Kalate 5:3 - Tosi Tapu

³ Ti e kau toe fakasa atu ki le tagata fuli leia e fia silikosisio, e maua a ia ke fai ia a nea fuli o le lao.

Kalate 5:3 ပူးပေါင်းရင်းမြစ်များ

Neemia 9:34

Ko omatou sau, mo omatou pule, mo omatou tagata faisakilifisio, ti mo omatou tamana na leaise lotou taupau ia lau lao, ti na leaise lotou fakalogo ki au folafola, ti mo fakatokaga ala na ke fai kia latou.

Mateo 23:16

Malaia kia koutou, kau takitaki o kivi, ala e pati : E nea noa mo kapau e fakapapau se tasi i le fale tapu. Kae kapau e fakapapau loa se tasi i le aulo o le fale tapu, e maua loa a ia.

Mateo 23:18

E kotou toe pati foki, e leaise lau mo kapau e fakapapau se tasi i le aletale ; kae kapau e fakapapau se tasi i le moliga leia e tuku i aluga o le aletale, ti e maua a ia.

Luka 16:28

O tupu ke fakamaoki e ia a nea anei kia latou, ti mo valoki latou, ke aua na latou toe au mo latou foki ki le ganea leinei o le mamae.

Gaoi 15:1

Ti na ifo loa mei Sutea ni tagata, ala na akonaki ki fetaina, o pati : Kapau e leaise silikosisio koutou o mulimuli ki le lao a Moisese, ti e leaise mafai ke kotou saofaki.

Gaoi 2:40

Ti ki ni iki ake folafola mauke ai, na fakalotoi mo fakamakeke e ia latou, o pati : Kotou sosola mei le tautupu agaveli leinei.

Gaoi 20:21

o kau fakasa ki le kau Sutea mo le kau Keleka le fakasemala ki le Atua, ti mo le tui ki lotatou Aliki ko Sesu-Kilisito.

Loma 2:25

E aoga le silikosisio mo kapau e ke fai le lao, kae kapau e ke maumaui le lao, e leaise uiga o lou silikosisio.

Kalate 3:10

Talie ko latou fuli ala e pipiki ki gaoi o le lao e nonofo i le malaia ; talie e tosi : Malaia leia e leaise tausi ia a nea fuli ala e tosi i le tosi o le lao, ti e leaise fai ia latou.

Kalate 5:2

Ko au Paulo, leinei e pati atu kia koutou, kapau e silikosisio koutou, e leaise aoga loa Kilisito kia koutou.

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Efeso 4:17

Ko leinei loa le nea leia e kau fakasa mo fakamaoki i le Aliki : E leaise koi tonu ai ke kotou saele ofaipe le kau pagani, ala e saele o mulimuli ki le vaiga o olatou manatu.

Tetelonome 27:26

Ke malaia le tagata leia e leaise fakalogo loa ki folafola o le lao leinei, ti e leaise fai ia loa latou ! Ti e pati loa le kakai katoa : Amene !

Tetelonome 31:21

I le aso loa lena ka soko loa kiate ia ni malaia lasi mo ni mamae veli, e fakasa loa e le katiko lena ki le kakai leinei lona agaveli ofaipe se fakamaoki, talie e leaise toe galo loa a ia i le gutu o lona sakoga. E kau iloa a loto o le kakai leinei, ala foki kua kamata sa i le aso nei, kae e leikiaise kau fakaulu a ia ki le fenua leia na kau fakapapau ke soli kiate ia.

Tetelonome 8:19

Kapau e ke galoi loa le Eteleno, lou Atua, o ke pipiki loa ki ni iki atua kese, ti kapau e ke tausi loa ti mo ke atolasio loa kia latou, e kau fakapapau atu kia koutou i le aso nei e kotou mamate loa.

Uluaki tosi ki le kau Tesalonika 4:6

ke aua na fakatotolo e se tasi le avaga o lona taina, talie e tautea e le Aliki a tagata fenaaki, ofaipe lamatou fakasa fakatomua mo fakamaoki a ia kia koutou.

Uluaki tosi a Soane 4:14

Ti ko matou, na motou tio, ti e motou fakamaoki na kakau e le Tamana lona Alo ko le Fakamauli ki le malama nei.