Kolose 1:7 - Tosi Tapu

⁷ o mulimuli ki le akonaki leia kua kotou tali meia Epafalasi, loma kaukau nea alofaina i le gaoi, leia ko se tagata fakasausau agatonu a Kilisito kia koutou,

Kolose 1:7 ပူးပေါင်းရင်းမြစ်များ

Numelo 12:7

Kae e leaise felaaki ki laku tagata fakasausau ko Moisese. E agatonu a ia i loku fale katoa.

Mateo 18:29

Na tulolo loa lona kaukau nea ki le kele, o kolekole kiate ia, o pati : Kataki mai kiate au, ti e kau ui atu loa kiate koe.

Mateo 24:45

Ko ai loa le tagata fakasausau agatonu mo poto, leia kua fakanofo e lona aliki ke pule ki ana kakai, mo tufa ia kia latou le nea kai i lona temi totonu.

Mateo 25:21

Na pati loa lona pule kiate ia : E malie ai, tagata fakasausau agamalie mo agatonu ; na ke agatonu i se ganea ikiiki fua, e kau fakanofo loa a koe ke pule ki se nea lasi ; ulu ki le fiafia o lou pule.

Uluaki tosi ki le kau Kolinto 4:17

I le nea lena kua kau kakau atu ai kia koutou Timoteo, leia ko laku fanau alofaina mo agatonu i le Aliki ; e fakamanatu atu loa e ia kia koutou oku ala ia Kilisito, ala na kau ako ki Ekelesia fuli i ganea fuli.

Uluaki tosi ki le kau Kolinto 4:2

Ti ko le nea foki leia e kole ki ni tagata tausi koloa, ke lotou tasi agatonu i lana gaoi.

Uluaki tosi ki le kau Kolinto 7:25

O uiga mo latou ala e taupoou, e leaise kau maua ni fakatotonu mei le Aliki, kae e kau tuku atu laku manatu, ofaipe se tagata leia kua tali ia mei le Aliki le kalasia ke agatonu.

Lua tosi ki le kau Kolinto 11:23

Pe ko tagata fakasausau latou a Kilisito ? E kau masau fakavale, e kau fakalaka ake ia latou : i gaoi, e kau lasi ake ; i sasa, e kau toe lasi ake ; i fakapilisoni, e kau lasi ake. Na tua lasi loku tutamaki ki le mate.

Efeso 5:21

Kotou fefakataulaloaki ia koutou i le fakaapaapa kia Kilisito.

Filipe 2:25

Na kau manatu e aoga ke kakau atu kia koutou loku taina ko Epafolotito, loku kaukau soa i le gaoi ti mo le tau, leia kua kotou fakakaku mai ai kiate au le tokoi leia na aoga kiate au.

Kolose 4:12

Ko Epafalasi, leia ko se tasi o koutou, e fakaalofa atu kia koutou ; ko le tagata fakasausau a ia a Sesu-Kilisito, e leaise toe gato lana tau kia koutou i ana faikole, o tupu ke kotou tuu makeke ofaipe ni tagata kua katoa, o nofo fakalogo ki le fai o le finegalo katoa o le Atua.

Kolose 4:7

Ko Tisike, le taina alofaina, ti ko le tagata fakasausau agatonu, loku kaukau nea popula i le gaoi ki le Aliki, e fakasa ia atu loa kia koutou a nea fuli o uiga mo au.

Kolose 4:9

E kau kakau atu a ia mo Onesimo, le taina agatonu mo alofaina, leia ko se tasi o koutou. E la fakamatala atu loa kia koutou a nea fuli ala e soko i leinei.

Uluaki tosi kia Timoteo 4:6

I lau fakasa a nea ana ki fetaina, e ke liliu loa ko se tagata gaoi malie a Sesu-Kilisito, leia e fagai e folafola o le tui ti mo le akonaki malie leia kua ke mulimuli totonu ki ai.

Lua tosi kia Timoteo 2:2

Ti ko le nea leia na ke logo meiate au i mua o ni kau fakamaoki toka api, tuku a ia ki ni kau tagata agatonu, ala e mafai ia lona toe ako foki ki ni iki ake.

Filemo 1:23

E alofa atu kiate koe a Epafalasi, ko loku kaukau nea i le pilisoni ia Sesu-Kilisito,

Epelo 2:17

Koia na tonu ai ke fakatatau a ia ki ona fetaina i nea fuli, talie ke liliu ai a ia ko se pule fai sakilifisio manavaalofa mo agatonu i lana gaoi i mua o le Atua, ti ke fai e ia le fakamolemole o agasala a le kakai.

Epelo 3:2

Sesu, leia na agatonu ki leia na fakanofo ia a ia, ofaipe Moisese leia na agatonu i lona fale katoa.