Kalate 6:10 - Tosi Tapu

¹⁰ Koia, i le koi tou maua ia le faigamalie, tou fai le nea leia e malie ki tagata fuli, kae tafito ki fetaina i le tui.

Kalate 6:10 ပူးပေါင်းရင်းမြစ်များ

Pesalemo 37:27

Ke ke maliu kese i le veli, fai le malie, Ti ke ke maua lou nofoaga o lee gato.

Pesalemo 37:3

Ke ke fanaki ki le Eteleno, ti ke fai le nea leia e malie ; Ke ke maua le fenua ko lou nofoaga, ti ke ke fai le malie ko lau nea kai.

Taagapati 3:27

Aua na ke fakafiti se nea malie ki leia e tonu ke fai ki ai, Mo kapau e ke mafai a ia.

Ekelesiasi 3:12

Na kau iloa mei ai e leaise malie se nea ki le tagata, kae ke fakafiafia a ia ti mo mauli fimalie ;

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Mateo 10:25

E feauga fai ki le tisipulo ke tatau mo lona pule, ti mo le tagata fakasausau ke tatau mo lona aliki. Kapau na lotou pati ki le pule o le fale ko Pelesepu a ia, ti e lotou toe pati fenaaki loa ki kakai o lona fale !

Mateo 12:50

Talie ko leia e fai ia le finegalo o loku Tamana leia e nofo i le atu lagi, ko loku taina a ia, mo loku tuagaane, ti mo loku tinana.

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Mateo 5:43

Kua kotou logo na fakasa : E ke alofa loa ki lou oloi ti e ke vesia loa ki lou fili.

Maleko 3:4

Ti na pati loa a ia kia latou : Pe taga i le aso o le sapato, ke fai se nea malie pe ko se nea veli, ke saofaki ai se tagata pe ke tamate a ia ? Kae na lotou fakalologo loa.

Luka 6:35

Kae kotou alofa ki okoutou fili, kotou fai le malie, ti kotou soli sala talitali ke fakaliliu atu. Ti e lasi loa lokotou fakapale, ti e kotou liliu loa ko vosa o le Taualuga, talie e agamalie a ia ki le kau mauli galo mo le kau agaveli.

Soane 12:35

Na pati loa Sesu kia latou : Koi nofo fua le malama i se ga temi ikiiki ia koutou. Kotou saele koi kotou maua le malama, talie ke aua na maua koutou e le fakapouli : ko leia e saele i le fakapouli e leaise iloa e ia pe ano a ia kifea.

Soane 9:4

E tonu ke kau fai koi ao a gaoi a leia na kakau ia mai au ; e au le pouli, leia e leaise mafai ke gaoi ai se tasi.

Gaoi 6:7

Na mafola le folafola a le Atua, ti na tupu o api ai le kau tisipulo i Selusalemi, ti na fakalogo ki le tui se kakai toka api o le faisakilifisio.

Lua tosi ki le kau Kolinto 2:8

Koia e kau kole atu ai kia koutou ke kotou fakasa le alofa kiate ia ;

Kalate 1:23

kae na gato fai i lalatou logo ki le pati : Ko leia na fakaveliveli kia tatou i mua e fakamafola e ia i le temi nei le tui leia na faiga a ia ke maumaui.

Efeso 2:19

Koia, e leaise ko ni matapule koutou, pe ko ni tagata mei fafo ; kae kua kotou kau ki le kolo o le kau sagato, mo le fale o le Atua.

Efeso 3:15

leia e au mei ai a igoa o famili fuli i le lagi mo le kele,

Efeso 4:28

Ko leia na kaia ke aua na toe kaia a ia ; kae ke gaoi a ia, o fai ki ona lima le nea leia e malie, ke maua se nea leia ke soli ki leia e mativa.

Efeso 5:16

kotou totogi le temi, talie kua veveli a aso.

Filipe 4:10

Na kau logoi se fiafia lasi i le Aliki i laku tio kua kotou toe fakafoou le maoki o lokoutou alofa kiate au ; ko le maoki, na kotou manatu tuumau kiate au, kae na leaise kotou maua ia fua se faigamalie ke fakasa ai a ia.

Kolose 4:5

Kotou saele tokaga kia latou ala e nonofo i fafo, ti kotou totogi le temi.

Uluaki tosi ki le kau Tesalonika 5:15

Kotou tokaga ke aua na totogi e se tasi le veli ki le veli, kae ke kotou afa tuumau le malie i okoutou vasaa ti mo tagata fuli.

Uluaki tosi ki le kau Tesalonika 5:21

Kae kotou sivisivi a nea fuli ; kotou taofi le nea leia e malie ;

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Tito 3:8

E maoki le folafola lena, ti e kau loto ke ke fakasa fakamakeke tuumau a nea ana, o tupu ke tokaga latou ala kua tui ki le Atua o fai ni gaoi malilie. Ko lena le nea leia e malie mo aoga ki tagata.

Epelo 13:16

Aua na kotou galoi le fai nea alofa ti mo le kai solisoli, talie ko sakilifisio ana e fiafia ai le Atua.

Epelo 3:6

kae ko Kilisito, e agatonu a ia ofaipe le Vosa i lona fale totonu ; ti ko lona fale ko tatou, mo kapau e tou kukumi mau le tui makeke mo le amanaki malie o le kololia o kaku ki le fakaoki.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Uluaki tosi a Petelo 4:17

Talie ko leinei kua kamata le fakamaau, ti e kamata a ia i le fale o le Atua. Io, kapau kua kamata a ia kia tatou, e feaki ake loa le fakaoki o latou ala e leaise fakalogo ki le Evaselio a le Atua ?

Uluaki tosi a Soane 5:1

Ko leia e tui ko Sesu ko le Kilisito, na tupu a ia mei le Atua ; ti ko leia e alofa ki leia na fakatupu ia a ia, e toe alofa foki a ia ki leia na tupu meiate ia.

Tolu tosi a Soane 1:10

Koia, kapau e kau natu, e kau fakamanatu loa le veli katoa leia e fai e ia, a masau veveli mo loi ala e lau e ia kia matou. Kae e leaise feauga le nea lena kiate ia, e leaise fakatalitali e ia fetaina, ti e taofi e ia latou ala e loto ki ai, o kapu latou mei le Ekelesia.

Tolu tosi a Soane 1:11

Alofaina, aua na ke faifaitaki ki le veli, kae ki le malie. Ko leia e fai ia le malie e kau a ia ki le Atua, kae ko leia e fai ia le veli, na leaise tio a ia ki le Atua.

Tolu tosi a Soane 1:3

Kua kau fiafia lasi ai, i le tau mai o ni fetaina o fakamaoki ki le maoki leia e nofo iate koe, ti mo lau saele i le maoki.