Kolose 1:13 - Tosi Tapu

¹³ leia kua saofaki ia tatou mei le makeke o le fakapouli ti kua siki ia tatou ki le puleaga o lona Alo alofaina,

Kolose 1:13 ပူးပေါင်းရင်းမြစ်များ

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esaia 53:12

Koia e kau soli ai loa kiate ia lona vaega mo le kau lalasi ; E vae loa e ia le koloa o le tau mo le kau makeke, O tupu na tuku e ia a ia totonu ki le mate, Ti na lau a ia i le kau tukipo, Talie na amo e ia a agasala a le toka api, Ti na ulufaki e ia le kau agasala.

Esaia 60:2

Ko leinei, e uufi e le pouli le malama nei, Ti e le fakapouli matotolu a kakai ; Kae kiate koe e sopo ake le Eteleno, Kiate koe e sa lona kololia.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Mateo 3:17

Ti ko leinei, na kalaga loa se leo mei le lagi, o fakasa a masau anei : Ko ia leinei ko loku Alo alofaina, leia kua kau tuku ki ai loku alofa katoa.

Luka 13:24

Kotou faiga ke kotou ulu i le matapa lau ikiiki. Talie e kau pati atu kia koutou, e toka api latou ala e fefai loa ke ulu, kae e leaise lotou mafai loa.

Luka 22:53

I aso fuli na kau nofo mo koutou i le fale tapu, ti na leai fua se kotou kapa kiate au. Kae ko le ola leinei o koutou, ti mo le makeke o le fakapouli.

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Soane 3:35

E alofa le Tamana ki le Alo, ti kua tuku e ia a nea fuli ki ona lima.

Soane 5:24

E maoki, e maoki, e kau pati atu kia koutou, ko leia e fakalogo ki laku folafola, ti mo tui ki leia na kakau ia mai au, e maua e ia le mauli lee gato ti e leaise toe au a ia ki le fakamaau, kae kua fakalaka a ia mei le mate ki le mauli.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Loma 14:17

Talie ko le Puleaga o le Atua, e leaise ko le kai pe ko le inu, kae ko le maokioki, mo le tokamalie, ti mo le fiafia i le Laumalie Maokioki.

Lua tosi ki le kau Kolinto 11:14

Ti e leaise fakapunamauli le nea lena, talie ko Satana totonu e kofu pe se aselo o le malama.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Efeso 4:18

E lotou maua se atamai fakapouli, e lotou matapule ki le mauli o le Atua, o tupu ko le fakapouli leia e maua ia latou, o tupu ko le fakafefeka o olatou loto.

Efeso 5:5

Talie, ke kotou iloa, e leaise tagata fai feauaki, mo se tagata fakakelekele, mo se tagata manumanu, (ko lona uiga e tausi taulaatua) e maua ia le puleaga o Kilisito mo le Atua.

Efeso 5:8

talie i mua na kotou fakapouli, kae i le temi nei kua kotou malama i le Aliki. Kotou saele ofaipe ni fanau o le malama !

Efeso 6:12

Talie e leaise tou fepoko mo le kanofi mo le toto, kae mo le kau pule, mo le kau makeke, mo le kau pule lalasi o le fakapouli, mo le kau laumalie veli i potu fakalagi.

Uluaki tosi ki le kau Tesalonika 2:12

talie na motou fakalotomakeke koutou, mo fakapelepele koutou, ti mo fakakolekole koutou, ke kotou saele o gali mo le Atua, leia kua kalagai ia koutou ki lona puleaga ti mo lona kololia.

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Lua tosi a Petelo 1:11

Talie i le nea a ia, e fakamavaa fakalaulasi atu loa kia koutou le uluaga ki le Puleaga lee gato o lotatou Aliki mo Fakamauli ko Sesu-Kilisito.

Uluaki tosi a Soane 2:8

Kae ko se fakatotonu foou foki leia e kau tosi atu kia koutou, ti e maoki a ia iate Ia ti mo koutou foki : talie na puli atu le fakapouli, ti na sa foki le malama maoki.

Uluaki tosi a Soane 3:14

E tou iloa na tou sao mei le mate ki le mauli, talie e tou alofa ki fetaina. Ko leia e leaise alofa, e nofo a ia i le mate.

Uluaki tosi a Soane 3:8

Ko leia e mauli i le agasala, e au a ia mei le Tiapolo, talie e agasala le Tiapolo talu mei le kamataaga. Na sa mai le Alo o le Atua, o tupu ke maumaui a gaoi a le Tiapolo.