Kolose 1:15 - Tosi Tapu

¹⁵ Ko le Alo ko le paaki a ia o le Atua leia e leaise tou tio mata ki ai, ko le uluaki tupu a ia o nea fuli kua fakatupu.

Kolose 1:15 ပူးပေါင်းရင်းမြစ်များ

Pesalemo 89:27

Ko ia, e fetapa loa a ia kiate au : Ko koe ko loku tamana, Mo loku Atua ti mo le utu o loku fakamauli !

Ekesote 24:10

Na lotou tio loa ki le Atua o Iselaele ; i lalo o ona vae, na faipe se laui tiloata leia na faliki ki le safile, ti na usi ofaipe le lagi peka mea saosaoa.

Numelo 12:8

E kau masau kiate ia i le gutu ki le gutu, e kau sa kiate ia, ti e tio a ia ki se ata totonu o le Eteleno i ona mua. Kolea na leaise kolua i ai i le masau veli ki laku tagata fakasausau ko Moisese ?

Soane 1:1

I le kamataaga na agai le folafola, ti na agai le folafola mo le Atua, ti na Atua le folafola.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 14:9

Na pati loa Sesu kiate ia : Kua fualoa ai laku nofo mo koutou, kae leaise ke iloa aifai a au, Filipo ! Ko leia kua tio kiate au kua tio a ia ki le Tamana ; e feaki e ke pati ai : Fakasa mai kia matou le Tamana ?

Soane 15:24

Kanapau na leaise kau fai i lotolotoga o latou ni gaoi ala na leaise fai e se tasi, e leaise sa loa lalatou agasala ; kae ko leinei kua lotou tio kia latou, ti kua lotou vesia kiate au mo loku Tamana.

Soane 3:16

Talie na alofa lasi ai le Atua ki le malama nei, na soli e ia lona Alo fuatasi, o tupu ko se tasi fua e tui kiate ia ke aua na mate, kae ke maua e ia le mauli lee gato.

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Filipe 2:6

Ko ia, na natula tatau a ia mo le Atua, kae na leaise tio a ia ki lona tatau mo le Atua ofaipe se nea ke tatai fakamakeke,

Kolose 1:13

leia kua saofaki ia tatou mei le makeke o le fakapouli ti kua siki ia tatou ki le puleaga o lona Alo alofaina,

Uluaki tosi kia Timoteo 1:17

Ki le Sau o sekulo, lee mate, lee tio ki ai, ki le Atua e tasi fuai, ke tuku le fakaapaapa mo le kololia, i sekulo mo sekulo ! Amene !

Uluaki tosi kia Timoteo 6:16

leia toka tasi e maua ia le mauli lee gato, leia e nofo i se malama gigila leia e leaise mafai ke kaku ki ai, leia e leaise feala ke tio ki ai se tasi, leia e tuku ki ai le fakamauiga mo le mafimafi lee gato. Amene !

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 1:6

Ti i lana fakaulu le uluaki tupu ki le malama nei, na toe pati a ia : Ke atolasio kiate ia a aselo fuli o le Atua

Epelo 11:27

Ko le tui leia na mavae ai loa a ia mei Esipito, o leaise i fua a ia ki le ita o le sau ; talie na tuu makeke loa a ia, o sakinake na tio a ia ki leia na leaise tio ki ai a mata.

Apokalipisi 3:14

Tosi ki le aselo o le Ekelesia o Laotise : Ko leinei le pati a le Amene, le tagata fakamaoki agatonu mo maoki, le tupuaga o nea ala na fakatupu e le Atua :