Kalate 5:14 - Tosi Tapu

¹⁴ Talie e fakasoko le lao katoa i se folafola e tasi, leinei : E ke alofa loa ki lou oloi ofaipe lou alofa kiate koe totonu.

Kalate 5:14 ပူးပေါင်းရင်းမြစ်များ

Levitiko 19:18

Aua na ke taui veli loa, ti aua na ke taofi loa se kona i lou loto ki fanau o lou kakai. E ke alofa loa ki lou oloi ofaipe koe totonu. Ko au ko le Eteleno.

Levitiko 19:34

E kotou fai loa kiate ia ofaipe se tasi o koutou ; e kotou alofa loa kiate ia ofaipe koutou totonu, talie na kotou matapule foki i le fenua o Esipito. Ko au ko le Eteleno, ko lokoutou Atua.

Mateo 7:12

Ko nea fuli ala e kotou loto ke fai atu e tagata kia koutou, kotou fai foki a ia kia latou, talie ko lena le lao ti mo le kau polofeta.

Maleko 12:31

Ko leinei lona lua : E ke alofa loa ki lou oloi ofaipe koe totonu. E leaise tasi ake fakatotonu e lasi ake i fakatotonu ana.

Maleko 12:33

ti ko le alofa kiate ia i le loto katoa, mo le atamai katoa, mo le laumalie katoa, mo le makeke katoa, ti mo le alofa ki le oloi ofaipe kiate kita totonu, e lasi ake i failaulau fuli mo sakilifisio fuli.

Soane 13:34

E kau tuku kia koutou se fakatotonu foou : Kotou fealofani ia koutou ; ofaipe loku alofa kia koutou, ko koutou foki, kotou fealofani ia koutou.

Kalate 1:6

E kau punamauli i lakoutou titua vave ai ki leia na kalagai ia koutou i le kalasia o Kilisito, o fakalaka ki se tasi ake Evaselio.

Kalate 6:2

Kotou feamoaki a koutou kavega, ti e kotou fakasoko loa i ai le lao a Kilisito.

Uluaki tosi kia Timoteo 1:5

Ko le uiga o le fakatotonu lena, ko se alofa leia e au mei se loto mea, mo se fakakaukau malie, ti mo se tui maoki.