Kolose 3:24 - Tosi Tapu

²⁴ o kotou iloa e kotou tali loa mei le Aliki le totogi ko le tofiga. Kotou tausi kia Kilisito, ko le Aliki.

Kolose 3:24 ပူးပေါင်းရင်းမြစ်များ

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Taagapati 11:18

E fai e le tagata agaveli ni koloa kaka ; Kae ko leia e muluki ia le faitotonu e maua ia se koloa maoki.

Mateo 10:41

Ko leia e tali ia se polofeta i lona uiga polofeta e tali ia loa se fakapale o le polofeta, ti ko leia e tali ia se tagata faitotonu i lona uiga faitotonu e tali ia loa se fakapale o le tagata faitotonu.

Mateo 5:12

Kotou fimalie ti kotou fiafia lasi, talie e lasi loa lokoutou fakapale i le atu lagi ; talie na fenaaki foki le fakavelivelii o le kau polofeta ala na muamua atu ia koutou.

Mateo 5:46

Kapau e kotou alofa fua kia latou ala e alofa mai kia koutou, kolea le fakapale leia e kotou maua loa ? Pe e leaise fai fenaaki foki le kau popelikano ?

Mateo 6:16

Ka kotou sesunio, aua na kotou mata mamae, ofaipe le kau malualoi, ala e fetogi olatou mata talie ke fakasa ai ki tagata e lotou sesunio. E kau pati maoki atu kia koutou, kua lotou maua lolatou fakapale.

Mateo 6:5

Ka kotou faikole, aua na kotou faipe le kau malualoi, ala e fia faikole tutuu i sinakoka ti mo magai ala, o tupu ke tioi latou e tagata. E kau pati maoki atu kia koutou, kua lotou maua lolatou fakapale.

Luka 14:14

Ti e ke manuia loa, talie e leaise mafai ke lotou totogi atu a ia kiate koe. E totogi atu loa a ia e le Atua kiate koe i le toe tuuake a le kau agatonu.

Luka 6:35

Kae kotou alofa ki okoutou fili, kotou fai le malie, ti kotou soli sala talitali ke fakaliliu atu. Ti e lasi loa lokotou fakapale, ti e kotou liliu loa ko vosa o le Taualuga, talie e agamalie a ia ki le kau mauli galo mo le kau agaveli.

Soane 12:26

Kapau e tausi se tasi kiate au, ke muli mai a ia iate au ; ti ko le ganea leia e kau nofo ai, e toe nofo ai foki laku tagata fakasausau. Kapau e tausi se tasi kiate au, e fakakololia loa a ia e le Tamana.

Gaoi 20:32

Ti ko leinei, e kau tuku koutou ki le Atua ti mo le folafola o lona kalasia, ki leia e maua ia le makeke ke faufau ia koutou ti ke soli ia kia koutou le tofiga o fakatasi mo latou fuli kua fakamaokioki.

Loma 1:1

Paulo, tagata fakasausau a Sesu-Kilisito, kua filifili ke apositolo, ti kua vaei kese ki le fakasa o le Evaselio a le Atua -

Loma 14:18

Ko leia e tausi kia Kilisito o mulimuli ki nea ana, e malie ki le Atua ti e fakamaoki ki ai a tagata.

Uluaki tosi ki le kau Kolinto 11:23

Talie kua kau tali mei le Aliki le nea leia na kau ako atu kia koutou ; ko le Aliki Sesu, i le po leia na fakatau ai a ia, na too ia loa le pane,

Uluaki tosi ki le kau Kolinto 3:8

Ko leia e to ia mo leia e fakavai ia e tatau laua, ti e la tasi maua loa lona fakapale o fakatatau ki lana gaoi.

Uluaki tosi ki le kau Kolinto 7:22

Talie ko le tagata popula leia kua kalagai e le Aliki ko se tagata lauatea a ia a le Aliki ; ti ko le tagata lauatea leia kua kalagai e le Aliki ko se tagata popula a ia a Kilisito.

Kalate 1:10

Ti ko leinei, pe ko le alofa o tagata leia e kau oli ki ai, pe ko leia o le Atua ? Pe kau afa ke kau mata malie ki tagata ? Kapau koi kau mata malie ki tagata, ti e leaise ko le tagata fakasausau loa au a Kilisito.

Efeso 6:6

o leaise gato fua i olatou mua, o sakinake ke mata malie ki tagata, kae ofaipe ni tagata fakasausau a Kilisito, ala e fai ia i le loto katoa le finegalo o le Atua.

Efeso 6:8

o kotou iloa e tali loa e le tagata taki toka tasi, pe popula, pe lauatea, mei le Aliki o mulimuli ki le malie leia na fai loa e ia.

Kolose 2:18

Ke aua na kakai koutou e se tasi i le totogi o le makape, ki se agamalu i tafa ti mo se tausi ki le kau aselo ; talie e makita a ia i le fia nealasi vaiga i ana tio fakalaumalie, ti mo ana manatu fakakanofi,

Epelo 10:35

Koia ke aua na kotou tiaki lakoutou tui makeke, leia e pipiki ki ai se fakapale lasi.

Epelo 11:6

Io, sala mo le tui, e leaise feala ke malie se tasi ki le Atua ; e tonu ko leia e fakafeofi ki le Atua ke tui a ia e i ai se Atua, ti ko ia leia e fakapale ia latou ala e afa ia a ia.

Epelo 9:15

Ti koia leia kua liliu ai a ia ko le fakasokopati o se sai foou, o tupu ke tali e latou ala na kalagai a nea malilie lee gato ala na fakapapau kia latou. Kua lotou mafai a ia, talie kua soko se mate, ti kua aga le mate lena o fakamauli a tagata mei sala ala na lotou fai i lalatou koi fakalogo ki le uluaki sai.

Uluaki tosi a Petelo 1:4

ti mo se tofiga leia e leaise mafai ke popo, pe kelekele, pe fefe, ti kua taofi atu kia koutou i le atu lagi,

Lua tosi a Petelo 1:1

Ko au Simone Petelo, ko le tagata fakasausau ti mo le apositolo a Sesu-Kilisito, kia latou ala kua kau mo matou ki se tui mauiga e tasi i le faitotonu o lotatou Atua mo lotatou Aliki ko Sesu !

Suta 1:1

Suta, ko le tagata fakasausau a Sesu-Kilisito, ti ko le taina o Sakopo, kia latou ala kua kalagai, ala kua alofaina i le Atua ko le Tamana, ti kua taupau kia Sesu-Kilisito :

Lute 2:12

Ke totogi e le Eteleno au gaoi kiate koe, ti ke soli atu se totogi lasi kiate koe e le Eteleno, le Atua o Iselaele, leia kua ke au o mumuni i lalo o ona kapakau !