Kolose 3:8 - Tosi Tapu

⁸ Kae i le temi nei, ke kotou fakafiti ki nea fuli ana, ki le itaita, mo le masau makeke, mo le agaveli, mo le fatufatu, ti mo masau veveli ala e feala ke au mei okoutou gutu.

Kolose 3:8 ပူးပေါင်းရင်းမြစ်များ

Pesalemo 37:8

Ke ke tuku le ita, ke ke tiaki le itaita veli ; Ke aua na ke ita, talie e ke fai loa le nea leia e veli.

Taagapati 17:14

Ko le kamata o se fefele, ko le fakamavaa a ia o se kaua e taofi ia le vai ; I mua o le vevela o le fefele, ke ke ano o puli.

Taagapati 19:19

Ko le tagata itaita e tonu ke tuku ki ai se tua ; Talie kapau e ke tuku a ia ke lauatea, e tonu loa ke ke toe liliu ki muli.

Taagapati 29:22

E fakatupu e le tagata itaita ni fefele, Ti e fai e le tagata loto oso ni agasala lasi.

Mateo 5:22

Kae ko au, e kau pati atu kia koutou ko leia e ita ki lona taina, e tonu ke ave a ia ki le fakamaau ; ko leia e pati loa ki lona taina : Valeuka ! E tonu ke fakatua e le fono lasi : Ti ko leia e pati loa ki lona taina : Uluvale ! E tonu ke fakatua ki le afi o Ifeli.

Maleko 7:22

mo kaia, mo fulupipiki, mo agaveli, mo kaka, mo maveuveu, mo manumanu, mo fatituu, mo fia nealasi, mo valea.

Loma 13:13

Ke tou saele agatonu, ofaipe le saele i le ao, o mamao mei kai fakavale, mo le kona, mo fiafia fakavale, mo fai feauaki, mo le fefele ti mo le finenonofo.

Uluaki tosi ki le kau Kolinto 3:3

Talie koi maua ia koutou se finenonofo mo ni fefele, pe leaise kotou fakakanofi, pe leaise kotou saele o mulimuli ki le tagata ?

Lua tosi ki le kau Kolinto 12:20

Talie e kau i na leaise kau maua koutou, i laku tau atu, ofaipe le nea leia e kau loto ki ai, ti ke kotou maua au ofaipe le nea leia e leaise kotou loto ki ai. E kau tuania na i ai ni fefele, mo ni finenonofo, mo ni masau lalasi, mo ni fefiliaki, mo ni fatufatu, mo ni lauveli, mo ni fia nealasi, ti mo ni maveuveu.

Kalate 5:15

Kae kapau e kotou feutiutiaki mo fekaiaki, kotou tokaga ke aua na kotou maumaui koutou.

Kalate 5:20

mo le tausi taulaatua, mo le fai nea fakatemonio, mo vesia, mo fefele, mo finenonofo, mo itaita, mo vaevaega, mo magai lotu ;

Kalate 5:26

Aua na tou afa se kololia vaiga, o tou felotoveliaki mo tou fefinenonofoaki.

Efeso 4:22

Koia e tonu ai ke kotou tiaki lokoutou natula mago leia e pala i oli veveli kaka,

Efeso 4:25

Koia ke kotou tiaki le loi, kae kotou tasi masau i le maoki ki lona oloi ; talie ko koga tino koutou o le tino e tasi.

Efeso 4:26

Kapau e kotou ita, ke aua na kotou agasala ; ti ke aua na galo le laa i aluga o lokoutou ita,

Efeso 4:29

Ke aua na vilo fua mei lokoutou gutu se masau veli, kae, mo kapau e soko, se masau malie leia e aoga ki le faufau ti mo ave ia se kalasia kia latou ala e logo ki ai.

Efeso 5:4

Ke aua na logo ia koutou ki ni pati veveli, mo ni masau fakavale, mo ni fakasuasua, talie e leaise gali a nea ana mo le fakapoipoi ; kae ke logo tafito ki ni fakafetai.

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Kolose 3:9

Aua na kotou feloiaki, talie kua kotou tiaki le tagata afea mo ana gaoi,

Uluaki tosi kia Timoteo 1:13

a au leia na nofo i mua ko se tagata fatituu ki le Atua, ko se tagata fakaveliveli, ko se tagata agamakeke. Kae na manavaalofa le Atua kiate au, talie na kau fai a nea ana i le fakapouli, talie na leaise kau tui ;

Uluaki tosi kia Timoteo 1:20

Ia latou ana e kau ai Imeneo mo Alesatelo, ala kua kau tuku kia Satana, o tupu ke la ako ai ke aua se fatituu.

Epelo 12:1

Koia, ko tatou foki, o tupu kua takatakai tatou e se ao lasi o ni tagata fakamaoki, ke tou tiaki a kavega mamafa fuli, ti mo le agasala leia e pipiki gaofie kia tatou, ti ke tou makape i le kataki fualoa i le malae leia kua fakamavaa mai kia tatou,

Sakopo 2:7

Pe leaise ko latou ala e lauvelii ia le igoa fulumalie leia kua kotou maua ?

Uluaki tosi a Petelo 2:1

Koia kotou tiaki ai a agaveli fuli, mo kaka fuli, mo malualoi, mo finenonofo, ti mo fatufatu fuli,

Lua tosi a Petelo 2:18

I ni masau fia nealasi mo loi, e lotou maselei ki a oli o le kanofi mo aga fakalialia latou ala nao mavae fua mei tagata ala e mauli sese ;

Lua tosi a Petelo 2:7

ti kapau na fakamauli e ia a Lote, ko le tagata agatonu, leia na mamae lasi ai o tupu ko le mauli fakalialia o tagata agasala ana,

Suta 1:13

Ko ni galu itaita latou o le tai, ala kua laku ia le piau o olatou mauli fakakelekele ; ko ni fetuu lele latou, ala kua taofi ki ai le uli gaogao o le fakapouli lee gato.

Suta 1:8

Logo ai le nea lena, ko tagata foki ana e fai nea tatau : e lotou maua ni tio ala e taki ia latou ke lotou fakakelekele olatou tino, ti e lotou nukinuki ki le pule a le Aliki, ti e lotou lauveli ki kololia i le lagi.

Apokalipisi 16:9

Ti na tutu loa a tagata e se vevela lasi, ti na lotou lauveli loa ki le suafa o le Atua, leia e pule ki malaia ana, kae na leaise lotou fakasemala o fakakololia ki le Atua.