Kolose 2:18 - Tosi Tapu

¹⁸ Ke aua na kakai koutou e se tasi i le totogi o le makape, ki se agamalu i tafa ti mo se tausi ki le kau aselo ; talie e makita a ia i le fia nealasi vaiga i ana tio fakalaumalie, ti mo ana manatu fakakanofi,

Kolose 2:18 ပူးပေါင်းရင်းမြစ်များ

Senesi 3:13

Ti na pati loa le Eteleno Atua ki le fafine : Kolea na ke fai ai le nea lena ? Na tali loa le fafine : Na kakaai au e le gata, o kau kai loa ki le fua o le laakau.

Sopo 38:2

Ko ai leia e fakapouli ia aku fakatuutuu Ki ni masau sala atamai ?

Esaia 57:9

E ke ano ki le sau mo se lolo, E ke liuliuga au nea fakamanogi ; E ke kakau ki mamao au tagata avelogo, E ke ifo o kaku ki le nofoaga o le kau mate.

Esekiele 13:3

E folafola le Aliki, le Eteleno, o pati : Malaia ki polofeta valea, Ala e mulimuli ki olatou loto totonu Kae e leaise lotou tio fua ki se nea !

Taniela 11:38

Kae e fakaapaapa loa a ia ki le atua o kolo tau, leia na leaise iloa e ona tamana ; e momoli loa e ia kiate ia se aulo mo se siliva, mo ni fatu mauiga ti mo ni iki ake a nea mauiga.

Numelo 25:18

Talie na lotou fai fakapikoi kia koutou ofaipe ni fili, i le faiganea o Peoli, mo le faiganea o Kosepi, taine o se pule o Matiane, lolatou tuagaane, leia na tamate i le aso o le malaia leia na soko loa i le faiganea o Peoli.

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Loma 1:25

latou ala kua fetogi ia le maoki o le Atua ki le loi, ti kua atolasio mo tausi ki le nea leia na fakatupu e le Atua, kae tuku le Tupuaga leia e tonu ke lotou fakakololia ki ai o lee gato. Amene !

Loma 16:18

Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie.

Uluaki tosi ki le kau Kolinto 13:4

E kataki fualoa le alofa, ti e apele a ia i le agamalie ; e leaise loto veli le alofa ; e leaise viki tonu le alofa, ti e leaise fia nealasi a ia,

Uluaki tosi ki le kau Kolinto 3:3

Talie koi maua ia koutou se finenonofo mo ni fefele, pe leaise kotou fakakanofi, pe leaise kotou saele o mulimuli ki le tagata ?

Uluaki tosi ki le kau Kolinto 4:18

Kae kua fia nealasi ni iki ia koutou, o sakinake na leaise tonu ke kau natu kia koutou.

Uluaki tosi ki le kau Kolinto 4:6

Talie o tupu ko koutou, fetaina, leia kua kau too ai a nea ana o fakaaoga kiate au mo Apolosio, o tupu ke kotou ako i oma tagata ke aua na fakalaka i le nea leia kua tosi, ti ke aua na nofo se tasi o koutou mo se fia nealasi, o fili leia ki leia.

Uluaki tosi ki le kau Kolinto 8:1

O uiga mo inati ala kua momoli ki taulaatua, e tou iloa e tou maua fuli le iloa. E fakamakita le iloa, kae e faufau le alofa.

Uluaki tosi ki le kau Kolinto 9:24

Pe leaise kotou iloa ko latou ala e makape i le malae fai manogi e makape fuli, kae ko le toka tasi fai leia e maua ia le totogi ? Kotou makape o tupu ke kotou maua a ia !

Lua tosi ki le kau Kolinto 11:3

Kae, ofaipe le gata leia na kakai ia a Eva i lana puleaki kaka, e kau i na kua fakasalai okoutou fakakaukau ke kotou maliu kese i le faigaofie leia e mau ia Kilisito.

Lua tosi ki le kau Kolinto 12:20

Talie e kau i na leaise kau maua koutou, i laku tau atu, ofaipe le nea leia e kau loto ki ai, ti ke kotou maua au ofaipe le nea leia e leaise kotou loto ki ai. E kau tuania na i ai ni fefele, mo ni finenonofo, mo ni masau lalasi, mo ni fefiliaki, mo ni fatufatu, mo ni lauveli, mo ni fia nealasi, ti mo ni maveuveu.

Efeso 4:17

Ko leinei loa le nea leia e kau fakasa mo fakamaoki i le Aliki : E leaise koi tonu ai ke kotou saele ofaipe le kau pagani, ala e saele o mulimuli ki le vaiga o olatou manatu.

Efeso 5:6

Ke aua na kakai koutou e se tasi ki ni masau vaiga ; talie ko nea ana na tupu ai le ifo o le sausau o le Atua ki fanau patigataa.

Tetelonome 29:29

Ko nea ala koi munia a le Eteleno, lotatou Atua ; ko nea ala kua fakasa a tatou mo tou fanau, o lee gato, o tupu ke tou fai a folafola fuli o le lao leinei.

Filipe 3:14

ti e kau makape ki le tauaga, ke kau maua le fakapale o le kalaga mei lagi o le Atua ia Sesu-Kilisito.

Kolose 2:23

E maoki, e lotou mata fakapotopoto, talie e lotou masau ki se fia lotu, mo se agamalu, ti mo se fakamamae o le tino ; kae e leai sona aoga, gato fua ki le fakafimalie o le kanofi.

Kolose 2:4

E kau fakasa le nea lena o tupu ke aua na kakai koutou e se tasi ki ni masau logologomalie.

Kolose 2:8

Kotou tokaga na fakasesei koutou e se tasi ki le filosofia ti mo se masau noa, o fanaki ki le talatisio a tagata, ti mo makeke fakalaumalie o le malama nei, kae leai kia Kilisito.

Uluaki tosi kia Timoteo 1:7

e lotou loto ke lotou liliu ko ni toketa o le lao, kae e leaise lotou matala fua ki nea ala e lotou masau ki ai, pe ko le nea leia e lotou fakamaoki ki ai.

Uluaki tosi kia Timoteo 4:1

Kae e pati maoki le Laumalie : i temi fakamuli e tiaki loa e ni iki le tui, kae lotou pipiki loa ki ni laumalie kaka ti mo ni akonaki a temonio,

Lua tosi a Petelo 2:14

E apele olatou mata i le tono fafine, ti e leaise lotou makona i le agasala ; e lotou maselei a laumalie ala koi gagae ; ti kua poto olatou loto i le manumanu ki le paaga ; ko ni fanau latou o le malaia.

Uluaki tosi a Soane 2:26

Na kau tosi atu kia koutou a nea anei, o tupu ko latou ala e fakasese ia koutou.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.

Apokalipisi 13:14

Ti na kakaai e ia a kakai o le malama nei ki ana nea fakaofolele ala na soli ke fai e ia i mua o le uluaki manu fekai. Ti na pati a ia ki kakai o le malama nei ke fau se fakatata o le manu leia na lavea i le seleta ti na mauli.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.

Apokalipisi 19:10

Ti na kau fakamapee loa ki lalo i ona vae ke su kiate ia ; kae na pati mai loa a ia kiate au : aua na ke fai le nea a ia ! Talie ko au ko se tagata fakasausau ofaipe koe mo ou fetaina ala e maua ia le fakamaoki o Sesu. Su ki le Atua. Talie ko le fakamaoki o Sesu ko le laumalie a ia o le folafola kikite.

Apokalipisi 3:11

E kau au vave. Taofi le nea leia e ke maua, o tupu ke aua na too lou pala e se tasi.