Kolose 2:13 - Tosi Tapu

¹³ Ko koutou, ala na mamate i akoutou agasala ti mo le lee silikosisio o lokoutou kanofi, kua fakamauli fakatasi e ia koutou mo ia, i lana fakamolemole atatou agasala fuli ;

Kolose 2:13 ပူးပေါင်းရင်းမြစ်များ

Pesalemo 119:50

Ko loku fakapelepeleaga a ia i loku mamae, Talie na ke toe soli mai kiate au le mauli o mulimuli ki lau fakapapau.

Pesalemo 32:1

A Tavite. Katiko. Manuia leia kua fakamolemole ki ai lana patigataa, Leia kua uufi lana agasala.

Pesalemo 71:20

Na ke asiasii matou ki ni mamae mo ni malaia ; Kae e ke toe soli mai loa le mauli kia matou, E ke toe paleaki ake loa matou i le vanu o le kele.

Esaia 1:18

Kotou au, ti ke tou masau fakatasi ! e pati le Eteleno. Kapau e kula akoutou agasala ofaipe le toto, e lotou liliu loa o tea ofaipe le nive ; Kapau e lotou kula ofaipe le pulupe, e lotou liliu loa o tea ofaipe le fului akeno tea.

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Luka 15:24

talie ko loku vosa leinei na mate, ti kua toe mauli a ia ; na puli a ia, ti kua toe maua a ia. Ti na lotou kamata fakafiafia loa.

Luka 15:32

kae na tonu mua ke tou kai mo fakafiafia, talie ko lou taina leinei na mate kae kua toe mauli a ia, ti na puli kae kua toe maua a ia.

Luka 9:60

Kae na pati loa Sesu kiate ia : Tuku le kau mate ke tanu ia olatou mate ; kae ko koe, ano o fakasa le puleaga o le Atua.

Soane 5:21

Talie ofaipe le tamana e fakatuuake ia le kau mate ti e soli ia kia latou le mauli, e toe soli foki e le Alo le mauli ki leia e loto a ia ki ai.

Soane 6:63

Ko le Laumalie leia e fakamauli ia. E leai sona aoga o le tino. Ko folafola ala na kau fakasa atu kia koutou e Laumalie ti e mauli.

Loma 4:17

Kua kau fakanofo a koe ko le tamana o ni puleaga mauke ai. Ko ia ko lotatou tamana i mua o leia na tui a ia ki ai, le Atua, leia e soli ia le mauli ki le kau mate, ti e pati ki nea ala e leikiaise tupu pe ni nea kua tupu.

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Loma 8:11

Ti kapau e nofo ia koutou le Laumalie o leia na toe fakatuuake ia a Sesu mei le kau mate, ko leia na fakatuuake ia a Sesu-Kilisito mei le kau mate, e toe soli ia loa le mauli ki okoutou tino mamate i lona Laumalie leia e nofo ia koutou.

Uluaki tosi ki le kau Kolinto 15:36

Ko le vale a koe ! ko le nea leia e ke muluki e leaise mauli mo kapau e leaise mate mua a ia.

Uluaki tosi ki le kau Kolinto 15:45

Koia e tuu ai i le tosi : Ko le uluaki tagata, ko Atama, na liliu a ia ko se laumalie mauli. Ko le Atama fakamuli, ko Sesu, kua liliu a ia ko se Laumalie fakamauli.

Lua tosi ki le kau Kolinto 3:6

Ko ia foki leia na teuteui ia maua ke ma liliu ko ni tagata gaoi o se sai foou, leai o le matai tosi, kae o le Laumalie ; talie e tamate e le matai tosi, kae e saofaki e le Laumalie.

Lua tosi ki le kau Kolinto 5:19

Talie na nofo le Atua ia Kilisito, o fakatokatoka ia le malama nei mo ia totonu, o leaise lau ki tagata alatou agasala ; ti kua tuku e ia kia maua le folafola o le fakatokatoka.

Efeso 2:1

Na kotou mamate i akoutou patigataa mo akoutou agasala,

Efeso 2:11

Koia, ko koutou kau pagani i mua i le kanofi, na fakaigoa ko le kau lee silikosisio e latou ala e pati ko le kau silikosisio talie na silikosisio latou i le kanofi e le lima o le tagata,

Efeso 5:14

Koia e pati ai : Ke ke alaala, a koe leia e moe, Ke ke tuu mei le kau mate, Ti e fakamalama loa a koe e Kilisito.

Kolose 2:12

Ti kua tanu fakatasi koutou mo ia i le papitema, ti kua kotou toe tuuake foki iate ia ti mo ia, i le tui ki le mafimafi o le Atua, leia na toe fakatuuake ia a ia mei le kau mate.

Uluaki tosi kia Timoteo 5:6

Kae ko le lokonui leia e mauli i fiafia fakamalama, kua mate a ia logo ai koi mauli.

Uluaki tosi kia Timoteo 6:13

E kau kole atu kiate koe, i mua o le Atua leia e soli ia le mauli ki nea fuli, ti mo mua o Sesu-Kilisito leia na fai ia se fakamaoki malie i mua o Posio Pilato,

Epelo 6:1

Koia foki, ke tuku ki muli a uluaki folafola a Kilisito, tou fai atu ki le nea leia e malie tukupau ; kae aua na toe teki le fakatafito o le fakafiti ki gaoi mate,

Epelo 9:14

e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !

Sakopo 2:17

E toe fenaaki foki mo le tui : kapau e leaise maua e ia a gaoi, kae tuu toka tasi a ia, e mate a ia.

Sakopo 2:20

Ei tagata valea, pe ke fia iloa ko le tui sala gaoi e leai sona aoga ?

Sakopo 2:26

Ofaipe le tino sala laumalie e mate, ko le tui sala gaoi e mate foki.

Uluaki tosi a Soane 2:12

E kau fai tosi atu kia koutou, fanau liliki, talie na fakamolemole akoutou agasala o tupu ko lona suafa.