Kalate 5:21 - Tosi Tapu

²¹ mo le manumanu, mo le inu fakavale, mo le kai fakavale, mo nea fuli ala e tatau mo nea ana. E kau fakasa fakatomua atu kia koutou, ofaipe laku fakasa atu i mua, ko latou ala e fai ia a nea ana e leaise maua ia loa le Puleaga o le Atua.

Kalate 5:21 ပူးပေါင်းရင်းမြစ်များ

Esaia 3:11

Malaia ki le tagata agaveli ! E nofo loa a ia i le veli, Talie e kai loa e ia le fua o ona lima.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Luka 21:34

Kotou tokaga kia koutou totonu, ke aua na kotou tuku okoutou loto ke taomia o tupu ko le kai fakavale mo le inu fakavale, ti mo nea o le mauli, ti ke au fakapunamauli le aso lena kia koutou.

Loma 13:13

Ke tou saele agatonu, ofaipe le saele i le ao, o mamao mei kai fakavale, mo le kona, mo fiafia fakavale, mo fai feauaki, mo le fefele ti mo le finenonofo.

Loma 8:13

Kapau e kotou mauli o mulimuli ki le kanofi, e kotou mamate loa ; kae kapau i le Laumalie e kotou tamate a gaoi o le tino, e kotou mauli loa.

Uluaki tosi ki le kau Kolinto 15:50

Ko le nea leia e kau fakasa, fetaina, e leaise feala ke maua e le kanofi mo le toto le puleaga o le Atua, ti e leaise feala ke maua e nea pala a nea lee pala.

Uluaki tosi ki le kau Kolinto 5:11

Ko leinei, ko le nea leia kua kau tosi atu kia koutou, ke aua na kotou fakatasi mo se tasi leia e igoa ko se taina kae fai feauaki a ia, pe manumanu paaga, pe tausi taulaatua, pe nukinuki, pe inu kava, pe kaia tagata, ti ke aua foki na kotou kai mo se tagata fenaaki.

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.

Tetelonome 21:20

E la fakasa loa ki le kau fakamatuatua o lona kolo : ko leinei loma vosa, leia e patigataa ti e fakatutuu, leia e leaise fakalogo mai kia maua, leia e fai nea fakavale ti mo inu kava.

Kolose 3:6

Talie ko nea ana e tupu ai le vilo o le sausau o le Atua ki vosa o le patigataa ;

Uluaki tosi ki le kau Tesalonika 5:7

Talie ko latou ala e momoe, e momoe i le pouli, ti ko latou ala e konana, e konana i le pouli.

Lua tosi ki le kau Tesalonika 2:5

Pe leaise kotou manatui na kau fakasa atu a nea ana kia koutou i le temi leia na kau nofo ai mo koutou ?

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Uluaki tosi a Petelo 4:3

Talie kua lasi le temi leia i mua na koutou fai ai le finegalo o le kau pagani, o saele i le mauli fakalialia, mo oli veveli, mo le inu fakavale, mo le kai fakavale, ti mo le fakalialia o tausi ki taulaatua.

Apokalipisi 21:27

Ti e leaise ulu loa ki ai se nea kelekele, pe ko se tasi leia e fai nea fakalialia, pe ko se tasi leia e loi ; kae e ulu loa ki ai latou ala kua tosi i le tosi o le mauli a le Akeno.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !