:17 ပူးပေါင်းရင်းမြစ်များ

Lua tosi o Koloniko 29:11

I le aso nei, ei oku vosa, ke kotou tuku la le fakaagaaganoa, talie kua filifili koutou e le Eteleno ke kotou tausi i ona mua, ke kotou liliu ko ana tagata fakasausau, ti ke kotou momoli kiate ia ni kaloni.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Numelo 18:5

E kotou tokaga loa ki le tausi o le sagatualio mo le aletale, o tupu ke aua na toe vilo se sausau ki fanau a Iselaele.

Mateo 25:17

Ti na toe fenaaki mo leia na tali ia a fa tenalio e lua, na toe maua loa e ia ni iki ake fa tenalio e lua.

Gaoi 1:17

Talie na lau a ia mo matou, ti na kau a ia ki lamatou gaoi.

Gaoi 14:23

Na la fakanofo loa kia latou ni kau fakamatuatua i Ekelesia taki tasi, ti i le oki o le faikole mo le sesunio, na la tuku loa latou ki le Aliki leia kua lotou tui ki ai.

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Efeso 4:11

Ti na soli e ia ni iki ko le kau apositolo, mo ni iki ko le kau polofeta, mo ni iki ko le kau evaselisita, mo ni iki ko le kau tausi ovi mo le kau toketa,

Uluaki tosi kia Timoteo 4:14

Aua na ke tuku noa le nea alofa leia iate koe, leia na soli atu kiate koe i se kikite i le teki o lima o le kau fakamatuatua.

Uluaki tosi kia Timoteo 4:16

Tokaga kiate koe totonu, ti mo lau akonaki ; kataki fualoa i nea ana, talie, i lau fai fenaaki, e ke saofaki ai loa a koe totonu, ti e ke saofaki ai foki latou ala e fakalogologo atu kiate koe.

Uluaki tosi kia Timoteo 4:6

I lau fakasa a nea ana ki fetaina, e ke liliu loa ko se tagata gaoi malie a Sesu-Kilisito, leia e fagai e folafola o le tui ti mo le akonaki malie leia kua ke mulimuli totonu ki ai.

Uluaki tosi kia Timoteo 6:20

Ei Timoteo, taupau le koloa lena, o sola mei masau noa mo fakamalama, ti mo fefele o le poto loi,

Lua tosi kia Timoteo 1:6

Koia, e kau kole atu ai kiate koe, ke ke toe fakaula le nea alofa o le Atua, leia na ke tali i le teki o oku lima.

Lua tosi kia Timoteo 2:2

Ti ko le nea leia na ke logo meiate au i mua o ni kau fakamaoki toka api, tuku a ia ki ni kau tagata agatonu, ala e mafai ia lona toe ako foki ki ni iki ake.

Filemo 1:2

ki le tuagaane ko Afia, mo Alesipe ko loma kaukau nea i le tau, ti mo le Ekelesia leia i lou fale :