Kalate 4:8 - Tosi Tapu

⁸ I mua, na leaise kotou iloa le Atua, ti na kotou tausi ki ni atua ala na leaise ko ni atua maoki ;

Kalate 4:8 ပူးပေါင်းရင်းမြစ်များ

Lua tosi o Koloniko 13:9

Pe na leaise kotou kapu ia a kau tagata faisakilifisio a le Eteleno, vosa o Alone, ti mo le kau Levi ? Pe na leaise kotou fakanofo ni tagata faisakilifisio kia koutou, ofaipe le kakai o la ake fenua ? Ka natu se tasi mo se uviki pipi tagata ti mo ni ovi e fitu, ke fakanofo a ia ko se tagata faisakilifisio, ti kotou fakanofo a ia ko se tagata faisakilifisio ki okoutou atua loi.

Ekesote 5:2

Na tali loa Falaone : Ko ai le Eteleno ke kau fakalogo ki lona leo, ti ke kau tuku ke ano Iselaele ? E leaise kau iloa fua le Eteleno, ti e leaise kau tuku loa ke ano Iselaele.

Esaia 37:19

ti na lotou laku olatou atua ki le afi ; kae na leaise ko ni atua latou, ko ni nea na fau e lima o le tagata ki ni laakau mo ni fatu ; ti kua lotou fakapuli latou.

Selemia 10:25

Liligi lou sausau ki atu puleaga ala e leaise iloa ia a koe, Ti mo kakai ala e leaise fetapa ki lou suafa ! Talie e lotou kai Sakopo, e lotou kai a ia, e lotou tutu a ia ke okioki, E lotou maumaui lona nofoaga.

Selemia 16:20

Pe mafai ke fai e le tagata ni atua, ala e leaise ko ni atua ?

Selemia 2:11

Pe i ai se puleaga leia e fetogi ia ona atua, Logo ai e leaise ko ni atua latou ? Kae na fetogi e loku kakai lona kololia ki se nea leia e leai sona ga aoga fua !

Selemia 5:7

Kolea e kau fakamolemole ai loa kiate koe ? Na tiaki au e au fanau, Ti e lotou fakapapau i ni atua ala e leaise ko ni atua. Na kau fagai latou ke makokona, kae na lotou faiaga, E lotou tanaki fuli i le fale o le fafine faiaga.

Soane 1:10

Na nofo a ia i le malama nei, ti na fakatupu e ia le malama nei, kae na leaise iloa fua a ia e le malama nei.

Gaoi 14:12

Ti na lotou fakaigoa loa Palenapa ko Supitele, kae na lotou fakaigoa loa Paulo ko Mekulio, talie ko ia leia na tuku ia le folafola.

Gaoi 17:23

Talie, i laku taka i lokoutou kolo, ti mo laku tio ki nea fuli ala e kotou tausi ki ai, na kau maua foki se aletale leia e tuu ai le fakamailoga leinei : Ki se atua e leaise iloa ! Ko le nea leia e kotou tausi ki ai kae e leaise kotou iloa, ko ia leinei e kau fakasa atu kia koutou.

Loma 1:23

ti kua lotou fetogi le kololia o le Atua ki ni paaki o ni tagata agasala, mo ni manu lele, mo ni manu vae fa, ti mo ni manu totolo.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Uluaki tosi ki le kau Kolinto 1:21

Talie i lona poto na leaise iloa e le malama nei le Atua, kae na malie ki le Atua i lona poto ke saofaki latou ala e tui ki le valea o le akonaki.

Uluaki tosi ki le kau Kolinto 12:2

E kotou iloa, i lakotou koi nofo i le pagani, na kotou tuku koutou ke ave ki ni taulaatua gutu mate, ti na taki koutou e latou.

Uluaki tosi ki le kau Kolinto 8:4

O uiga mo le kai o inati kua momoli ki taulaatua, e tou iloa e leai ni taulaatua i le malama nei, ti e i ai se Atua fuai e tasi.

Kalate 4:3

Ko tatou foki, e tou tatau, i le temi leia na koi tou liliki ai, na tou popula ki makeke fakalaumalie o le malama nei ;

Efeso 4:18

E lotou maua se atamai fakapouli, e lotou matapule ki le mauli o le Atua, o tupu ko le fakapouli leia e maua ia latou, o tupu ko le fakafefeka o olatou loto.

Uluaki tosi ki le kau Tesalonika 1:9

Talie e fakamatala, o uiga mo matou, pe na feaki lakotou tali matou ti mo lakotou tafoki ki le Atua, o tiaki a taulaatua, kae ke tausi le Atua mauli mo maoki,

Uluaki tosi ki le kau Tesalonika 4:5

kae tuku lakoutou fai a oli fakavale o le tino, ofaipe le fai a le kau pagani ala e leaise iloa ia le Atua ;

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Sosue 24:15

Ti kapau e leaise kotou fia tausi loa ki le Eteleno, ke kotou filifili loa i le aso nei leia e kotou fia tausi ki ai : pe ko atua ala na tausi ki ai okoutou tamana i leia fetuu o le Eufalate, pe ko atua o le kau Amole i lolatou fenua leia e kotou nonofo ai nei. Ko au mo loku famili, e motou tausi loa ki le Eteleno.

Sosue 24:2

Na pati loa Sosue ki le kakai katoa : Ko leinei le folafola a le Eteleno, le Atua o Iselaele : Na nonofo okoutou tamana, a Telake, tamana o Apalaamo mo tamana o Nakole, i mua i le kauvai o le vaitafe lasi ko le Eufalate, ti na lotou tausi ki ni atua kese.

Uluaki tosi a Petelo 4:3

Talie kua lasi le temi leia i mua na koutou fai ai le finegalo o le kau pagani, o saele i le mauli fakalialia, mo oli veveli, mo le inu fakavale, mo le kai fakavale, ti mo le fakalialia o tausi ki taulaatua.

Uluaki tosi a Soane 3:1

Kotou tio ki le lasi o le alofa leia na soli mai kia tatou e le Tamana, ke tou igoa ko fanau a le Atua ! Ti ko tatou ko ana fanau maoki. Kapau e leaise iloa tatou e le malama nei, talie na leaise iloa e ia le Atua.