Kolose 2:16 - Tosi Tapu

¹⁶ Koia, ke aua na fakamaau kotou e se tasi i le nea kai mo le nea inu, pe i se aso lasi, pe i se masina foou, pe i se sapato :

Kolose 2:16 ပူးပေါင်းရင်းမြစ်များ

Lua tosi o Sau 4:23

Ti na pati loa lona avaga : Kolea kua ke loto ai ke ke ano kiate ia i le aso nei ? E leaise ko se masina foou pe ko se aso sapato. Na tali loa le fafine : E leaise veli se nea.

Uluaki tosi o Koloniko 23:31

ti ke lotou momoli tuumau i mua o le Eteleno a failaulau fuli ki le Eteleno, i aso sapato, mo masina foou, mo aso lalasi, o mulimuli ki le lasi o aso mo nea fuli ala kua fakatuutuu kia latou.

Lua tosi o Koloniko 31:3

Na soli loa e le sau se potu o lona koloa ki failaulau, ki failaulau o le usu mo le afiafi, ti mo failaulau o aso sapato, mo masina foou ti mo aso lalasi, ofaipe lona tuu i le lao a le Eteleno.

Neemia 10:31

ke aua na motou totogi se nea i le aso o le sapato mo aso lalasi mei le kakai o le fenua leia e aumai ia loa ke fakatau i le aso o le sapato, ni koloa mo ni nea kai ; ti ke fakamaamaa le fitu o fetuu, ke aua na fakamakeke se tasi ke ui lona maua.

Neemia 10:33

ki le pane tapu, mo le moliga o le aso taki tasi, mo le failaulau o le sapato, mo masina foou, mo aso lalasi, ki nea taputapu, mo sakilifisio fakamolemole o agasala a Iselaele, ti mo nea fuli ala e fai i le fale o lomatou Atua.

Neemia 8:9

Ko Neemia, leia ko le kovana, mo Esetalasi, leia ko le tagata faisakilifisio mo le sekelipa, ti mo le kau Levi, ala na ako ia le kakai, na pati loa ki le kakai katoa : Ko le aso leinei e fakatapui ki le Eteleno, lokoutou Atua ; aua na kotou nofo i le mamae mo le tagi, talie kua fetagisi le kakai katoa i le logo ki folafola o le lao.

Pesalemo 42:4

Ko laku nea kai i le ao mo le po ko oku loimata, Talie e leaise toe gato le pati mai kiate au : kofea lou Atua ?

Pesalemo 81:3

Kotou sua ni katiko, kotou fakagugulu le nafa, Mo le alepe logo malie, mo le lute !

Esaia 1:13

Kotou tuku le aumai o moliga noa : E kau fakalialia ki le iseso, Mo masina foou, mo sapato ti mo fakatasiga ; E leaise kau mafai ia le tio ki le tukipo i aso lalasi.

Esekiele 4:14

Na kau pati : Ei Aliki Eteleno, ko leinei, na leikiai fua se fakakelekele loku laumalie e se nea kelekele ; talu i loku ikiiki o kaku mai ki le lakaga leinei, na leikiaise kau kai fua ki se manu mate, pe na tamate e se tasi ake a manu, ti na leikiaise ulu fua se kanoi manu kelekele ki loku gutu.

Esekiele 45:17

E tokaga loa le tama aliki ki failaulau, mo moliga nea kai, mo moliga vino, mo aso lalasi o masina foou, mo sapato, mo aso lalasi fuli o le fale o Iselaele. E momoli loa e ia le sakilifisio fakamolemole o agasala, mo le moliga nea kai, mo le failaulau, mo sakilifisio fakafetai, mo sakilifisio ki le fakamolemole o agasala o le fale o Iselaele.

Levitiko 16:31

Ko se sapato loa a ia kia koutou, ko se aso malolo, ti e kotou sesunio loa. Ko se lao a ia leia ke fai tuumau loa i tautupu mo tautupu.

Amosi 8:5

E kotou pati : Ke oki vave la a aso lalasi o le masina foou, Kae feala ke motou toe fakatau lamatou fulumeto ! Ke oki vave la le sapato kae toe fakamavaa omatou fale tanaki fulumeto ! E motou fakaikiiki loa le kilo, kae motou siki loa lona totogi, E motou fakasalasala loa a fua ke kakaai.

Numelo 10:10

I okoutou aso fakafiafia, mo okoutou aso lalasi, ti mo okoutou masina foou, e kotou pupusi loa a fakatagi pupusi, mo ka kotou momoli loa akoutou failaulau mo akoutou sakilifisio fakafetai, ti e lotou fakamanatu loa koutou ki lokoutou Atua. Ko au ko le Eteleno, ko lokoutou Atua.

Mateo 15:11

E leaise ko le nea leia e ulu ki le gutu e fakakelekele ia le tagata ; kae ko le nea leia e mavae mei le gutu e fakakelekele ia le tagata.

Maleko 7:19

Talie e leaise ulu le nea lena ki lona loto, kae ki lona manava, leia e fakamea ai a nea kai fuli, kae ano ki tafa le nea leia e leaise aoga.

Gaoi 15:20

kae ke tou fai se tosi kia latou ke lotou fakamamao mei fakalialia o taulaatua, mo le fai feauaki, mo manu mamate, ti mo le toto.

Loma 14:10

Kae ko koe, kolea e ke fakamaaui ai lou taina ? Pe ko koe, kolea e ke vesia ai ki lou taina ? talie e tou tutuu fuli loa i mua o le fakamaauaga o le Atua.

Kalate 4:10

E kotou tausi a aso, mo masina, mo temi, ti mo fetuu !

Kolose 2:20

Kapau kua kotou mate mo Kilisito ki lao noa o le malama nei, kolea, o sakinake koi kotou mauli i le malama nei, e fakamaua ai kia koutou a lekula anei :

Epelo 13:9

Aua na kotou muli i ni akonaki foou mo sala. Talie e malie ke fakafoou okoutou loto e le kalasia, kae e leai e ni lekula o uiga mo ni nea kai ; e leai sona ga aoga fua kia latou ala e muli i ai.

Epelo 9:10

ti ko nea ana, mo nea kai, mo nea inu, ti mo fakamea kesekese, ko ni lekula fakatino latou, ala na fakatuu fua o kaku ki se temi leia e fakafoou ai latou.

Sakopo 4:11

Fetaina, ke aua na kotou masau veli, a la ki la. Ko leia e masau veli ki se taina, pe fakamaaui ia lona taina, e masau veli a ia ki le lao ti e fakamaaui e ia le lao. Ti kapau e ke fakamaaui ia le lao, e leaise ko se tagata loa a koe leia e fai ia le lao, kae ko lona tui fakamaau.

Uluaki tosi a Samuele 20:18

Na pati loa Sonatane kiate ia : Ko apogipogi ko le masina foou ; e fakatokagai loa lau puli, talie e lavaki loa lou nofoaga.

Uluaki tosi a Samuele 20:5

Ti na tali loa Tavite kiate ia : Ko leinei, ko apogipogi ko le uluaki aso o le masina, ti e tonu ke kau kai fakatasi mo le sau ; tuku mai kau ano, ti e kau mumuni loa i faisaga o kaku ki le afiafi o le tolu o aso.