Kolose 3:10 - Tosi Tapu

¹⁰ ti kua kotou kofu le tagata foou leia e fakafoou i le poto o mulimuli ki le paaki o leia na fakatupu ia a ia.

Kolose 3:10 ပူးပေါင်းရင်းမြစ်များ

Senesi 5:1

Ko leinei le tosi o le sakoga o Atama. I le fakatupu e le Eteleno le tagata, na fai loa e ia a ia o fakatatau ki le Atua.

Sopo 29:14

Na kau kofu ki le faitotonu, ti na kau fai kiate ia pe se kofu. Na kau taupulupulu mo puloga ki le maokioki.

Pesalemo 51:10

Ke ke fakasa mai kiate au le nekenekea mo le fiafia, Ti e fiafia loa a ivi ala na ke fatifatii.

Esaia 52:1

Ke ke alaala ! Ke ke alaala ! Ke tui lou kofu fulumalie, Sione ! Ke ke tui ou kofu fakateuteu, Selusalemi, kolo maokioki ! Talie e leaise toe ulu loa i lou fale se tagata lee silikosisio pe ko se tagata kelekele.

Esaia 59:17

Na kofu e ia le faitotonu ofaipe se kofu tau, Ti na teki e ia ki lona ulu le puloga o le fakamauli ; Na too e ia le sausau o kofu, Ti na pulupulu a ia ki le finenonofo.

Esekiele 11:19

E kau soli loa kia latou se loto e tasi, Ti e kau tuku loa kia koutou se laumalie foou ; E kau too loa i olatou tino le mafu fatu, Ti e kau soli loa kia latou se mafu kanofi,

Esekiele 18:31

Kotou tiaki ki mamao akoutou agaveveli fuli ala na kotou agasala ai ; kotou fai kia koutou ni loto foou mo ni laumalie foou. Kolea e kotou mamate ai loa, fale o Iselaele ?

Esekiele 36:26

E kau soli loa kia koutou se loto foou, ti e kau tuku loa kia koutou se laumalie foou ; e kau too loa ia koutou le mafu fatu, ti e kau tuku loa kia koutou se mafu kanofi.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Loma 13:12

Kua vave fua le oki o le pouli, kua ofi fua le ao. Koia ke tou tiaki ai a gaoi o le pouli, kae ke tou tui a masafu o le malama.

Loma 13:14

Kae ke kotou kofu ki le Aliki ko Sesu-Kilisito, ti ke aua na kotou tokaga ki le tino o mulimuli ki ona olioli.

Loma 6:4

Koia i le papitema kua tou tanu fakatasi mo ia i lona mate, o tupu, i le toe tuuake o Kilisito mei le kau mate i le kololia o le Tamana, ke tou saele, mo tatou foki, i se mauli foou.

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Lua tosi ki le kau Kolinto 4:16

Koia e leaise ma loto gaegae ai. Ti kapau foki e maumau loma tagata i tafa, e fakafoou loma tagata i loto i le aso taki tasi.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Kalate 3:27

Ko koutou fuli, ala kua papitema ia Kilisito, kua kotou kofu Kilisito.

Kalate 6:15

Talie ia Kilisito e leaise aoga le silikosisio mo le lee silikosisio ; ko le nea leia e aoga ko le liliu ko se nea kua tupu foou.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Efeso 2:15

Ti kua soloi e ia i lona tino le lao o fakatotonu i ona lekula ; ti kua loto a ia ke fakatupu iate ia kia laua toka lua se tagata foou e tasi, o fakatuu le tokamalie ;

Kolose 3:12

Koia ko koutou, ofaipe se kau filifiliia a le Atua, kua maokioki mo alofaina, ke kotou kofu ni manatu loto o le manavaalofa, mo le agamalie, mo le fakataulalo, mo le agamalu, ti mo le kataki.

Kolose 3:14

Kae i aluga o nea fuli ana, kotou kofu le alofa, leia ko le sai o le malie tukupau.

Filemo 1:6

E kau kole kiate ia ke fakatupu e le komunio leia e sai ia akoe kia maua i le tui, se iloa lasi o nea malilie fuli ala e tou maua i lotatou mauli ia Kilisito.

Epelo 6:6

kae na vivilo, e leaise mafai ai ke toe fakafoou latou, ti ke toe aumai latou ki le fakasemala ; talie na lotou toe kulusifiko le Alo o le Atua ti mo toe tuku a ia ki lauveli.

Uluaki tosi a Soane 2:3

Kapau e tou fakalogo ki ana folafola, e tou iloa i ai kua tou iloa a ia.

Uluaki tosi a Soane 2:5

Kae e maoki katoa le alofa o le Atua i leia e fai ia lana folafola ; i le nea lena e tou iloa ai e tou nofo iate ia.

Apokalipisi 21:5

Ti ko leia na ekeeke i le ekeekeaga fakasau na pati loa : Ko leinei, kua kau fakafoou a nea fuli. Ti na pati mai loa a ia kiate au : Tosi ; talie e maoki mo totonu a folafola anei.