Kalate 5:17 - Tosi Tapu

¹⁷ Talie e fakafesagai a oli o le kanofi ki oli o le Laumalie, ti e fakafesagai a oli o le Laumalie ki oli o le kanofi ; e lotou fefakafesagaiaki ia latou, o tupu ke aua na kotou fai le nea leia e kotou loto ki ai.

Kalate 5:17 ပူးပေါင်းရင်းမြစ်များ

Senesi 6:3

Koia na pati ai loa le Atua : E leaise toe nofo tuumau loa loku Laumalie i le tagata, talie ko se kanofi fuai le tagata, ti ko le lasi loa o ona aso ko le kau lelau kau lua fetuu.

Pesalemo 119:133

Fakamakeke oku lakaaga ki lau folafola, ti aua na ke tuku ke pule se agasala kiate au !

Pesalemo 119:159

Tio e kau alofa ki au fakatotonu : Eteleno, toe soli mai kiate au le mauli o mulimuli ki lou agamalie !

Pesalemo 119:176

E kau sese ofaipe se ovi na puli : afa lau tagata fakasausau, Talie e leaise galo fua au folafola iate au.

Pesalemo 119:20

Kua fatii loku laumalie, O tupu ko lana oli tuumau ki au lao.

Pesalemo 119:32

E kau makape i le ala o au lao, Talie e ke fakalaulasi loku loto.

Pesalemo 119:35

Taki au i le ala o au fakatotonu, Talie e kau alofa ki ai.

Pesalemo 119:40

Ko leinei, e kau fia fai au fakatotonu : Tuku ke kau mauli i lou faitotonu !

Pesalemo 130:3

Ka na ke taupau le manatu ki agasala, Eteleno, Ko ai e mafai loa ke mauli ?

Pesalemo 65:3

Ei koe, leia e fakalogo ki kole ! E au loa tagata fuli kiate koe,

Ekelesiasi 7:20

Leai, e leaise maua i le malama nei se tagata agatonu e tasi leia e fai ia le malie, ti e leaise agasala i se aso.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Mateo 12:30

Ko leia e leaise kau mo au e fakafesagai kiate au, ti ko leia e leaise tanaki mo au e veuki.

Mateo 16:17

Ti na folafola loa Sesu, o pati kiate ia : E ke manuia Simone, vosa o Sonasi ; talie e leaise ko le kanofi mo le toto ala na fakasa ia atu kiate koe le nea lena, kae ko loku Tamana leia e nofo i le atu lagi.

Mateo 16:23

Kae na mafuli loa Sesu, o pati kia Petelo : Ano ki oku muli, Satana ! E ke fakatupu siga kiate au ; talie ko au manatu e leaise ko manatu a le Atua, kae ko manatu a tagata.

Mateo 26:41

Kotou alaala ti kotou faikole, ke aua na kotou siga ki le fakasala ; e makeke le laumalie kae gaegae le tino.

Mateo 5:6

Manuia latou ala e fia kai mo fia inu ki le faitotonu, talie e lotou makokona loa !

Luka 22:33

Na pati loa Petelo kiate ia : Aliki, e kau teuteu ke kau ano mo koe ki le pilisoni ti mo le mate.

Luka 22:46

ti na pati loa a ia kia latou : Kolea e kotou momoe ai ? Kotou tutuu o faikole, o tupu ke aua na kotou siga ki le fakasala.

Soane 3:6

Ko le nea leia na tupu i le kanofi e kanofi, ti ko le nea leia na tupu i le Laumalie Maokioki e laumalie.

Loma 8:13

Kapau e kotou mauli o mulimuli ki le kanofi, e kotou mamate loa ; kae kapau i le Laumalie e kotou tamate a gaoi o le tino, e kotou mauli loa.

Kalate 3:21

Pe fakafesagai le lao ki fakapapau a le Atua ? E leai ai ! Ka na soli mai se lao leia e mafai ke soli ia le mauli, e au maoki loa le faitotonu mei le lao.

Sakopo 3:2

Talie e tou tukia fuli i nea kesekese. Kapau e leaise tukia se tasi i ana masau, ko se tagata saosaoa a ia, kua mafai e ia le taofi o lona tino katoa.