Kalate 5:18 - Tosi Tapu

¹⁸ Kae kapau e taki koutou e le Laumalie, ti e leaise kotou fakalogo loa ki le lao.

Kalate 5:18 ပူးပေါင်းရင်းမြစ်များ

Taagapati 8:20

E kau saele i le ala o le faitotonu, I loto malie o ala o le maokioki,

Esekiele 36:27

E kau tuku loa loku Laumalie kia koutou, ti e kau fakalotoi loa koutou ke kotou mulimuli i aku fakatotonu, ti ke kotou tausi mo fai aku lao.

Soane 16:13

Ka au loa le Fakapelepele, le Laumalie o le maoki, e taki loa e ia koutou i le maoki katoa ; talie e leaise masau loa a ia meiate ia totonu, kae e fakasa loa e ia a nea fuli ala e logo loa a ia ki ai, ti e fakasa fakatomua loa e ia kia koutou a nea ka soko mai.

Loma 7:4

Koia, ei oku fetaina, ko koutou foki, kua kotou mamate, i le tino o Kilisito, ki nea o le lao, o tupu ke kotou fakalogo ki se tasi ake, ki leia kua toe tuuake mei le kau mate, talie ke tou maua ni fua ki le Atua.

Loma 8:12

Koia, fetaina, e leaise tou tuu maua fua ki le kanofi, ke tou toe mauli o mulimuli ki le kanofi.

Loma 8:14

Talie ko latou fuli ala e taki e le Laumalie o le Atua ko vosa o le Atua.

Kalate 5:16

Koia e kau pati atu ai : Kotou saele i le Laumalie, ti e leaise kotou fakasoko ia loa a oli o le kanofi.

Kalate 5:23

e leaise fakafesagai le lao ki nea ana.

Kalate 5:25

Kapau e tou mauli i le Laumalie, tou saele foki i le Laumalie.

Uluaki tosi kia Timoteo 1:9

e tou iloa papau na leaise fakatupu le lao ki le tagata agatonu, kae ki le kau agaveli ti mo le kau patigataa, ki le kau lee tui ki le Atua ti mo le kau agasala, ki le kau lee fakaapaapa ki le Atua mo nea taputapu, ki le kau tukipo tamana mo tinana ti mo tagata fuli,

Lua tosi kia Timoteo 1:7

Talie e leaise soli mai e le Atua kia tatou le Laumalie ke tou manava ikiiki ai ; kae e fakaapele tatou e lona Laumalie ki le makeke, mo le alofa, ti mo le poto.