Kolose 1:12 - Tosi Tapu

¹² Kotou fakafetai ki le Tamana, leia kua mafai ai ke kotou kau i le tofiga o le kau sagato i le malama ;

Kolose 1:12 ပူးပေါင်းရင်းမြစ်များ

Uluaki tosi o Sau 6:7

I le fakatuu o le fale, na fakaaoga ata ni fatu kua ta, ti na leaise logo fua ki se amale, pe ko se toki, pe ko se tasi ake nea gaoi ukamea i le lolotoga o le fakatuu o le fale.

Uluaki tosi o Koloniko 29:20

Na pati loa Tavite ki le fakatasiga katoa : Ke kotou fakafetai ki le Eteleno, lokoutou Atua ! Ti na fakafetai loa le fakatasiga katoa ki le Eteleno, le Atua o olatou tamana. Na lotou punou loa ki le kele i mua o le Eteleno, ti mo mua o le sau.

Pesalemo 116:7

Loku laumalie, toe liliu ki lou maloloaga, Talie na fai e le Eteleno kiate koe se nea malie.

Pesalemo 36:9

E lotou kai makona i le mou koloa o lou fale, E ke fakainu latou i le liua o au nea malilie.

Pesalemo 79:13

Ti ko matou, ala ko lou kakai, ko le kau manu o lou lotoa, E motou fakafetai loa kiate koe o lee gato ; E motou fakasa loa ou fakavikiviki i tautupu mo tautupu.

Pesalemo 97:11

E mu le malama ki le tagata agatonu, Ti mo le fiafia kia latou ala e loto sako.

Taagapati 16:1

Ko fakatuutuu ala e fai e le loto e fakalogo ki le tagata, Kae ko le tali leia e tuku e le gutu e au mei le Eteleno.

Taagapati 4:18

Ko le ala o le kau agatonu e faipe le malama gigila, Leia e asilisili gigila lona malama o kaku ki le loto malie o le aso.

Taniela 2:23

Atua o oku tamana, e kau fakakololia kiate koe, ti e kau fakavikiviki kiate koe i lau soli mai kiate au le poto mo le makeke, ti mo lau fakasa mai kiate au le nea leia na motou kole atu kiate koe, ti mo lau fakasa mai kia matou le nea fakapulipuli a le sau.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Soane 4:23

Kae e au le ola, ti kua soko foki a ia, leia e atolasio ai loa le kau atolasio maoki ki le Tamana i le laumalie mo le maoki ; talie ko lena le kau atolasio leia e afa e le Tamana.

Gaoi 20:32

Ti ko leinei, e kau tuku koutou ki le Atua ti mo le folafola o lona kalasia, ki leia e maua ia le makeke ke faufau ia koutou ti ke soli ia kia koutou le tofiga o fakatasi mo latou fuli kua fakamaokioki.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Loma 11:17

Kae kapau na tuuti ni iki o laa, ti kapau ko koe, leia na olive vao, kua fakapipiki a koe ki lolatou pikiaga, ti kapau kua ke kau ki le aka leia e fagai ia le oliveto,

Loma 15:27

Na lotou loto malie ai ki le nea alofa lena, ti ko lolatou maua aia ; talie kapau kua kau le kau pagani ki olatou koloa fakalaumalie, e tonu foki ke lotou tokoi kia latou i nea fakamalama.

Loma 8:17

Ti kapau ko tatou ko fanau, ko tatou foki ko fanau maua tofiga : Ko fanau maua tofiga a le Atua, ti mo maua tofiga fakatasi mo Kilisito, mo kapau e tou mamae fakatasi foki mo ia, o tupu ke tou toe fakatasi foki mo ia i lona kololia.

Loma 9:23

ti kapau kua loto a ia ke fakasa a koloa o lona kololia ki ni ipu o le manavaalofa ala na teuteui fakatomua ki le kololia : Ko ai loa ke toe pati kiate ia ?

Uluaki tosi ki le kau Kolinto 8:6

kae kia tatou ko le Atua fai e tasi, ko le Tamana, leia e au mei ai a nea fuli ti e fakalogo ki ai otatou mauli, ti mo le Aliki fai e tasi, ko Sesu-Kilisito, leia na fakatupu ia a nea fuli ti mo tatou foki.

Uluaki tosi ki le kau Kolinto 9:23

E kau fai a nea fuli o tupu ko le Evaselio, o tupu ke kau kau ki ona koloa.

Lua tosi ki le kau Kolinto 11:14

Ti e leaise fakapunamauli le nea lena, talie ko Satana totonu e kofu pe se aselo o le malama.

Lua tosi ki le kau Kolinto 5:5

Ti ko leia kua teuteui ia maua ki le nea lena, ko le Atua, leia kua soli ia foki kia maua a fakamaoki o le Laumalie.

Efeso 1:11

Iate ia kua tou liliu foki ko fanau mau tofiga, talie kua filifili fakatomua e ia tatou o mulimuli ki le fakatuutuu a leia e fai ia a nea fuli o mulimuli ki le tokoi o lona finegalo,

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Efeso 2:18

talie iate ia, ko koutou mo matou, e tou maua se uluaga ki le Tamana i se Laumalie e tasi.

Efeso 3:6

Ko le misitelio lena : kua kau le kau pagani ki le tofiga, ti kua lotou liliu ko se tino e tasi, ti kua lotou kau ki le fakapapau e tasi ia Sesu-Kilisito i le Evaselio,

Efeso 4:6

mo se Atua e tasi ko le Tamana o tagata fuli, leia e nofo i aluga o tagata fuli, ti mo tagata fuli, ti i tagata fuli.

Efeso 5:11

kae aua na kotou kau ki gaoi lee fua a le fakapouli, kae kotou aumai latou ki le malama.

Efeso 5:20

Kotou fakafetai tuumau ki le Atua le Tamana i nea fuli, i le suafa o lotatou Aliki ko Sesu-Kilisito.

Efeso 5:4

Ke aua na logo ia koutou ki ni pati veveli, mo ni masau fakavale, mo ni fakasuasua, talie e leaise gali a nea ana mo le fakapoipoi ; kae ke logo tafito ki ni fakafetai.

Efeso 5:8

talie i mua na kotou fakapouli, kae i le temi nei kua kotou malama i le Aliki. Kotou saele ofaipe ni fanau o le malama !

Kolose 2:2

o tupu ke apele olatou loto i le fakapelepele, ke lotou pipiki tasi i le alofa, ti ke lotou mou koloa i se atamai apele ke iloa le misitelio o le Atua, ko Kilisito,

Kolose 3:15

Ti ke pule i okoutou loto le tokamalie o Kilisito, leia na kalagai koutou ki ai ke kotou fau se tino e tasi. Ti ke kotou loto fakafetai.

Kolose 3:17

I nea fuli ala e kotou fai, i masau mo gaoi, ke kotou fai fuli latou i le suafa o le Aliki Sesu, o fakafetai iate ia ki le Atua le Tamana.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 12:23

ki le fakatasi o le kau uluaki tupu ala kua tosi i le atu lagi, ki le tui fakamaau leia ko le Atua o tagata fuli, ki laumalie o le kau agatonu ala kua kaku ki le malie tukupau,

Epelo 3:1

Koia, fetaina maokioki, ala e kau ki le vokasio mei lagi, kotou tokaga lasi ki le apositolo, mo le pule fai sakilifisio o le tui leia e motou fakasa ia,

Epelo 3:14

Talie kua tou kau kia Kilisito, mo kapau e tou taofi makeke lotatou uluaki tui o kaku ki le fakaoki,

Sakopo 3:9

E tou fakafetai ki le Aliki lotatou Tamana i le alelo, ti e tou lauveli foki i le alelo ki tagata ala na fai o fakatatau ki le paaki o le Atua.

Uluaki tosi a Petelo 5:1

Ko nei a ekenaki ala e kau fai ki le kau fakamatuatua ala e nonofo ia koutou, ko au, ko se tagata fakamatuatua ofaipe latou, ti ko se tagata fakamaoki ki mamae o Kilisito, ti ko se tasi foki kua kau ki le kololia leia e tonu ke fakasa :

Uluaki tosi a Soane 1:3

ko le nea leia na motou tio ki ai ti na motou logo ki ai, e motou fakasa atu a ia kia koutou foki, o tupu ke kotou komunio fakatasi foki mo matou. Ti ko lamatou komunio e fakatasi mo le Tamana mo lona Alo ko Sesu-Kilisito.

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !

Apokalipisi 22:5

Ti e leaise toe maua loa i ai le pouli ; ti e leaise toe aoga loa kia latou se fa malama, pe ko se ula o se fa malama, talie e fakamalama loa latou e le Aliki Atua. Ti e lotou sau loa i sekulo mo sekulo.