Kalate 5:19 - Tosi Tapu

¹⁹ E mailoga malie a gaoi o le kanofi ; ko le fai feauaki, mo le kelekele, mo le fakavalevale ;

Kalate 5:19 ပူးပေါင်းရင်းမြစ်များ

Pesalemo 17:4

I le tio ki gaoi a tagata, e kau agatonu ki le folafola o ou laugutu, Ti e kau tokaga ki le ala o le kau agamakeke.

Soane 3:6

Ko le nea leia na tupu i le kanofi e kanofi, ti ko le nea leia na tupu i le Laumalie Maokioki e laumalie.

Loma 7:18

E kau iloa e leaise nofo iate au le nea e malie, ko lona uiga i loku kanofi : Talie e kau maua ia le loto fia fai ki le nea e malie, kae e leai le mafai.

Loma 7:25

Ke fakafetai ki le Atua ia Sesu-Kilisito lotatou Aliki !… Koia, i loku loto e kau popula ki le lao a le Atua, kae i loku kanofi e kau popula ki le lao o le agasala.

Loma 7:5

Talie, i le temi leia na tou mauli ai i le kanofi, ko oli fakavale o agasala, ala na tupu mei le lao, na gaoi i otatou koga tino, ke tou maua ai ni fua ki le mate.

Loma 8:13

Kapau e kotou mauli o mulimuli ki le kanofi, e kotou mamate loa ; kae kapau i le Laumalie e kotou tamate a gaoi o le tino, e kotou mauli loa.

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Loma 8:5

Koia, ko latou ala e mauli o mulimuli ki le kanofi e tokaga ki nea o le kanofi, kae ko latou ala e mauli o mulimuli ki le Laumalie e tokaga ki nea o le Laumalie.

Loma 8:9

Kia koutou, e leaise kotou mauli o mulimuli ki le kanofi, kae o mulimuli ki le Laumalie, mo kapau e nofo maoki ia koutou le Laumalie o le Atua. Kapau e leaise maua e se tasi le Laumalie o Kilisito, e leaise kau a ia kiate ia.

Uluaki tosi ki le kau Kolinto 3:3

Talie koi maua ia koutou se finenonofo mo ni fefele, pe leaise kotou fakakanofi, pe leaise kotou saele o mulimuli ki le tagata ?

Uluaki tosi ki le kau Kolinto 6:18

Kotou sola mei le fai feauaki ! Ko agasala fuli ake ala e fai e se tagata, e fai i tafa o le tino ; kae ko leia e fai ia le fai feauaki e agasala a ia ki lona tino totonu.

Kalate 5:13

Fetaina, kua kalagai koutou ki le lauatea ; kae ke aua fua na kotou fakaliliu le lauatea lena ko se faigamalie ke kotou mauli ai i le kanofi ; kae ke kotou liliu, i le alofa, ko ni tagata fakasausau a la ki la.

Kalate 5:17

Talie e fakafesagai a oli o le kanofi ki oli o le Laumalie, ti e fakafesagai a oli o le Laumalie ki oli o le kanofi ; e lotou fefakafesagaiaki ia latou, o tupu ke aua na kotou fai le nea leia e kotou loto ki ai.

Kalate 6:8

Ko leia e muluki ia i lona kanofi e utu loa e ia mei le kanofi le pala ; kae ko leia e muluki ia i le Laumalie e utu loa e ia mei le Laumalie le mauli lee gato.

Tito 3:3

Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !