Kalate 6:2 - Tosi Tapu

² Kotou feamoaki a koutou kavega, ti e kotou fakasoko loa i ai le lao a Kilisito.

Kalate 6:2 ပူးပေါင်းရင်းမြစ်များ

Uluaki tosi o Koloniko 19:12

Na pati loa Soape : Kapau e makeke ake loa le kau Silia iate au, ti ke au loa o tokoi mai kiate au ; ti kapau e makeke ake loa a vosa o Amone iate koe, ti e kau natu loa o tokoi atu kiate koe.

Ekesote 23:5

Kapau e ke tio kua siga le asino o lou fili ti kua taotao a ia e lana amoga, aua na ke fakasili loa, kae ke tokoi loa kiate ia, o toe fakatuu ake lana asino ki aluga.

Esaia 58:6

Ko leinei le sesunio leia e kau fiafia ai : Vevete a tini o le agaveli, Tatala a sai o le popula, Tuku ke lauatea latou e mafaia, Ti ke motusi a amoga kesekese fuli.

Mateo 8:17

o tupu ke fakasoko le nea leia na fakasa fakatomua e le polofeta ko Isaia : Na too e ia otou maimoa, ti na amo e ia otou masaki.

Luka 11:46

Ti na tali loa Sesu : Malaia foki kia koutou, kau toketa o le lao ! Talie e kotou teki ki le kakai ni kavega e faigataa lona amo, ti e leaise kotou fakalave fua kia latou se maikao fua e tasi o okoutou lima.

Soane 13:34

E kau tuku kia koutou se fakatotonu foou : Kotou fealofani ia koutou ; ofaipe loku alofa kia koutou, ko koutou foki, kotou fealofani ia koutou.

Soane 15:12

Ko leinei laku fakatotonu : Kotou fealofani, ofaipe loku alofa kia koutou.

Loma 15:1

Ko tatou ala e makeke, e tonu ke tou katakii a gaegaeia o latou ala e gaegae, ti ke aua na tou afa le nea leia e malie kia tatou.

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Uluaki tosi ki le kau Kolinto 9:21

i latou ala e leaise nofo i le lao a Moisese, na kau faipe se tagata leia e leaise nofo i le lao, (logo ai i mua o le Atua e leaise kau nofo sala lao, talie e kau nofo i le lao a Kilisito), o tupu ke maua ai latou ala e leaise nonofo i le lao a Moisese.

Kalate 6:5

talie e tasi amo loa e le tagata lana kavega totonu.

Tetelonome 1:12

Pe feaki loa laku amo ia, e au toka tasi, lokoutou tausi, mo lokoutou kavega, mo akoutou fakavisi ?

Uluaki tosi ki le kau Tesalonika 5:14

E motou kole atu foki kia koutou, fetaina, ke kotou fakatonutonu latou ala e mauli maveuveu, mo kotou fakapelepelei latou ala e mamae, mo kotou tokoi kia latou ala e gagae, ti mo kotou kataki fualoa ki tagata fuli.

Sakopo 1:25

Kae ko leia e tio loloto ki le lao saosaoa, lao o le lauatea, ti e kataki fualoa o fai mau a ia, ti e leaise loto galogalo kae gaoi, ko ia lena e manuia loa i lana gaoi.

Sakopo 2:12

Kotou masau ti kotou gaoi ofaipe ni tagata ala e tonu ke fakamaaui e se lao o le lauatea,

Sakopo 2:8

Kapau e kotou fai le lao o le puleaga, o mulimuli ki le Tosi : E ke alofa loa ki lou oloi o tatau mo koe totonu, e kotou fai malie.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Lua tosi a Petelo 2:21

Talie na malie ake kia latou ke aua na lotou iloa le ala o le faitotonu, i lona iloa kae lotou titua ki le folafola maokioki leia na tuku kia latou.

Lua tosi a Petelo 3:2

o tupu ke kotou manatui a nea ala na fakasa fakatomua e le kau polofeta maokioki, ti mo le fakatotonu o lotatou Aliki mo Fakamauli, leia na akonaki ki ai le kau apositolo.

Uluaki tosi a Soane 4:21

Ti e tou maua meiate ia le fakatotonu leinei : Ko leia e alofa ki le Atua ke alofa foki a ia ki lona taina.