Kolose 2:7 - Tosi Tapu

⁷ o tauaka mo fakatafito iate ia, mo tuu makeke i le tui, o mulimuli ki akonaki ala kua tuku atu kia koutou, ti mo tuputupua i le fakafetai.

Kolose 2:7 ပူးပေါင်းရင်းမြစ်များ

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Pesalemo 92:13

E tutupu sako le kau agatonu ofaipe le palemie, E lotou lalasi ofaipe le sete o Lipane.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Selemia 17:8

E fai a ia pe se laakau na to i tafa o se tafeaga vai, Leia e falo ia ona aka ki le tafe ; E leaise iloa e ia le vevela mo ka au a ia, Ti e sesega tuumau lona lau. I le fetuu o le taulaa, e leaise tuania e ia se nea, Ti e leaise toe gato lona fua.

Luka 6:48

E tatau a ia mo se tagata leia na fakatuu ia se fale : na kenu e ia o loloto ai, o teki le fakatafito ki le utu. Na to se lomaki, ti na oso makeke le vai ki le fale lena, kae na leaise taugaoi a ia, talie na fakatuu a ia ki le utu.

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Uluaki tosi ki le kau Kolinto 1:8

Ko ia foki leia e fakatuu makeke ia loa koutou o kaku ki le fakaoki, o tupu ke kotou saosaoa i le aso o lotatou Aliki ko Sesu-Kilisito.

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Lua tosi ki le kau Kolinto 1:21

Ti ko leia e fakatuumakeke ia maua o fakatasi mo kotou ia Kilisito, ti na pani lolo ia tatou, ko le Atua,

Efeso 3:17

o tupu ke nofo Kilisito i okoutou loto i le tui ; ti ke kotou tauaka mo fakatafito i le alofa,

Efeso 4:21

mo kapau foki kua kotou logo kiate ia, ti mo kapau foki kua akoi koutou iate ia, o mulimuli ki le maoki leia e maua ia Sesu.

Efeso 5:20

Kotou fakafetai tuumau ki le Atua le Tamana i nea fuli, i le suafa o lotatou Aliki ko Sesu-Kilisito.

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Kolose 3:17

I nea fuli ala e kotou fai, i masau mo gaoi, ke kotou fai fuli latou i le suafa o le Aliki Sesu, o fakafetai iate ia ki le Atua le Tamana.

Uluaki tosi ki le kau Tesalonika 5:18

Kotou fakafetai i nea fuli, talie ko le finegalo a ia o le Atua ia Sesu-Kilisito kia koutou.

Lua tosi ki le kau Tesalonika 2:17

ke fakapelepele ia okoutou loto mo fakamakeke ia koutou i gaoi malilie fuli ti mo masau malilie fuli !

Epelo 13:15

Koia ke tou momoli tuumau iate ia se sakilifisio o le fakavikiviki ki le Atua, ko lona uiga le fua o ni laugutu ala e fakafetai ki lona suafa.

Epelo 13:9

Aua na kotou muli i ni akonaki foou mo sala. Talie e malie ke fakafoou okoutou loto e le kalasia, kae e leai e ni lekula o uiga mo ni nea kai ; e leai sona ga aoga fua kia latou ala e muli i ai.

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Suta 1:12

Ko ni fatu fakatupu agasala latou i akoutou kaitasi, ala e lotou kai fakavalevale ai mo fakalumaluma. Ko ni ao sala vai latou, ala e viligia i matagi. Ko ni laakau latou o le temi fakamamate, ala e sala fua, ti kua mamate tua lua, ti kua taaki mei le kele.

Suta 1:20

Kae ko koutou, alofaina, ke kotou faufau koutou totonu i lakoutou tui maokioki, ti ke kotou faikole i le Laumalie Maokioki,

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,