Kolose 1:16 - Tosi Tapu

¹⁶ Talie na fakatupu e ia a nea fuli, ala i le atu lagi ti mo la i le malama nei, mo nea ala e sa ti mo nea ala e leaise sa, pe ko nofoaga sau, pe ko nofoaga fakaaliki, pe ko le kau makeke, pe ko le kau pule. Na fakatupu e ia a nea fuli ma ana.

Kolose 1:16 ပူးပေါင်းရင်းမြစ်များ

Uluaki tosi o Koloniko 29:11

A au, Eteleno, le taualuga, mo le makeke, mo le maumau, mo le gigila, ti mo le kololia, talie ko nea fuli i le lagi mo le kele a au ; a au, Eteleno, le pule, talie e ke malaga o taualuga i nea fuli !

Neemia 9:6

Ko koe Eteleno, ko koe toka tasi, leia na fau ia le lagi, le lagi o atu lagi, ti mo olatou kau tau fuli, mo le kele ti mo nea fuli i ai, mo atu tai ti mo nea fuli i ai. E ke soli le mauli ki nea fuli ana, ti e atolasio kiate koe le kau tau katoa o le atu lagi.

Taagapati 16:4

Na fai e le Eteleno a nea fuli ki se tauaga, Ti mo le tagata agaveli foki ki le aso o le malaia.

Esaia 43:21

Ko le kakai leia na kau fau ma aku, E fakasa ia loa oku fakavikiviki.

Esaia 44:24

Ko leinei le folafola a le Eteleno, leia na totogi ia a koe, Leia na fau ia a koe mei lou tupu : Ko au, le Eteleno, na kau fai ia a nea fuli, Ko au toka tasi leia na folasi ia a atu lagi, Ko au toka tasi leia na fola ia le malama nei.

Soane 1:10

Na nofo a ia i le malama nei, ti na fakatupu e ia le malama nei, kae na leaise iloa fua a ia e le malama nei.

Soane 1:3

Na fai e ia a nea fuli, ti na leaise nea i nea fuli ala na fai na leaise fai sala mo ia.

Loma 11:36

Ko nea fuli e tupu meiate ia, e maua iate ia, ti e kaku kiate ia. Kiate ia le kololia i sekulo fuli ! Amene !

Loma 8:38

Talie e kau iloa papau e leaise ko le mate, pe ko le mauli, pe ko le kau aselo, pe ko le kau tominasio, pe ko nea o le sekulo nei, pe ko nea o le sekulo ka au,

Loma 9:5

ti mo le kau pateliaka foki, ala na tupu mei ai le tino o Kilisito, leia e taualuga i nea fuli, ko le Atua manuia o lee gato. Amene !

Uluaki tosi ki le kau Kolinto 8:6

kae kia tatou ko le Atua fai e tasi, ko le Tamana, leia e au mei ai a nea fuli ti e fakalogo ki ai otatou mauli, ti mo le Aliki fai e tasi, ko Sesu-Kilisito, leia na fakatupu ia a nea fuli ti mo tatou foki.

Efeso 1:10

o tupu ke fai a ia i le fakaoki o sekulo, ke fakatasi a nea fuli ia Kilisito, a nea ala i le lagi mo nea ala i le malama nei.

Efeso 6:12

Talie e leaise tou fepoko mo le kanofi mo le toto, kae mo le kau pule, mo le kau makeke, mo le kau pule lalasi o le fakapouli, mo le kau laumalie veli i potu fakalagi.

Tetelonome 4:39

Koia ke ke iloa ai i le aso nei, ti ke taofi i lou loto e Atua le Eteleno, i aluga i le lagi mo lalo i le kele, ti e leaise tasi ake Atua kese iate ia.

Filipe 2:10

o tupu ke tutuli i le igoa o Sesu a tuli fuli i le lagi, mo le kele, ti mo le lalo kele,

Kolose 1:15

Ko le Alo ko le paaki a ia o le Atua leia e leaise tou tio mata ki ai, ko le uluaki tupu a ia o nea fuli kua fakatupu.

Kolose 1:20

ti na loto a ia ke fakatokatoka iate ia a nea fuli mo ia totonu, tatau a nea ala i le malama nei ti mo nea ala i le lagi, o fai le tokamalie iate ia i le toto o lona koluse.

Kolose 2:10

E kotou maua nea fuli o apele iate ia, leia ko le ulu o pule fuli ti mo makeke fuli.

Kolose 2:15

Ti kua maumaui e ia i le nea lena le makeke o le kau pule mo le kau makeke, ti kua tuku e ia latou ke manogii e le kakai, i lana malo ia latou i le koluse.

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.

Epelo 2:10

Talie na gali mo ia, leia a ana nea fuli, leia e au mei ai a nea fuli, leia na loto ke taki ia ki le kololia ni vosa toka api, ke siki e ia ki le malie tukupau i mamae le Aliki o lotatou fakamauli.

Uluaki tosi a Petelo 3:22

leia kua pale ki Selo ti e nofo nei i le fetuu atamai o le Atua, ti kua fakataulalo kiate ia le kau aselo, mo le kau pule, ti mo le kau makeke.