Kolose 2:2 - Tosi Tapu

² o tupu ke apele olatou loto i le fakapelepele, ke lotou pipiki tasi i le alofa, ti ke lotou mou koloa i se atamai apele ke iloa le misitelio o le Atua, ko Kilisito,

Kolose 2:2 ပူးပေါင်းရင်းမြစ်များ

Uluaki tosi o Sau 3:28

Na logo loa Iselaele katoa ki le fakamaau leia na fai e le sau. Ti na lotou i loa ki le sau, talie na lotou tio kua nofo le poto o le Atua iate ia, o taki a ia i ana fakamaau.

Pesalemo 133:1

Katiko o le fanoga tapu. A Tavite. Ko leinei, io ! e malie ai, e fakafimalie ai Ki ni fetaina ke nonofo fakatasi !

Esaia 32:17

Ko le gaoi a le faitotonu ko le tokamalie, Ti ko le fua o le faitotonu ko le malolo mo le fimalie o lee gato.

Esaia 40:1

Kotou fakafimalie, kotou fakafimalie loku kakai ! E pati lokoutou Atua.

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Selemia 9:24

Kae ko leia e loto ke fakakololia, ke fakakololia a ia O tupu ko lana maua se atamai ti mo lana iloa au, Lana iloa ko au ko le Eteleno Leia e fai ia le agamalie, mo le lao, mo faitotonu i le malama nei ; Talie ko lena le nea e kau fiafia ai, e pati le Eteleno.

Mateo 11:25

I le temi lena, na masau loa Sesu, o pati : E kau fakafetai kiate koe, Tamana, Aliki o le lagi mo le kele, i lau fufu a nea anei ki le kau poto mo le kau atamai, kae na ke fakasa latou ki toe liliki.

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Mateo 13:11

Na tali loa Sesu kia latou : Talie kua tuku kia koutou ke kotou iloa a misitelio o le Puleaga o le atu lagi, kae na leaise tuku le nea lena kia latou.

Luka 1:1

O tupu na toka api ai latou ala na faiga ke fau ia se fakamatala o nea ala na soko ia matou,

Soane 10:30

Ko au mo le Tamana e ma toka tasi.

Soane 10:38

Kae kapau e kau fai latou, tatau foki pe leaise kotou tui mai kiate au, kotou tui fua ki gaoi ana, o tupu ke kotou iloa ti ke kotou fakamaoki e nofo iate au le Tamana, ti mo au e nofo i le Tamana.

Soane 16:15

Ko nea fuli ala e maua e le Tamana a aku ; koia na kau pati ai, e too e ia mei le nea leia a aku, o fakasa atu loa a ia kia koutou.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Soane 5:17

Kae na tali loa Sesu kia latou : Koi gaoi loku Tamana i le temi nei ; ko au foki, e kau gaoi.

Soane 5:23

o tupu ke fakaapaapa fuli ki le Alo ofaipe lalatou fakaapaapa ki le Tamana. Ko leia e leaise fakaapaapa ki le Alo, e leaise fakaapaapa a ia ki le Tamana leia na kakau ia mai le Alo.

Soane 6:69

Ti kua motou tui, ti kua motou iloa ko le Kilisito a koe, ko le Sagato o le Atua.

Gaoi 4:32

Na loto tasi mo laumalie tasi latou fuli ala na tui. Ti na leaise pati se tasi ko nea ala e maua e ia ko ana nea, kae na fakatasi alatou nea fuli.

Loma 15:13

Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Uluaki tosi ki le kau Kolinto 14:31

Talie e mafai ke kotou kikite fuli o fakaoloolo, o tupu ke akoi mo fakalotomakeke ai a tagata fuli.

Uluaki tosi ki le kau Kolinto 2:12

Ti ko tatou, na leaise tou tali le laumalie o le malama nei, kae ko le Laumalie leia e au mei le Atua, o tupu ke tou iloa a nea ala na soli mai e le Atua kia tatou i lona kalasia.

Kalate 3:28

E leaise koi i ai se Sutea, pe ko se Keleka ; e leaise koi i ai se tagata popula pe lauatea ; e leaise koi i ai se tagata pe ko se fafine ; talie kua kotou liliu fuli ko se nea e tasi ia Sesu-Kilisito.

Efeso 1:7

Iate ia kua tou maua le totogi i lona toto, le fakamolemole o agasala, o mulimuli ki le lasi kese o lona kalasia,

Efeso 3:16

o tupu ke soli atu e ia kia koutou, o mulimuli ki le mou koloa o lona kololia, ke fakamakeke koutou e lona Laumalie i le tagata loto,

Efeso 3:3

Talie ko le Atua leia na fakasa ia kiate au le misitelio lena leia kua kau tosi atu kia koutou i ni ga kupu teiki.

Efeso 6:22

Kua kau kakau tafito atu a ia kia koutou, o tupu ke kotou iloa lomatou anoaga, ti ke fakafimalie e ia o okoutou loto.

Filipe 2:1

Koia kapau e i ai se fakapelepele ia Kilisito, kapau e i ai se fimalie i le alofa, kapau e i ai se komunio i le Laumalie, kapau e i ai se alofa mamae ti mo se manavaalofa,

Filipe 3:8

Ti kua kau tio foki ki nea fuli ofaipe ni nea ke tiaki, o tupu ko le malie tukupau o le iloa o Sesu-Kilisito loku Aliki, leia kua kau fakafiti ai ki nea fuli ; ti e kau tio ki nea ana ofaipe se pela, o tupu ke maua Kilisito ;

Kolose 1:26

le misitelio leia na fufu i temi fuli ki tautupu fuli, kae kua fakasa i le aso nei ki lana kau maokioki.

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 1:9

Koia ko maua foki, talu mei le aso leia na ma logo ai ki le nea lena, e leaise koi gato lama faikole ki le Atua o uiga mo koutou ; e ma kole ke kotou apele i le iloa o lona finegalo, i le poto katoa ti mo le atamai fakalaumalie,

Kolose 2:19

kae e leaise pipiki a ia ki le ulu, leia e fagai ia mo fakatasi ia le tino katoa i ona sokoga mo ona nonoa, ti e tuku ia kiate ia le tutupu o mulimuli ki lona finegalo.

Kolose 3:14

Kae i aluga o nea fuli ana, kotou kofu le alofa, leia ko le sai o le malie tukupau.

Kolose 4:3

Kotou ulufaki foki maua, o tupu ke fakamavaa e le Atua kia maua se matapa o uiga mo le folafola, ti ke feala ke kau fakasa le misitelio o Kilisito, leia e tupu ai laku nofo i tini anei,

Kolose 4:8

E kau kakau atu a ia kia koutou, o tupu ke kotou iloa loma anoaga, ti ke fakapelepelei e ia okoutou loto.

Uluaki tosi ki le kau Tesalonika 1:5

Talie na leaise fakasa lamatou Evaselio kia koutou i ni masau fuai, kae i le makeke foki, mo le Laumalie Maokioki, ti mo le fakamaoki lasi ; talie e leaise puli kia koutou lamatou mauli i loto malie o koutou, o tupu ko koutou.

Uluaki tosi ki le kau Tesalonika 3:2

kae motou kakau atu kia koutou Timoteo, lomatou taina, tagata gaoi a le Atua ki le Evaselio a Kilisito, ke natu o fakamakeke koutou mo fakafimalie koutou i lakotou tui,

Uluaki tosi ki le kau Tesalonika 5:14

E motou kole atu foki kia koutou, fetaina, ke kotou fakatonutonu latou ala e mauli maveuveu, mo kotou fakapelepelei latou ala e mamae, mo kotou tokoi kia latou ala e gagae, ti mo kotou kataki fualoa ki tagata fuli.

Uluaki tosi kia Timoteo 3:16

Ti e maoki, e lasi le misitelio o le alofa o le Atua : Kua fakasa le Atua i le kanofi, kua fakamaoki a ia i le Laumalie, kua tio kiate ia le kau aselo, kua fakamafola a ia ki puleaga, kua tui kiate ia i le malama nei, ti kua siki ake a ia ki le kololia.

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Epelo 6:11

E motou loto ke kotou tasi fakasa le alofa lena o kaku ki le gatoaga, o tupu ke kotou maua katoa le nea leia e kotou amanaki malie ki ai :

Lua tosi a Petelo 1:10

Koia loa, fetaina, ke kotou asilisili fakamalotoloto o fakamakeke lokoutou vokasio mo lokoutou filifili ; talie, i lakoutou fai le nea a ia, e leaise kotou toe tukia loa.

Lua tosi a Petelo 1:3

Ko lona mafimafi fakaatua na soli ia mai kia tatou a nea fuli ala e aoga ki le mauli mo le tausi ki le Atua, i le iloa o leia kua kalagai ia tatou ke tou kau ki lona kololia totonu mo lona agamalie.

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !

Uluaki tosi a Soane 3:19

Ko le nea lena e tou iloa ai loa e tou nofo i le maoki, ti e tou fakafimalie ai loa otou loto i ona mua ;

Uluaki tosi a Soane 5:7

Talie e fakamaoki se toka tolu :