Kolose 3:16 - Tosi Tapu

¹⁶ Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Kolose 3:16 ပူးပေါင်းရင်းမြစ်များ

Uluaki tosi o Sau 3:28

Na logo loa Iselaele katoa ki le fakamaau leia na fai e le sau. Ti na lotou i loa ki le sau, talie na lotou tio kua nofo le poto o le Atua iate ia, o taki a ia i ana fakamaau.

Uluaki tosi o Koloniko 25:7

Ko lolatou api ko tino lelau e lua mo le tino valu tupu valu, o lau ai olatou fetaina ala na ako ia le sua ki le Eteleno, latou fuli ala na popoto i le sua.

Neemia 12:46

talie i mua, i le temi o Tavite mo Asafe, na maua ni pule o le kau sua, mo ni sua fakavikiviki mo fakafetai ki le Atua.

Sopo 23:12

Na leaise kau tiaki a lao o ona laugutu ; Na kau peluki loku loto ki folafola o lona gutu.

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Pesalemo 119:54

Ko au fakatuutuu ko le tupuaga o aku katiko, I le fale leia e kau matapule ai.

Pesalemo 138:1

A Tavite. E kau fakamalo kiate koe i loku loto katoa, E kau sua ou fakafetai i mua o le Atua.

Pesalemo 28:7

Ko le Eteleno ko loku makeke mo loku paletau. Na fanaki loku loto kiate ia, ti na fakamauli e ia au ; Koia e fiafia lasi ai loku loto, ti e kau fakafetai ai kiate ia i aku sua.

Pesalemo 32:7

Ko se mumuniaga a koe kiate au, e ke puipui au i le mamae, E ke takatakai au ki ni sua o le fakamauli. - Manava.

Pesalemo 71:23

E fiafia lasi loa oku laugutu i le sua kiate koe, Mo loku laumalie leia na ke saofaki.

Taagapati 14:8

Ko le poto o le tagata poto, ko le leoleo o lona ala ; Kae e sese le vale o tupu ko lona valea.

Taagapati 18:1

Ko leia e tuu kese e afa ia le nea leia e malie kiate ia, E itaita a ia ki nea fuli e poto.

Katiko o Katiko 1:1

Ko le katiko o katiko a Salamone.

Esaia 10:2

Ke aua na fakamaau i le faitotonu le kau mativa, Ti ke fakafiti a tagi a le kau gaegae o loku kakai, Ti ke fakaliliu a fafine lokonui ko alatou nea kai, Ti mo toe sala matua ko olatou koloa !

Esaia 26:1

I le aso lena e sua loa le katiko leinei i le fenua o Suta : Kua motou maua se kolo tau ; Kua soli mai e ia kia matou le fakamauli ko lomatou paa malui, mo lomatou paa takatakai.

Esaia 30:29

E kotou sua loa ofaipe le po leia e fai ai se lafeti, E fiafia loa okoutou loto ofaipe leia e saele kae ta ukalele, O ano ki le mauga o le Eteleno, ki le utu o Iselaele.

Esaia 5:1

E kau sua loa ki loku alofaaga Le katiko o loku alofaaga ki lana vite. Na maua e loku alofaaga se faisaga vite, I se mauga kele mauli.

Selemia 15:16

Na kau tali au folafola, ti na kau kai latou ; Ko au folafola ko le fiafiaaga mo le nekenekeaaga o loku loto ; Talie kua kalagai lou suafa kiate au, Eteleno, Atua o kau tau !

Mateo 26:30

I le oki o le sua katiko, na lotou ano loa ki le mauga o Oliveto.

Luka 2:51

Ti na ifo loa a ia mo laua o ano ki Nasaleti, ti na fakalogo a ia kia laua. Kae na taupau e lona tinana a nea fuli ana i lona loto.

Soane 15:7

Kapau e kotou nonofo iate au, ti e nofo aku folafola ia koutou, kotou kole se nea fua leia e kotou loto loa ki ai, ti e soli atu loa a ia kia koutou.

Loma 10:17

Koia e au ai le tui mei le nea leia e logo ki ai, ti ko le nea leia e logo ki ai, e au mei le folafola a Kilisito.

Loma 15:14

O uiga mo koutou, ei oku fetaina, e kau iloa papau e kotou apele i le loto malie, mo apele i le iloa katoa o nea ala e aoga kia koutou, ti mo apele i le poto i le soli o tokoi ke fakamakeke ai koutou.

Uluaki tosi ki le kau Kolinto 14:15

Kolea loa ke fai ? E kau faikole loa i le laumalie, kae e kau toe faikole foki i loku atamai ; e kau sua loa i le laumalie, kae e kau toe sua foki i loku atamai.

Uluaki tosi ki le kau Kolinto 14:26

Kolea loa ke fai, ei fetaina ? I akoutou fakatasi, ka maua loa e ni iki se katiko, se akonaki, se levelasio, se masau kese ti mo lona fakamatala ; ke fai nea fuli ke faufau ai le Ekelesia.

Efeso 1:17

o tupu ke soli atu e le Atua o lotatou Aliki ko Sesu-Kilisito, le Tamana o le kololia, se laumalie o le poto mo le levelasio i lona iloa ;

Efeso 5:17

Koia ke aua na kotou sala atamai, kae ke kotou matala ki le finegalo o le Aliki.

Efeso 5:19

Kotou fefakalotomakekeaki ki ni pesalemo, mo ni imi, ti mo ni katiko fakalaumalie, o kotou sua mo fakavikiviki ki le Aliki i lokoutou loto katoa.

Efeso 5:26

o tupu ke fakatapui a ia, mo fakamea a ia, ti mo fufulu a ia ki le vai o le folafola,

Kolose 1:28

Ko ia leia e ma fakasa, o kole ki tagata fuli, ti mo akonakii tagata fuli i le poto katoa, o tupu ke ma momoli ki le Atua a tagata fuli kua malie tukupau ia Kilisito.

Kolose 1:9

Koia ko maua foki, talu mei le aso leia na ma logo ai ki le nea lena, e leaise koi gato lama faikole ki le Atua o uiga mo koutou ; e ma kole ke kotou apele i le iloa o lona finegalo, i le poto katoa ti mo le atamai fakalaumalie,

Kolose 4:6

Ke ano tuumau le kalasia i akoutou masau, ti ke fakakonakona latou e le patai, o tupu ke kotou iloa le tali leia e aoga ki le tagata taki toka tasi.

Uluaki tosi ki le kau Tesalonika 1:8

Koia na leaise mafola fua le folafola a le Aliki meia koutou ki Masetonia mo Akaia, kae kua logo lakoutou tui ki le Atua i ganea fuli foki, o leaise toe aoga ke motou masau ki ai.

Uluaki tosi ki le kau Tesalonika 4:18

Ke kotou fefakapelepeleaki ia koutou i kupui folafola ana.

Lua tosi ki le kau Tesalonika 3:15

Aua na kotou tio kiate ia ofaipe se fili, kae kotou fai kiate ia se valoki ofaipe se taina.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Lua tosi kia Timoteo 3:15

Talie talu mei lou ikiiki, na ke iloa le Tosi tapu, leia e mafai ke fakapotoi ia a koe ki le saofaki i le tui kia Sesu-Kilisito.

Tito 3:6

Na liligi e ia a ia kia tatou o lasi ai ia Sesu-Kilisito, ko lotatou Fakamauli,

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.

Sakopo 3:17

Ko le poto mei aluga, e fuafuaki mea a ia ; ti lua e tokamalie a ia, mo agamalu, mo loto malie, mo apele i le manavaalofa ti mo fua malilie, mo mea mei le fakapalatasi ti mo le malualoi.

Sakopo 5:13

Pe mamae se tasi ia koutou ? Ke faikole a ia. Pe fiafia se tasi ? Ke sua e ia ni katiko.

Uluaki tosi a Soane 2:14

Na kau fai tosi atu kia koutou, tamana, talie na kotou iloa leia na agai talu mei le kamataaga. Na kau fai tosi atu kia koutou, kau tupulaga, talie e kotou makeke, ti e nofo le folafola a le Atua ia koutou, ti na kotou malo i leia e agaveli.

Uluaki tosi a Soane 2:24

Koia, ke nofo mau ia koutou le nea leia na kotou logo ki ai talu mei le kamataaga. Kapau e nofo mau ia koutou le nea leia na kotou logo ki ai talu mei le kamataaga, e kotou nofo loa i le Alo ti mo le Tamana.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.

Lua tosi a Soane 1:2

o tupu ko le maoki leia e nofo ia tatou, ti e nofo loa mo tatou o lee gato.

Apokalipisi 14:3

Ti na lotou sua se katiko foou i mua o le ekeekeaga fakasau, ti mo mua o manu mauuli e fa, ti mo mua o kau matua. Ti na leaise mafai ke ako e se tasi le katiko lena, gato fuai ki le tino lelau tino fa tupu fa afe, ala kua totogi mei le malama nei.

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !

Apokalipisi 19:10

Ti na kau fakamapee loa ki lalo i ona vae ke su kiate ia ; kae na pati mai loa a ia kiate au : aua na ke fai le nea a ia ! Talie ko au ko se tagata fakasausau ofaipe koe mo ou fetaina ala e maua ia le fakamaoki o Sesu. Su ki le Atua. Talie ko le fakamaoki o Sesu ko le laumalie a ia o le folafola kikite.

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;