Kolose 1:5 - Tosi Tapu

⁵ o tupu ko le amanaki malie leia kua taofi atu ma koutou i le atu lagi, ti kua fakasa atu kia koutou i mua e le folafola o le maoki, le folafola o le Evaselio.

Kolose 1:5 ပူးပေါင်းရင်းမြစ်များ

Pesalemo 31:19

Ke mate noa a laugutu loi, Ala e masau fia tuu ki le tagata agatonu, Ala e masau matasoka mo fia lasi !

Luka 12:33

Kotou fakatau okoutou koloa ti kotou soli lona paaga ki le kau mativa. Kotou fai ni taga paaga ala e leaise toe popo, kotou tanaki se koloa lee gato i le lagi, i le ganea leia e leaise kaku ki ai le tagata kaia, ti e leaise maumau ai a ugogo.

Gaoi 10:36

Na kakau e ia le folafola ki vosa o Iselaele, o fakasa kia latou le tokamalie ia Sesu-Kilisito, leia ko le Aliki o tagata fuli.

Gaoi 13:26

Tagata fetaina, vosa o le sakoga o Apalaamo, ti mo koutou fuli ala e i ki le Atua, kua kakau mai kia koutou le folafola leinei o le mauli.

Gaoi 23:6

Ko Paulo, i lana iloa ko le tasi vaega o le fakatasi ko le kau Satuseo ti ko leia ake ko le kau faliseo, na kalaga loa i le fono lasi : Tagata fetaina, e kau faliseo, vosa o se faliseo ; e fakamaaui au o tupu ko le amanaki ki le toe tuuake o le kau mate.

Gaoi 24:15

ti e kau maua i le Atua le amanaki malie leinei, leia e lotou maua foki e latou anei, e i ai loa se toe tuuake o le kau agatonu mo le kau lee agatonu.

Loma 10:8

Kolea le pati a le faitotonu ? E ofi le folafola kiate koe, i lou gutu mo lou loto. Ti ko le folafola o le tui, leia e motou fakasa.

Uluaki tosi ki le kau Kolinto 13:13

I le aso nei e tuu mau a nea anei e tolu : Le tui, mo le amanaki malie, ti mo le alofa ; kae ko leia e lasi ake i nea ana, ko le alofa.

Uluaki tosi ki le kau Kolinto 15:19

Ti kapau e tou amanaki malie fua kia Kilisito i le mauli leinei, ko nea fakaaloalofa oki tatou i tagata fuli.

Lua tosi ki le kau Kolinto 5:19

Talie na nofo le Atua ia Kilisito, o fakatokatoka ia le malama nei mo ia totonu, o leaise lau ki tagata alatou agasala ; ti kua tuku e ia kia maua le folafola o le fakatokatoka.

Lua tosi ki le kau Kolinto 6:7

i le folafola o le maoki, i le makeke o le Atua, i masafu tau mo masafu tali tau o le maokioki ;

Kalate 2:14

I laku tio na leaise lotou saele fakasako i le maoki o le Evaselio, na kau pati loa kia Kefasi i mua o latou fuli : Kapau ko koe leia e Sutea, e ke fai o fakatatau ki le aga a le kau pagani, kae leai ki le aga a le kau Sutea, kolea e ke fakamakeke ai le kau pagani ke fai o fakatatau ki le kau Sutea ?

Kalate 2:5

Kae na leaise motou gaegae fua i se ga temi ia latou, ti na motou taui alatou tonu makeke, o tupu ke taofi le maoki o le Evaselio ia koutou.

Kalate 5:5

Kia tatou, e tou talitali i le Laumalie ki le amanaki malie o le faitotonu leia e maua i le tui.

Efeso 1:13

Iate ia ko koutou foki, i le oki o lakotou fakalogo ki le folafola o le maoki, le Evaselio o lokoutou saofaki, na kotou tui ti na fakamailoga koutou e le Atua ki le Laumalie Maokioki o le fakapapau,

Efeso 4:21

mo kapau foki kua kotou logo kiate ia, ti mo kapau foki kua akoi koutou iate ia, o mulimuli ki le maoki leia e maua ia Sesu.

Kolose 1:23

mo kapau e kotou tuu mau i le tui, o leaise kotou maliu kese mei le amanaki malie o le Evaselio leia kua kotou logo ki ai, leia kua fakasa ki tagata fuli i le lalo lagi, ti kua fakanofo ai au, Paulo, ko lana tagata gaoi.

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 3:16

Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Uluaki tosi ki le kau Tesalonika 2:13

Koia e motou fakafetai tuumau ai ki le Atua, talie, i lakotou tali le folafola a le Atua leia na motou fakasa atu kia koutou, na kotou tali a ia, o leaise faipe le folafola a ni tagata, kae ofaipe le folafola totonu a le Atua, leia e gaoi ia koutou ala e tui.

Lua tosi ki le kau Tesalonika 2:16

Ko lotatou Aliki ko Sesu-Kilisito totonu, ti mo le Atua ko lotatou Tamana, leia na alofa kia tatou, ti na soli ia kia tatou i lona kalasia se fakapelepele lee gato ti mo se amanaki malie,

Uluaki tosi kia Timoteo 1:15

Ko se folafola maoki ti mo gali ke tali, na au Sesu-Kilisito ki malama nei o fakamauli le kau agasala, ti ko au ko le uluaki o latou.

Lua tosi kia Timoteo 4:8

Ko leinei, kua taofi mai kiate au le pala o le faitotonu ; ko le Aliki, le tui fakamaau faitotonu, e soli ia loa a ia kiate au i le aso lena, ti e leaise gato fua kiate au, kae kia latou fuli foki ala e alofa loa ki lona toe liliu mai.

Tito 1:2

ala e fakatafito ki le amanaki malie o le mauli lee gato, leia na fakapapau i mua o sekulo fuli e le Atua leia e leaise loi,

Epelo 7:19

Talie na leaise ave e le lao se nea e tasi ki le malie tukupau ; kae kua fakaulu loa se amanaki malie tukupau, leia e tou fakafeofi ai ki le Atua.

Uluaki tosi a Petelo 2:2

kae kotou oli, ofaipe ni toe memea, ki le sua u fakalaumalie mo mea, o tupu ke kotou tuputupua i ai ki le saofaki,

Uluaki tosi a Petelo 3:15

Kae ke kotou fakaapaapa i okoutou loto kia Kilisito ko le Aliki ; ti ke kotou nofo teuteu fuai ke tali i le agamalu mo le fakaapaapa ki leia e afa atu ia kia koutou le uiga o le amanaki malie leia ia koutou,

Lua tosi a Petelo 1:12

Ko le tupuaga a ia o laku tokaga o fakamanatu tuumau atu kia koutou a nea ana, logo ai kua kotou iloa latou, ti kua kotou tuu mau i le maoki leia kua kotou tali.

Uluaki tosi a Soane 3:3

Ko leia e maua ia le amanaki malie lena iate ia, ke fakamea a ia, ofaipe ia totonu e mea.