Kalate 6:3 - Tosi Tapu

³ Kapau e manatu se tasi ko se tasi a ia, kae ko se nea noa a ia, e kakai e ia a ia totonu.

Kalate 6:3 ပူးပေါင်းရင်းမြစ်များ

Taagapati 25:14

Ofaipe ni ao mo se matagi sala ua, E fenaaki le tagata leia e fakakololia i lana solisoli loi.

Taagapati 26:12

Kapau e ke tio ki se tagata leia e tui e poto, Ti e lasi ake le amanaki malie ki se tagata valea i le tagata lena.

Luka 18:11

Na tuu le faliseo i aluga, ti na faikole a ia i lona loto, o pati : Ei Atua, e kau fakafetai kiate koe talie e leaise kau faipe tagata fuli : e lotou kaia, mo agaveli, ti mo tono ; ti e leaise kau fai foki pe le popelikano leinei :

Gaoi 5:36

Talie na leikiaise fualoa na sa mai Teotasi, o pati ko se tagata mauiga a ia, ti na kau loa kiate ia se kau tagata, ko tino lelau e fa : Na tamate loa a ia, ti ko latou fuli ala na muli iate ia na mavetevete loa, o pupuli noa.

Loma 12:16

Ke kotou maua ni manatu loto tatau i okoutou vasaa. Ke aua na kotou oli ki nea taualuga, kae ke kotou oli ki nea taulalo. Ke aua na kotou fia poto.

Loma 12:3

I le kalasia leia kua soli mai kiate au, e kau fakasa ki le tagata taki toka tasi o koutou, ke aua na maua ia se manatu lei e taualuga ake iate ia totonu, kae ke kofu ni manatu totonu, o mulimuli ki le lasi o le tui leia kua vaevae e le Atua ki le tagata taki toka tasi.

Uluaki tosi ki le kau Kolinto 13:2

Ti kapau e kau maua loa le nea alofa o le kikite, mo le iloa o misitelio fuli, ti mo le poto katoa ; ti kapau e kau maua loa le tui katoa o kaku ki le siki o mauga, kae e leaise kau maua le alofa, ko le nea noa au.

Uluaki tosi ki le kau Kolinto 3:18

Ke aua na kakai e se tasi a ia totonu : Kapau e tui se tasi ia koutou ko se poto a ia i le sekulo leinei, ke liliu a ia ko se vale, o tupu ke liliu a ia ko se poto.

Uluaki tosi ki le kau Kolinto 8:2

Kapau e manatu se tasi e iloa e ia se nea, e leikiaise iloa e ia ofaipe lona tonu ke iloa.

Lua tosi ki le kau Kolinto 12:11

Kua kau valea : Na kotou eke au ke kau fenaaki. Ko kotou ala na tonu ke puipui ia au, talie na leaise kau taulalo fua i se nea i apositolo lalasi, logo ai e leai soku uiga.

Lua tosi ki le kau Kolinto 3:5

Talie ke aua na pati e ma mafai ia e maua totonu ke ma fakatupu ia se nea o sakinake e au meia maua totonu ; kae e au mei le Atua loma mafai.

Kalate 2:6

Ko latou ala e logologona - e leaise mauiga kiate au olatou anoaga totonu : talie e leaise fakapalatasi le Atua - ko latou ana na logologona na leaise fakamaua ia mai kiate au se nea.

Kalate 2:9

Ti i lalatou iloa le kalasia leia kua tuku mai kiate au, ko Sakopo, mo Kefasi, ti mo Soane, ala e pati ko pou tafito, na soli ia mai loa kiate au mo Palenapa le lima atamai, o tupu ke ma ano ki le kau lee silikosisio, kae ko latou ki le kau silikosisio.

Lua tosi kia Timoteo 3:13

Kae ko tagata agaveli mo fakasala e asilisili veli loa mo asilisili sese loa, a latou totonu mo latou ala na lotou kakaai.

Sakopo 1:22

Kotou fai le folafola, kae aua fai na gato i lakotou logo ki ai, o kotou kakai ai koutou totonu ki ni fakakaukau sala.

Sakopo 1:26

Kapau e manatu se tasi e tausi lotu a ia, kae e leaise taofi e ia lona alelo, mo kakai e ia lona loto totonu, e leaise aoga le lotu o le tagata lena.

Uluaki tosi a Soane 1:8

Kapau e tou pati e leai ni atatou agasala, e tou kakai tatou totonu, ti e leaise nofo le maoki ia tatou.