Kalate 6:12 - Tosi Tapu

¹² Ko latou fuli ala e fia mata malie ki le tagata e fakamaua ia koutou ke silikosisio, o tupu fua ke aua na fakavelivelii koutou o tupu ko le koluse o Kilisito.

Kalate 6:12 ပူးပေါင်းရင်းမြစ်များ

Mateo 23:27

Malaia kia koutou, kau sekelipa mo kau faliseo malualoi ! Talie e kotou faipe ni tanuma tetea, ala e sa mai i tafa e fulumalie, kae i loto, e kotou apele ko ivi mate ti mo kelekele fuli.

Mateo 23:28

E toe fenaaki foki mo koutou, i tafa e kotou mata agatonu ki tagata, kae i loto e kotou apele i le malualoi mo le aga fakalialia.

Mateo 23:5

E lotou fai alatou gaoi fuli ke tioi e tagata. Koia e lotou ave ai ni tukuaga tosi laulalasi, ti mo ni tapai kie loloa i olatou kofu.

Mateo 5:10

Manuia latou ala e fakavelivelii o tupu ko le faitotonu, talie e fakalogo loa kia latou le Puleaga o le atu lagi !

Mateo 6:16

Ka kotou sesunio, aua na kotou mata mamae, ofaipe le kau malualoi, ala e fetogi olatou mata talie ke fakasa ai ki tagata e lotou sesunio. E kau pati maoki atu kia koutou, kua lotou maua lolatou fakapale.

Mateo 6:2

Koia ka ke soli ia se nea, aua na ke pupusi le fakatagi i ou mua, ofaipe le fai e le kau malualoi i sinakoka ti mo ala, o tupu ke viki ai latou e tagata. E kau pati maokioki atu kia koutou, kua lotou maua lolatou fakapale.

Mateo 6:5

Ka kotou faikole, aua na kotou faipe le kau malualoi, ala e fia faikole tutuu i sinakoka ti mo magai ala, o tupu ke tioi latou e tagata. E kau pati maoki atu kia koutou, kua lotou maua lolatou fakapale.

Luka 16:15

Na pati loa a ia kia latou : Ko koutou, e kotou fia agatonu i mua o le tagata, kae e iloa e le Atua okoutou loto ; talie ko le nea leia e mauiga lasi ki tagata e fakalialia i mua o le Atua.

Luka 20:47

e lotou too fakamakeke a nea fuli o fafine lokonui, ti e lotou fai ni kole loloa ke lotou fakamata malie ai ki tafa. E mamafa ake loa lolatou fakamaaui.

Soane 7:18

Ko leia e masau iate ia totonu, e afa ia lona kololia toka tasi ; kae ko leia e afa ia le kololia o leia na kakau ia a ia e maoki a ia, ti e leaise se nea fua iate ia e sala.

Gaoi 15:1

Ti na ifo loa mei Sutea ni tagata, ala na akonaki ki fetaina, o pati : Kapau e leaise silikosisio koutou o mulimuli ki le lao a Moisese, ti e leaise mafai ke kotou saofaki.

Gaoi 15:5

Kae na tuu ake loa ki aluga ni iki kua tui i le fetuuga o le kau faliseo, o pati : E tonu ke silikosisio le kau pagani mo fakamaua latou ke mulimuli ki le lao a Moisese.

Lua tosi ki le kau Kolinto 10:12

E leaise mafai ke ma fia fakatatau ki ni iki o latou ala e fia matamua, talie e lotou fakatuu alotou fua totonu ke fuafua ai latou, ti i lalatou fakatatau latou kia latou totonu, e lotou sala atamai ai.

Lua tosi ki le kau Kolinto 11:13

Ko tagata ana ko ni apositolo loi, ko ni tagata gaoi kaka, e lotou kofu pe ni apositolo a Sesu-Kilisito.

Kalate 2:14

I laku tio na leaise lotou saele fakasako i le maoki o le Evaselio, na kau pati loa kia Kefasi i mua o latou fuli : Kapau ko koe leia e Sutea, e ke fai o fakatatau ki le aga a le kau pagani, kae leai ki le aga a le kau Sutea, kolea e ke fakamakeke ai le kau pagani ke fai o fakatatau ki le kau Sutea ?

Kalate 2:3

Kae ko Tito, leia na nofo mo au, leia na Keleka foki, na leaise fakamaua loa ke silikosisio.

Kalate 5:11

Kae kiate au, fetaina, kapau koi kau akonaki ki le silikosisio, kolea koi fakavelivelii ai au ? Kapau koia, ti kua tiaki le akonaki o Sesu leia na tutuki i le koluse, leia ko se nea fakatupu siga kia latou !

Kalate 6:13

Talie e leaise fai e le kau lee silikosisio totonu le lao ; kae e lotou loto ke silikosisio koutou, o tupu ke lotou fakakololia i lokoutou tino.

Filipe 1:15

Ko le maoki, e fakasa e ni iki a Kilisito i se finenonofo ti mo se loto fefele ; kae e fakasa a ia e ni iki ake i ni manatu malilie.

Filipe 2:4

Ke aua na tasi tokaga fua le tagata ki ana nea fua, kae ke tokaga foki a ia ki nea a la ake.

Filipe 3:18

Talie e toka api latou ala e saele ko ni fili o le koluse o Sesu-Kilisito, ala kua tua lasi laku tau masau ki ai, ti e kau toe masau atu nei ki ai mo ni tagi.

Kolose 2:23

E maoki, e lotou mata fakapotopoto, talie e lotou masau ki se fia lotu, mo se agamalu, ti mo se fakamamae o le tino ; kae e leai sona aoga, gato fua ki le fakafimalie o le kanofi.