Kalate 5:11 - Tosi Tapu

¹¹ Kae kiate au, fetaina, kapau koi kau akonaki ki le silikosisio, kolea koi fakavelivelii ai au ? Kapau koia, ti kua tiaki le akonaki o Sesu leia na tutuki i le koluse, leia ko se nea fakatupu siga kia latou !

Kalate 5:11 ပူးပေါင်းရင်းမြစ်များ

Esaia 8:14

Ti e soko loa a ia ko se sagatualio, Kae e toe liliu foki a ia ko se fa fatu fakatupu tukia, Ko se utu fakatupu siga ki fale e lua o Iselaele, Ko se kupega mo se masele Ki le kakai o Selusalemi.

Gaoi 16:3

Ti na loto loa Paulo ke ave e ia a ia ; ti na too loa e ia Timoteo o silikosisio, o tupu ko le kau Sutea leia na nofo i ganea ana, talie na lotou iloa fuli e tamana Keleka a ia.

Gaoi 21:21

Kae kua lotou logo o uiga mo koe, na ke akonaki ki le kau Sutea fuli ala na nonofo i le kau pagani ke fakafiti kia Moisese, o pati kia latou ke aua na silikosisio olatou fanau ti ke aua na mulimuli ki atatou agai fenua.

Gaoi 21:28

o kalaga : Tagata Iselaele, tokoi mai kia matou ! Ko leinei le tagata leia e akonaki ki le kakai katoa i potu fuli o fakafesagai ki le kakai Iselaele, mo le lao, ti mo le ganea leinei ; ti na fakaulu foki e ia ni Keleka ki le fale tapu, o fakakelekele ai le ganea taputapu leinei.

Uluaki tosi ki le kau Kolinto 1:18

Talie ko le akonaki o le koluse ko se valea a ia kia latou ala e malaia, kae kia tatou ala kua saofaki, ko se makeke a ia o le Atua.

Uluaki tosi ki le kau Kolinto 1:23

Kae ko maua, e ma fakasa Kilisito na tutuki i le koluse, ko le tukiaaga ki le kau Sutea, ti ko le valea ki le kau pagani,

Uluaki tosi ki le kau Kolinto 15:30

Ti ko matou, kolea e motou teiteiki ai omatou mauli i ola fuli ?

Kalate 2:3

Kae ko Tito, leia na nofo mo au, leia na Keleka foki, na leaise fakamaua loa ke silikosisio.

Kalate 3:1

Ei kau Kalate valelea ! Ko ai lena kua fakauluvalea ia koutou, ke aua na koutou fakalogo ki le maoki, koutou ala na fakasa tautonu ki okoutou mata a Sesu-Kilisito leia na tutuki i le koluse ?

Kalate 4:29

ti ofaipe mua, na fakavelivelii e leia na tupu i le kanofi leia na tupu i le Laumalie, e toe tatau foki i le temi nei.

Kalate 6:12

Ko latou fuli ala e fia mata malie ki le tagata e fakamaua ia koutou ke silikosisio, o tupu fua ke aua na fakavelivelii koutou o tupu ko le koluse o Kilisito.

Kalate 6:17

Koia ke aua na fakamamae loku loto e se tasi, talie e kau maua i loku tino a fakamailoga o Sesu.