Kalate 6:1 - Tosi Tapu

¹ Fetaina, kapau e maua atu se tasi kua sala, ko koutou ala e fakalaumalie, kotou fakatonutonu a ia i se loto agamalu. Tokaga kiate koe totonu, talie ke aua na toe fakasalai foki mo koe.

Kalate 6:1 ပူးပေါင်းရင်းမြစ်များ

Lua tosi a Samuele 11:2

I se afiafi, na malaga ake loa Tavite i lona moeaga ; ti na evaeva loa a ia i aluga o le ato o le fale sau, ti na tio loa a ia mei ai ki se fafine na maanu, ti na fulumalie ai le fafine.

Pesalemo 141:5

Ke taai au e le tagata agatonu, ko se kalasia a ia ; Ke tautea e ia au, ko se lolo a ia i loku ulu : E leaise mafuli kese loa loku ulu ; Kae e toe pale atu loa laku kole kiate koe o tupu ko le kau agaveli.

Esekiele 34:16

E kau afa loa le ovi leia na puli noa, ti e kau aumai loa leia na sese, ti e kau sai loa le lavea o leia na lavea, ti e kau fakamakeke loa leia na masaki. Kae e kau maumaui loa a ovi ala e pepeti mo makeke. E kau taupau loa latou i le faitotonu.

Mateo 11:29

Kotou amo laku laakau taki, ti kotou tali aku akonaki, talie e kau agamalu mo loto fakataulalo ; ti e kotou maua loa le malolo ki okoutou laumalie.

Mateo 26:69

Kae na tonatona loa Petelo i fafo i le malae. Na fakafeofi ake loa se fafine fakasausau kiate ia, o pati : Ko koe foki, na ke nofo mo Sesu, le Kalilea.

Mateo 26:75

Ti na manatui loa e Petelo le masau leia na fai e Sesu : I mua o le koukoua o le moatoa, kua ke fakafiti tua tolu kiate au. Ti na ulu loa a ia ki fafo, o tagi mamae ai.

Mateo 9:13

Kotou ano, ti kotou ako le uiga o le nea leinei : E maua loku fiafia i le manavaalofa, kae leai i ni sakilifisio. Talie na leaise kau au o kalagai ni tagata agatonu, kae ni tagata agasala.

Loma 14:1

Ke kotou fakatalitali leia e gaegae i le tui, ti ke aua na kotou fevisi i manatu.

Loma 15:1

Ko tatou ala e makeke, e tonu ke tou katakii a gaegaeia o latou ala e gaegae, ti ke aua na tou afa le nea leia e malie kia tatou.

Loma 8:6

Ko le tokaga ki nea o le kanofi, ko le mate ; kae ko le tokaga ki nea o le Laumalie, ko le mauli mo le tokamalie.

Uluaki tosi ki le kau Kolinto 10:12

Koia, ko leia e manatu e tuu a ia i aluga, ke tokaga a ia na vilo !

Uluaki tosi ki le kau Kolinto 14:37

Kapau e pati se tasi ko se polofeta a ia, pe maua e ia se nea alofa fakalaumalie, ke iloa e ia ko le nea leinei e kau tosi atu kia koutou ko se fakatotonu a ia mei le Aliki.

Uluaki tosi ki le kau Kolinto 2:15

Kae e iloa e le tagata fakalaumalie a nea fuli, ti e leaise mafai ke fakamaaui a ia e se tasi.

Uluaki tosi ki le kau Kolinto 3:1

Kiate au, fetaina, na leaise mafai ke kau masau atu kia koutou ofaipe ki ni tagata fakalaumalie, kae ofaipe ki ni tagata fakakanofi, ofaipe ki ni fanau liliki ia Kilisito.

Uluaki tosi ki le kau Kolinto 4:21

Kolea e kotou loto ki ai ? Ke kau natu kia koutou mo se laakau, pe mo le alofa mo se loto agamalu ?

Uluaki tosi ki le kau Kolinto 7:5

Ke aua na kolua fefakafitiaki ia koulua, gato fai mo kapau kua kolua loto tasi ki ai i se ga temi ikiiki, o tupu ke kolua tokaga ki le faikole ; kae ka oki a ia, ke kolua toe liliu o fakatasi, talie na fakasalai koulua e Satana i lokoulua sala tataofi.

Lua tosi ki le kau Kolinto 10:1

Ko au Paulo, e kau kole atu kia koutou, i le agamalu mo le agamalie o Kilisito, a au leia e mata gaegae i okoutou mua mo ka kau nofo mo koutou, ti e apele i le loto toa kia koutou mo ka kau nofo mamao.

Lua tosi ki le kau Kolinto 2:7

Koia e tonu ai ke kotou fakamolemole kiate ia, ti ke kotou fakafimalie a ia, talie ke aua na taomia a ia i se mamae lasi.

Lua tosi ki le kau Kolinto 2:8

Koia e kau kole atu ai kia koutou ke kotou fakasa le alofa kiate ia ;

Kalate 5:23

e leaise fakafesagai le lao ki nea ana.

Kalate 6:18

Fetaina, ke nofo le kalasia o lotatou Aliki ko Sesu-Kilisito i okoutou laumalie ! Amene !

Uluaki tosi ki le kau Tesalonika 4:1

Koia, fetaina, talie kua kotou ako meia matou le mauli leia e tonu ke kotou maua o tupu ke kotou mata malie ai ki le Atua, ti e kotou fai le nea lena, e motou kole atu kia koutou, ti e motou kole mamae atu a ia kia koutou i le suafa o le Aliki ko Sesu, ke kotou saele i le nea lena o lakalaka ki mua.

Lua tosi ki le kau Tesalonika 3:15

Aua na kotou tio kiate ia ofaipe se fili, kae kotou fai kiate ia se valoki ofaipe se taina.

Lua tosi kia Timoteo 2:25

e tonu ke fakatonutonu e ia i le agamalu latou ala e agatuu, na saga e soli loa e le Atua kia latou le fakasemala ke lotou tui ai ki le maoki,

Epelo 12:13

ti ke kotou muli ki okoutou vae i ni ala sasako, o tupu ke aua na sese le vae leia kua kito, kae ke toe fakamakeke a ia.

Epelo 13:3

Kotou manatui le kau pilisoni, o sakinake e kotou pilisoni foki ; kotou manatui latou ala e fakavelivelii o sakinake e kotou tino tasi mo latou.

Sakopo 3:13

Ko ai leia e poto mo atamai ia koutou ? Ke fakamaoki e ia a ia ki le malie o lana aga, ti mo ni gaoi ala e fai i le agamalu mo le poto.

Sakopo 3:2

Talie e tou tukia fuli i nea kesekese. Kapau e leaise tukia se tasi i ana masau, ko se tagata saosaoa a ia, kua mafai e ia le taofi o lona tino katoa.

Uluaki tosi a Petelo 3:15

Kae ke kotou fakaapaapa i okoutou loto kia Kilisito ko le Aliki ; ti ke kotou nofo teuteu fuai ke tali i le agamalu mo le fakaapaapa ki leia e afa atu ia kia koutou le uiga o le amanaki malie leia ia koutou,

Uluaki tosi a Soane 5:16

Kapau e tio se tasi ki le fai e lona taina se agasala leia e leaise ave ia ki le mate, ke faikole a ia, ti e soli loa e le Atua le mauli ki le taina lena ; e soli loa e ia le mauli kia latou ala e fai ia se agasala leia e leaise ave ia ki le mate. Kae e i ai se agasala leia e ave ia ki le mate, ti e leaise kau pati atu ke faikole ki le agasala lena.