Kalate 6:17 - Tosi Tapu

¹⁷ Koia ke aua na fakamamae loku loto e se tasi, talie e kau maua i loku tino a fakamailoga o Sesu.

Kalate 6:17 ပူးပေါင်းရင်းမြစ်များ

Esaia 44:5

E pati loa le tasi : Ko au a le Eteleno ; E loto loa le tasi ki le igoa o Sakopo ; E tosi loa e le tasi ake ki lona lima : ki le Eteleno ! Ti e puaki loa e ia i le alofa le igoa o Iselaele.

Esekiele 9:4

Na pati loa le Eteleno kiate ia : Ano i le loto kolo, i loto o Selusalemi, ti ke fai se fakamailoga i lae o tagata ala e mamae ti mo tagi o tupu ko nea fakalialia fuli ala e fai i ai.

Gaoi 15:24

I lamatou logo na natu ni iki ia matou, kae na leaise motou tuku fua kia latou se fakatotonu, ti kua lotou fakamamae koutou ki alatou akonaki, ti kua lotou fakamaveuveui okoutou laumalie,

Lua tosi ki le kau Kolinto 1:5

Talie kapau e lasi mamae o Kilisito ia maua, e toe lasi foki loma fakafimalie ia Kilisito.

Lua tosi ki le kau Kolinto 4:10

E ma fafa tuumau i oma tino le mate o Sesu, o tupu ke fakasa foki le mauli o Sesu i oma tino.

Kalate 1:7

Ko le maoki e leaise tasi ake Evaselio, kae e i ai ni iki ala e fakamamae ia koutou, ti e lotou loto ke fetogi le Evaselio a Kilisito.

Filipe 3:10

Ti e kau iloa loa Kilisito, ti mo le makeke o lona toe tuuake, ti mo le komunio o ona mamae, i le fakatatau kiate ia i lona mate, ke kau kaku ai,

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Epelo 12:15

Ke kotou tokaga na tausala se tasi i le kalasia o le Atua, ti ke aua na i ai fua se aka kona, leia e somo ai ni uli mo fakatupu ia se mamae, ti ke kelekele ai se toka api.

Sosue 7:25

Na pati loa Sosue : Na ke fakatupu ia lomatou malaia ! E fakamalaia loa a koe e le Eteleno i le aso nei. Ti na tuki fatui loa a ia e Iselaele katoa. Ti na lotou toe tamate fenaaki loa lona famili katoa, kae na lotou tutu loa ana nea fuli.

Apokalipisi 13:16

Ti na fakamaua loa e ia ke maua e tagata fuli, liliki mo lalasi, mou koloa mo mativa, lauatea mo popula, se fakamailoga i olatou lima atamai pe i olatou lae,

Apokalipisi 13:17

Ti ke aua na mafai ke totogi e se tasi pe fakatau, kae leaise maua e ia le fakamailoga lena, pe ko le igoa o le manu fekai, pe ko le numelo o lona igoa.