Kolose 3:5 - Tosi Tapu

⁵ Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Kolose 3:5 ပူးပေါင်းရင်းမြစ်များ

Ekesote 37:22

Na fai a pome mo maga o le tuuaga malama ki le potu aulo e tasi leia na tuki ; ko le potu aulo e tasi na tuki, ti ko se aulo mea a ia.

Mateo 15:19

Talie e au mei le loto a manatu veveli, mo tukipo, mo tono, mo oli veli, mo kaia, mo fakamaoki loi, ti mo fatituu.

Loma 1:26

Koia kua tuku ai latou e le Atua ki ni oli veli fakalumaluma : talie kua fetogi e olatou fafine totonu a felavei fakanatula ki ni felavei ala e fakafesagai ki le natula ;

Loma 1:29

Kua lotou apele i nea veveli fuli, mo fai feauaki, mo agaveli, mo manumanu ; ti kua lotou tukumanava fai ki le loto veli, mo le tukipo, mo le fefele, mo le kaka, mo le fatituu ;

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Loma 6:6

o tou iloa na tutuki i le koluse lotatou tagata afea mo ia, o tupu ke puli le makeke o le tino o le agasala, ti ke aua na tou toe popula ki le agasala ;

Loma 7:23

kae e kau tio i oku koga tino ki se tasi ake a lao leia e tau ki le lao o loku loto, ti e fakapopula ia au ki le lao o le agasala leia e nofo i oku koga tino.

Loma 7:5

Talie, i le temi leia na tou mauli ai i le kanofi, ko oli fakavale o agasala, ala na tupu mei le lao, na gaoi i otatou koga tino, ke tou maua ai ni fua ki le mate.

Loma 8:13

Kapau e kotou mauli o mulimuli ki le kanofi, e kotou mamate loa ; kae kapau i le Laumalie e kotou tamate a gaoi o le tino, e kotou mauli loa.

Uluaki tosi ki le kau Kolinto 5:1

Kua logo i ganea fuli e maua ia koutou se fai feauaki, ti ko se fai feauaki leia e leaise maua foki i le kau pagani ; talie kua kaku o nofo se tasi o koutou mo le avaga o lona tamana.

Uluaki tosi ki le kau Kolinto 6:11

Ti na fenaaki ni iki ia koutou i mua. Kae kua fufulu koutou, kua fakamaokioki koutou, kua fakamatatonu koutou i le suafa o le Aliki ko Sesu-Kilisito ki le Laumalie o lotatou Atua.

Uluaki tosi ki le kau Kolinto 6:13

Ko nea kai ki le manava, ti ko le manava ki nea kai, ti e maumaui loa e le Atua le manava o tatau mo nea kai. Kae na leaise fakatupu le tino ki le fai feauaki. Na fakatupu a ia ki le Aliki, ti ko le Aliki ki le tino.

Uluaki tosi ki le kau Kolinto 6:18

Kotou sola mei le fai feauaki ! Ko agasala fuli ake ala e fai e se tagata, e fai i tafa o le tino ; kae ko leia e fai ia le fai feauaki e agasala a ia ki lona tino totonu.

Lua tosi ki le kau Kolinto 12:21

E kau tuania, i laku tau atu, na toe fakataulaloi au e loku Atua i mua o koutou, ti ke kau tagi loa ki se toka api o latou ala na agasala i mua, ti na leikiaise fakasemala ki le aga fakakelekele, mo le fai feauaki, ti mo nea fakalialia fuli ala na lotou fai.

Kalate 5:24

Ko latou ala e nonofo ia Sesu-Kilisito, kua lotou tutuki ki le koluse le kanofi mo ona alofa ti mo ona oli.

Efeso 4:19

Kua puli ia latou le luma, kua lotou tuku latou ki le fakavalevale, o fai a nea fakakelekele kesekese i le faifaitalisa.

Kolose 2:11

Ti kua silikosisio foki koutou iate ia ki se silikosisio leia na leaise fai e le lima o tagata, kae ki le silikosisio a Kilisito, leia ko le fakamativa o le tino fakakanofi :

Uluaki tosi ki le kau Tesalonika 4:3

Talie ko le finegalo o le Atua ke kotou maokioki, ti ke kotou fakamamao mei le fai feauaki :

Uluaki tosi ki le kau Tesalonika 4:5

kae tuku lakoutou fai a oli fakavale o le tino, ofaipe le fai a le kau pagani ala e leaise iloa ia le Atua ;

Uluaki tosi kia Timoteo 6:10

Talie ko le manumanu paaga ko se aka a ia o veli fuli ; ti ko ni iki, i lalatou maua le nea lena, kua lotou sese o mamao mei le tui, ti kua vivilo latou totonu ki ni mamae lasi.

Epelo 12:16

Ke kotou tokaga na i ai se tasi e fai feauaki, pe ko se tasi e lee fakaapaapa ki nea tapu ofaipe Esau, leia na fakatau ia lona tapuaki o le uluaki vosa ki se nea kai e tasi.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Epelo 13:5

Ke aua na manumanu ki le paaga ; kae ke kotou fiafia i le nea leia e kotou maua, talie kua pati le Atua totonu : E leaise kau tuku loa a koe, ti e leaise kau tiaki loa a koe

Sakopo 4:1

E au meifea a tau, ti e au meifea a fefele ia koutou ? Pe leaise ko okoutou oli fakavale ala e tau i okoutou koga tino ?

Uluaki tosi a Petelo 2:11

Alofaaga, e kau kole atu kia koutou, ofaipe ni matapule mo ni tagata fanoga i le malama nei, kotou fakamamao mei oli o le tino ala e tau ki le laumalie.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !