Kolose 4:16 - Tosi Tapu

¹⁶ Ka oki loa le lau o le tosi leinei ia koutou, kotou faiga ke toe lau a ia i le Ekelesia o le kau Laotise, ti ke kotou lau foki le tosi leia ka kaku atu loa kia koutou mei Laotise.

Kolose 4:16 ပူးပေါင်းရင်းမြစ်များ

Selemia 51:61

Na pati loa Selemia kia Selasa : Ka ke kaku loa ki Papilone, e ke tokaga loa o lau a folafola fuli anei,

Kolose 2:1

Koia, e kau loto ke kotou iloa le lasi o le tau leia e kau fai o tupu ko koutou, ti mo latou ala e nofo i Laotise, ti mo latou fuli ala e leikiaise tio ki oku mata,

Kolose 4:13

Talie e kau tuku le fakamaoki kia koutou, e nofo a ia mo se loto tokaga lasi ai kia koutou, mo latou o Laotise, ti mo latou o Ielapolisi.

Kolose 4:15

Fakaalofa atu ki fetaina ala e nonofo i Laotise, mo Nifase, ti mo le Ekelesia leia i lona fale.

Uluaki tosi ki le kau Tesalonika 5:27

E kau kole mamae atu kia koutou i le Aliki, ke lau le tosi leinei ki fetaina fuli.

Lua tosi ki le kau Tesalonika 3:14

Ti kapau e leaise fakalogo se tasi ki le nea leia e motou fakasa atu i le tosi leinei, kotou fakamaumau a ia, ti aua na kotou toe fakatasi loa mo ia, o tupu ke luma ai.