Kolose 3:2 - Tosi Tapu

² Kotou pipiki ki nea o aluga, kae aua ki nea ala i le malama nei.

Kolose 3:2 ပူးပေါင်းရင်းမြစ်များ

Uluaki tosi o Koloniko 22:19

Ke kotou afa fakamalotoloto i le lakaga nei le Eteleno lokoutou Atua, i lokoutou laumalie katoa ; kotou tutuu ki aluga, ti kotou fakatuu le sagatualio o le Eteleno Atua, o tupu ke kotou aumai le aleka o le sai a le Eteleno mo nea gaoi ala na fakatapui ki le Atua ki le fale leia e laga loa i le suafa o le Eteleno.

Uluaki tosi o Koloniko 29:3

Ti e tupu foki ko loku alofa ki le fale o loku Atua, e kau soli ki le fale o loku Atua laku aulo mo laku paaga totonu, kae e leaise lau a nea ala na kau teuteui ki le sagatualio :

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Pesalemo 91:14

O tupu e alofa a ia kiate au, e kau fakamauli loa a ia ; E kau puipui loa a ia, talie e iloa e ia loku suafa.

Taagapati 23:5

Pe ke fia tuli i ou mata le nea leia ka puli ? Talie e fai e le mou koloa ni kapakau, Ti e fai a ia pe akuila, e lele a ia ki le lagi.

Ekelesiasi 7:14

Ke ke fiafia i le aso o le fiafia ; kae ke ke fakakaukau i le aso o le malaia. Talie kua fai e le Atua leia o tatau mo le malaia, o tupu ke aua na iloa e le tagata le nea leia e soko loa i ona muli.

Mateo 16:23

Kae na mafuli loa Sesu, o pati kia Petelo : Ano ki oku muli, Satana ! E ke fakatupu siga kiate au ; talie ko au manatu e leaise ko manatu a le Atua, kae ko manatu a tagata.

Mateo 6:19

Aua na kotou tanaki ni koloa i le kele leinei, talie ko le ganea lena e maumau ai le ugogo mo le kelemea, ti ko le ganea foki lena e puui ai ti mo kaia ai le tagata kaia ;

Luka 12:15

Ti na pati loa a ia kia latou fuli : Kotou tokaga ki le fulupipiki ; talie e leaise fakalogo le mauli o le tagata ki le lasi o nea ala e maua e ia.

Luka 16:11

Kapau loa e leaise kotou agatonu i koloa fakamalama, ko ai e tuku ia loa kia koutou a koloa maoki ?

Filipe 1:23

Talie e toso au e nea e lua : E kau oli ke kau ano, o nofo mo Kilisito ; ko se nea a ia leia e malie tukupau ake ;

Kolose 3:1

Koia kapau kua kotou toe tuuake mo Kilisito, kotou afa a nea o aluga, i le ganea leia kua nofo ai Kilisito i le lima atamai o le Atua.

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.