Kalate 4:5 - Tosi Tapu

⁵ o tupu ke totogi e ia latou ala na nonofo i le lao, ti ke tou tali le fufui.

Kalate 4:5 ပူးပေါင်းရင်းမြစ်များ

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Luka 1:68

Fakafetai ki le Aliki, le Atua o Iselaele, Talie kua asiasi a ia ki lona kakai ti kua totogi e ia a ia,

Soane 1:12

Kae kia latou fuli ala na tali ia a ia, kia latou ala e tui ki lona suafa, na soli e ia le pule ke liliu ko fanau a le Atua, ala kua tupu,

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Loma 10:4

talie ko Kilisito ko le fakaokiaga o le lao, ke fakamatatonu ai latou fuli ala e tui.

Loma 8:14

Talie ko latou fuli ala e taki e le Laumalie o le Atua ko vosa o le Atua.

Loma 8:15

Ti na leaise kotou tali se laumalie o le popula ke kotou toe nonofo ai i le i ; kae kua kotou tali se Laumalie o le fufui, leia e tou kalaga ai : Apa ! Tamana !

Loma 8:19

Koia e talitali ai le malama nei mo se oli mamae ki le fakasa o vosa o le Atua.

Loma 8:23

Ti e leaise gato fua iate ia, kae ko tatou foki, a nei e maua ia a uluaki fua o le Laumalie, e tou fetagisi i otatou loto, o talitali ki lotatou fufui ti mo le saofaki o otatou tino.

Loma 9:4

ala e Iselaele, ala e maua ia le fufui, mo le kololia, mo sai, mo le lao, mo le atolasio, mo fakapapau,

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Kalate 3:26

Talie ko vosa fuli koutou o le Atua i le tui kia Sesu-Kilisito ;

Kalate 4:21

Kotou fakasa mai kiate au, e koutou ala e loto ke fakalogo ki le lao, pe leaise kotou logo ki le nea leia e fakasa e le lao ?

Kalate 4:7

Koia e leaise koi ke popula ai, kae ko se vosa a koe ; ti kapau ko se vosa a koe, e ke mau tofiga foki i le kalasia o le Atua.

Efeso 1:5

ti na fakatuutuu fakatomua e ia tatou i lona alofa ke tou liliu ko ana fanau fufui ia Sesu-Kilisito, o mulimuli ki lona fiafia mo lona finegalo,

Efeso 1:7

Iate ia kua tou maua le totogi i lona toto, le fakamolemole o agasala, o mulimuli ki le lasi kese o lona kalasia,

Efeso 5:2

ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 9:12

ti kua ulu tua tasi a ia ki le potu taputapu, ti na leaise ulu a ia mo le toto o se koti pe ko se uviki pipi, kae na ulu a ia mo lona toto totonu, ti kua maua e ia se totogi lee gato kia tatou.

Epelo 9:15

Ti koia leia kua liliu ai a ia ko le fakasokopati o se sai foou, o tupu ke tali e latou ala na kalagai a nea malilie lee gato ala na fakapapau kia latou. Kua lotou mafai a ia, talie kua soko se mate, ti kua aga le mate lena o fakamauli a tagata mei sala ala na lotou fai i lalatou koi fakalogo ki le uluaki sai.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Apokalipisi 14:3

Ti na lotou sua se katiko foou i mua o le ekeekeaga fakasau, ti mo mua o manu mauuli e fa, ti mo mua o kau matua. Ti na leaise mafai ke ako e se tasi le katiko lena, gato fuai ki le tino lelau tino fa tupu fa afe, ala kua totogi mei le malama nei.

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;