Kolose 4:10 - Tosi Tapu

¹⁰ Ko Alisitake, loku kaukau nea i le pilisoni, e fakaalofa atu kia koutou, tatau mo Maleko, le taina mataitama o Palenapa, (leia kua kotou maua ni fakatotonu o uiga mo ia, kapau e natu a ia kia koutou, kotou tali fakamalie a ia) ;

Kolose 4:10 ပူးပေါင်းရင်းမြစ်များ

Gaoi 12:12

I le oki o lana fakakaukau, na ano loa a ia ki le fale o Malia, tinana o Soane leia na fakaigoa ko Maleko, talie na fakatasi i ai se toka api o faikole.

Gaoi 12:25

Ko Palenapa mo Saulo, i le oki o le fai o lala gaoi, na toe liliu loa mei Selusalemi, ti na la aumai loa Soane leia na fakaigoa ko Maleko.

Gaoi 13:13

Na sopo loa Paulo mo ona kaukau nea ki le vaka i Pafosi, o ano ki Pelese i le fenua ko Pafilia. Kae na mavae loa Soane ia laua, o toe liliu ki Selusalemi.

Gaoi 13:5

I lala kaku ki Salamina, na la fakasa loa le folafola a le Atua i sinakoka o le kau Sutea. Na tokoi loa Soane kia laua.

Gaoi 19:29

Ti na maveuveu loa le kolo katoa. Na lotou feoso fakatasi fuli loa ki le malae fai manogi, o too le sa tagata Masetonia ko Kaiusi mo Alisitake, ko kau folau o Paulo.

Gaoi 20:4

Ti na ano loa mo ia ki Asia : Sopatele mei Pelea, vosa o Pilusi, mo Alisitake, mo Sekonitusi mei Tesalonika, mo Kaiusi mei Telepe, mo Timoteo, ti mo Tisike mo Tolofime mei Asia.

Gaoi 27:2

Ti na motou sopo loa ki se vaka mei Atalamite, leia na tonu ke ano i tafatafa o Asia, ti na motou ano loa mo Alisitake ko se Masetonia mei Tesalonika.

Gaoi 4:36

Ko Sosefo, leia na fakaigoa e le kau apositolo ko Palenapa, (ko lona uiga ko le vosa o le fakapelepele), tagata Levita, mei le motu ko Sipele,

Loma 16:2

o tupu ke kotou fakatalitali a ia i le Aliki, i se fakatalitali leia e gali mo le kau sagato, ti ke kotou tokoi kiate ia i nea ala e kotou aoga ai loa kiate ia, talie na tokoi a ia ki se toka api ti mo au totonu foki.

Loma 16:7

Avake oku alofa kia Atoloniko mo Suniasi, ko oku kaiga ti ko oku kaukau nea i le pilisoni, ala na alofainai lasi i le kau apositolo ti na uluaki tafoki iate au kia Kilisito.

Lua tosi kia Timoteo 4:11

Ko Luka toka tasi e nofo mo au. Too Maleko o au mo koe, talie e aoga a ia kiate au i le gaoi.

Filemo 1:23

E alofa atu kiate koe a Epafalasi, ko loku kaukau nea i le pilisoni ia Sesu-Kilisito,

Filemo 1:24

mo Maleko, mo Alisitake, mo Temasi, mo Luka, ko oku kaukau nea i le gaoi.

Uluaki tosi a Petelo 5:13

E fakaalofa atu kia koutou le Ekelesia i Papilone, ti mo loku vosa ko Maleko.