Kolose 3:11 - Tosi Tapu

¹¹ Koia e leaise i ai se Keleka i leinei pe ko se Sutea, mo se tagata silikosisio pe ko se lee silikosisio, mo se matapule pe ko se Site, mo se tagata popula pe ko se tagata lauatea ; kae ko Kilisito fuai i tagata fuli.

Kolose 3:11 ပူးပေါင်းရင်းမြစ်များ

Pesalemo 117:2

Talie e lasi lona agamalie kia tatou, Ti e tologa lona agatonu o lee gato. Kotou fakafetai ki le Eteleno !

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Esekiele 47:22

E kotou vaevae loa a ia ko lokoutou tofiga o mulimuli ki le toso, kia koutou mo matapule ala e nonofo i loto malie o koutou, ala e maua ia loa ni alatou fanau i loto malie o koutou ; e kotou tio loa kia latou ofaipe ni kakai totonu o le fenua o fanau o Iselaele ; e lotou vaevae loa mo koutou le tofiga o mulimuli ki le toso, i loto malie o faasiga o Iselaele.

Oseo 2:23

E folafola le Eteleno, o pati : I le aso lena, e kau tali loa, e kau tali loa ki le lagi, e tali loa e ia le kele ;

Amosi 9:12

O tupu ke lotou maua le toega o Etome ti mo atu puleaga fuli Ala kua kalagai ai loku suafa, E pati le Eteleno, leia e fakasoko ia loa a nea ana.

Mikea 4:2

E ano loa ki ai ni kakai toka api, ti e lotou pati loa : Kotou au, ti ke tou pale ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa le lao mei Sione, Ti mei Selusalemi le folafola a le Eteleno.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Soane 14:23

Na tali loa Sesu kiate ia : Kapau e alofa se tasi kiate au, ti e fai loa e ia laku folafola, ti e alofa loa loku Tamana kiate ia ; e ma au loa kiate ia, ti e ma fai loa loma nofoaga iate ia.

Soane 15:5

Ko au ko le tafito vite, ko koutou ko laa vite. Ko leia e nofo iate au, ti e kau nofo iate ia, e fua a ia o lasi, talie ka sala mo au e leaise kotou mafai se nea.

Soane 17:23

ko au ia latou, ti ko koe iate au, o tupu ke lotou liliu maoki ko se nea e tasi, ti ke iloa e le malama nei na ke kakau mai au, ti na ke alofa kia latou ofaipe lou alofa kiate au.

Gaoi 15:17

O tupu ke afa le Aliki e le toetoega o tagata, Ti mo puleaga fuli e puaki ai loku suafa. Epati le Aliki, leia e fai ia a nea ana,

Gaoi 28:2

Na lasi ai le agamalie o le kakai seka lena kia matou ; talie na lotou tafu loa se afi ke fakatalitali ai matou, o tupu na ua ti na momoko.

Gaoi 28:4

I le tio a le kakai o le fenua ki le piki o le gata i lona lima, na lotou fepatiaki loa : E maoki ai ko le tagata leinei ko se tagata tukipo, talie na leaise loto le Faitotonu ke mauli a ia, i le oki o lona sao mei le tai.

Loma 1:14

E kau maua ki le kau Keleka mo le kau pagani, ki le kau poto mo le kau vale.

Loma 10:12

E leaise fai kesekese ki le Sutea mo le Keleka, talie e la Aliki toka lua ki le Aliki e tasi, leia e mou koloa kia latou fuli e kalaga kiate ia.

Loma 3:22

le faitotonu o le Atua i le tui kia Sesu-Kilisito kia latou fuli ala e tui.

Loma 3:29

Pe ko le Atua, ko le Atua fai a ia o le kau Sutea ? Pe leaise ko le Atua foki a ia o le kau pagani ? E io, ko le Atua foki a ia o le kau pagani,

Uluaki tosi ki le kau Kolinto 12:13

Talie kua tou papitema fuli i se Laumalie e tasi, ke fau se tino e tasi, pe Sutea, pe Keleka, pe popula, pe lauatea, ti kua fakainu fuli tatou ki se Laumalie e tasi.

Uluaki tosi ki le kau Kolinto 14:11

Ti kapau loa e leaise kau iloa le uiga o se masau, e kau fai loa pe se matapule ki leia e masau, ti ko leia e masau i le masau lena e fai loa a ia pe se matapule kiate au.

Uluaki tosi ki le kau Kolinto 7:19

Ko le nea noa le silikosisio, ti ko le nea noa le lee silikosisio, kae ko le nea leia e mauiga ko le fakalogo ki fakatotonu a le Atua.

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Efeso 1:23

leia ko lona tino, ko le apeleaga katoa o leia e fakaapele ia nea fuli i kakai fuli.

Efeso 2:14

Talie ko lotatou tokamalie a ia, a ia leia kua fai ia ki nea e lua se nea e tasi, ti kua maumaui ia le paa fakamavaevae i loto, le fefiliaki.

Efeso 2:15

Ti kua soloi e ia i lona tino le lao o fakatotonu i ona lekula ; ti kua loto a ia ke fakatupu iate ia kia laua toka lua se tagata foou e tasi, o fakatuu le tokamalie ;

Efeso 3:17

o tupu ke nofo Kilisito i okoutou loto i le tui ; ti ke kotou tauaka mo fakatafito i le alofa,

Efeso 3:6

Ko le misitelio lena : kua kau le kau pagani ki le tofiga, ti kua lotou liliu ko se tino e tasi, ti kua lotou kau ki le fakapapau e tasi ia Sesu-Kilisito i le Evaselio,

Efeso 6:8

o kotou iloa e tali loa e le tagata taki toka tasi, pe popula, pe lauatea, mei le Aliki o mulimuli ki le malie leia na fai loa e ia.

Kolose 2:10

E kotou maua nea fuli o apele iate ia, leia ko le ulu o pule fuli ti mo makeke fuli.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.

Lua tosi a Soane 1:9

Ko leia e leaise nofo i le akonaki a Kilisito, kae fanatu mamao, e leaise maua e ia le Atua. Ko leia e nofo i le akonaki lena e maua e ia le Tamana mo le Alo.