Kolose 3:12 - Tosi Tapu

¹² Koia ko koutou, ofaipe se kau filifiliia a le Atua, kua maokioki mo alofaina, ke kotou kofu ni manatu loto o le manavaalofa, mo le agamalie, mo le fakataulalo, mo le agamalu, ti mo le kataki.

Kolose 3:12 ပူးပေါင်းရင်းမြစ်များ

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esaia 45:4

O tupu ko loku alofa ki laku tagata fakasausau ko Sakopo, Ti mo Iselaele, laku filifiliia, Na kau kalagai a koe i lou igoa totonu, Na kau masau kiate koe i le loto malie, i mua o lau iloa au.

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Esaia 65:22

E leaise lotou fakatuu loa ni fale ke nofo ai e se tasi kese, Ti e leaise lotou to loa ni faisaga vite ke kai e se tasi kese le fua ; Talie e fai loa a aso o loku kakai pe aso o laakau, Ti e fiafia loa aku kau filifiliia i le gaoiaga o olatou lima.

Esaia 65:9

E kau fakasomo loa se sakoga ia Sakopo, Ti meia Suta se tasi ke maua ia oku mauga ; E maua loa e aku filifiliia le fenua, Ti e nonofo loa aku tagata fakasausau i ai.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Selemia 31:3

Mei mamao na sa mai le Eteleno kiate au, o pati : E kau alofa kiate koe i se alofa lee gato ; Koia e kau taupau ai kiate koe loku agamalie.

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Mateo 24:22

Ti kana leaise fakateiki a aso ana, e leaise sao loa se tasi ; kae o tupu ko le kau filifiliia e fakateiki loa a aso ana.

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Mateo 24:31

Ti e kakau loa e ia ana aselo mo le fakatagipupusi makeke, ti e lotou tanaki loa lana kau filifiliia mei fetuu matagi e fa, mei leia potupotu o le lagi ki leia potupotu.

Maleko 13:20

Ti kanapau na leaise fakatoetoe e le Aliki a aso ana, e leaise saofaki loa se tasi ; kae na fakatotoe e ia a aso ana o tupu ko lana kau filifiliia.

Maleko 13:22

Talie e malaga loa ni Kilisito loi mo ni polofeta loi ; ti e lotou fai loa ni nea fakaofolele, mo ni milakulo ke kakaai ai le kau filifiliia, mo ka na feala a ia.

Maleko 13:27

Ti e kakau loa e ia le kau aselo, ti e tanaki fakatasi loa e ia le kau filifiliia mei fetuu matagi e fa, mei le gatoaga o le kele ki le gatoaga o le lagi.

Luka 1:78

O tupu ko le manavaalofa mo le agamalie o lotatou Atua, Leia na mu ai le laa kia tatou mei aluga,

Luka 18:7

Pe leaise faitotonu loa le Atua ki ana filifilia, ala e kalaga kiate ia i le ao mo le po ? pe fakatuvai loa a ia kia latou ?

Loma 1:7

kia latou fuli i Loma ko alofaaga o le Atua, ala kua kalagai ke maokioki ki le vokasio : Ke soli atu kia koutou le kalasia mo le tokamalie e le Atua, lotatou Tamana, ti mo le Aliki ko Sesu-Kilisito !

Loma 13:14

Kae ke kotou kofu ki le Aliki ko Sesu-Kilisito, ti ke aua na kotou tokaga ki le tino o mulimuli ki ona olioli.

Loma 9:11

(talie na leikiaise tupu a toe ti na leikiaise fai fua e laua se nea e malie pe ko se nea e veli, kae o tupu ke tuumau le fakatuutuu a le Atua o mulimuli ki le filifili leia e leaise fakalogo ki gaoi kae ki leia e kalagai ia),

Uluaki tosi ki le kau Kolinto 13:4

E kataki fualoa le alofa, ti e apele a ia i le agamalie ; e leaise loto veli le alofa ; e leaise viki tonu le alofa, ti e leaise fia nealasi a ia,

Lua tosi ki le kau Kolinto 6:6

i le maokioki, i le iloa, i le kataki fualoa, i le agamalie, i le Laumalie Maokioki, i le alofa maoki,

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Efeso 1:4

Iate ia na filifili tatou e le Atua i mua o le fakatupu o le malama nei, ke tou liliu o maokioki mo lee mele i ona mua ;

Efeso 4:2

i le loto fakataulalo mo le agamalu katoa, mo le kataki fualoa, o kotou fekatakiaki i le alofa,

Efeso 4:24

ti ke kotou kofu le tagata foou, leia na fakatupu ke tatau mo le Atua i se faitotonu mo se maokioki ala e au mei le maoki.

Efeso 4:32

Ke kotou feagamalieaki ia koutou, o manavaalofa, mo fefakamolemoleaki ofaipe le fakamolemole a le Atua kia koutou ia Kilisito.

Filipe 1:8

Talie e fakamaoki le Atua kiate au e kau alofa mamae kia koutou fuli i le alofa o Sesu-Kilisito.

Kolose 3:10

ti kua kotou kofu le tagata foou leia e fakafoou i le poto o mulimuli ki le paaki o leia na fakatupu ia a ia.

Uluaki tosi ki le kau Tesalonika 5:15

Kotou tokaga ke aua na totogi e se tasi le veli ki le veli, kae ke kotou afa tuumau le malie i okoutou vasaa ti mo tagata fuli.

Lua tosi kia Timoteo 1:9

leia kua fakamauli ia tatou, ti kua kalagai ia tatou ke tou liliu ko lona kakai maokioki, o leaise tupu ko atatou gaoi, kae o mulimuli ki lana fakatuutuu totonu, ti mo le kalasia leia kua soli mai kia tatou ia Sesu-Kilisito i mua o le kamataaga o sekulo.

Lua tosi kia Timoteo 2:10

Koia e kau katakii ai a nea fuli o tupu ko le kau filifiliia, o tupu ke lotou maua foki le mauli leia ia Sesu-Kilisito, ti mo le kololia lee gato.

Tito 1:1

Ko au Paulo, tagata fakasausau a le Atua, ti ko le apositolo a Sesu-Kilisito ki le tui a le kau filifiliia a le Atua, ti mo le iloa o le maoki leia e mulimuli ki le aga fakaatua,

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !

Lua tosi a Petelo 1:10

Koia loa, fetaina, ke kotou asilisili fakamalotoloto o fakamakeke lokoutou vokasio mo lokoutou filifili ; talie, i lakoutou fai le nea a ia, e leaise kotou toe tukia loa.

Uluaki tosi a Soane 4:19

Kia tatou, e tou alofa kiate ia, talie na uluaki alofa a ia kia tatou.

Lua tosi a Soane 1:13

E fakaalofa atu kiate koe a fanau o lou taina, le filifiliia.

Apokalipisi 17:14

Ti e lotou tau loa ki le Akeno, ti e malo loa le Akeno ia latou, talie ko le Aliki a ia o aliki, ti ko le Sau a ia o atu sau ; ti e toe malo foki ia latou le kau kalagai, mo le kau filifiliia, ti mo le kau agatonu ala e nonofo mo ia.