Kalate 5:24 - Tosi Tapu

²⁴ Ko latou ala e nonofo ia Sesu-Kilisito, kua lotou tutuki ki le koluse le kanofi mo ona alofa ti mo ona oli.

Kalate 5:24 ပူးပေါင်းရင်းမြစ်များ

Loma 13:14

Kae ke kotou kofu ki le Aliki ko Sesu-Kilisito, ti ke aua na kotou tokaga ki le tino o mulimuli ki ona olioli.

Loma 6:6

o tou iloa na tutuki i le koluse lotatou tagata afea mo ia, o tupu ke puli le makeke o le tino o le agasala, ti ke aua na tou toe popula ki le agasala ;

Loma 8:13

Kapau e kotou mauli o mulimuli ki le kanofi, e kotou mamate loa ; kae kapau i le Laumalie e kotou tamate a gaoi o le tino, e kotou mauli loa.

Loma 8:9

Kia koutou, e leaise kotou mauli o mulimuli ki le kanofi, kae o mulimuli ki le Laumalie, mo kapau e nofo maoki ia koutou le Laumalie o le Atua. Kapau e leaise maua e se tasi le Laumalie o Kilisito, e leaise kau a ia kiate ia.

Uluaki tosi ki le kau Kolinto 15:23

kae e tasi nofo loa i lona tuuaga : ko le uluaki fua ko Kilisito, ti oki ko latou ala e kau ia Kilisito i lana toe liliu mai.

Uluaki tosi ki le kau Kolinto 3:23

Ko nea fuli a koutou ; ti ko koutou a Kilisito, ti ko Kilisito a le Atua.

Uluaki tosi ki le kau Kolinto 6:13

Ko nea kai ki le manava, ti ko le manava ki nea kai, ti e maumaui loa e le Atua le manava o tatau mo nea kai. Kae na leaise fakatupu le tino ki le fai feauaki. Na fakatupu a ia ki le Aliki, ti ko le Aliki ki le tino.

Lua tosi ki le kau Kolinto 10:7

E kotou tio ki le nea leia e sa i tafa ! Kapau e pati se tasi e kau a ia kia Kilisito, ke pati a ia iate ia totonu, kapau e kau maoki a ia kia Kilisito, ko maua foki e ma kau kia Kilisito.

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Kalate 3:26

Talie ko vosa fuli koutou o le Atua i le tui kia Sesu-Kilisito ;

Kalate 3:28

E leaise koi i ai se Sutea, pe ko se Keleka ; e leaise koi i ai se tagata popula pe lauatea ; e leaise koi i ai se tagata pe ko se fafine ; talie kua kotou liliu fuli ko se nea e tasi ia Sesu-Kilisito.

Kalate 3:29

Ti kapau e kotou kau kia Kilisito, ti ko le sakoga loa koutou o Apalaamo, ko fanau mau tofiga o le fakapapau.

Kalate 5:20

mo le tausi taulaatua, mo le fai nea fakatemonio, mo vesia, mo fefele, mo finenonofo, mo itaita, mo vaevaega, mo magai lotu ;

Kalate 6:14

Kae kiate au, e mamao meiate au le manatu ke kau fakakololia i se tasi ake a nea kese, kae i le koluse o lotatou Aliki ko Sesu-Kilisito, leia kua tutuki ki ai le malama nei kiate au, ofaipe au kua tutuki ki le malama nei.

Efeso 3:1

O tupu ko le nea lena, ko au Paulo, ko le tagata pilisoni a Kilisito kia koutou kau pagani…

Efeso 3:11

o mulimuli ki le fakatuutuu lee gato leia na fai e ia ia Sesu-Kilisito lotatou Aliki ;

Efeso 3:6

Ko le misitelio lena : kua kau le kau pagani ki le tofiga, ti kua lotou liliu ko se tino e tasi, ti kua lotou kau ki le fakapapau e tasi ia Sesu-Kilisito i le Evaselio,

Kolose 2:11

Ti kua silikosisio foki koutou iate ia ki se silikosisio leia na leaise fai e le lima o tagata, kae ki le silikosisio a Kilisito, leia ko le fakamativa o le tino fakakanofi :

Uluaki tosi a Petelo 2:11

Alofaaga, e kau kole atu kia koutou, ofaipe ni matapule mo ni tagata fanoga i le malama nei, kotou fakamamao mei oli o le tino ala e tau ki le laumalie.