Kalate 4:19 - Tosi Tapu

¹⁹ Ei aku fanau, ala kua kau toe logoi ki ai a mamae o le fanauga, o kaku ki le katoa o Kilisito ia koutou,

Kalate 4:19 ပူးပေါင်းရင်းမြစ်များ

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Luka 22:44

Na logoi loa e ia se mamae lasi, ti na toe asilisili faikole fakamalotoloto a ia : ti na liliu loa lona kavakavaia ofaipe ni motii toto, ala na sasali ki le kele.

Loma 13:14

Kae ke kotou kofu ki le Aliki ko Sesu-Kilisito, ti ke aua na kotou tokaga ki le tino o mulimuli ki ona olioli.

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Lua tosi ki le kau Kolinto 12:14

Ko leinei, ko le tua tolu leinei o laku tokamalie ke kau natu kia koutou, ti e leaise kotou taupau loa kiate au ; talie e leaise kau afa okoutou koloa, kae ko koutou totonu : E leaise gali ke tanaki a fanau ki olatou matua, kae ko matua ki olatou fanau.

Efeso 4:13

o kaku ki le temi leia e tou soko fuli ai ki le pipiki tasi o le tui, ti mo le iloa o le Alo o le Atua, ki le tagata kua katoa, ki le fuafua o le lasi o le apele o Kilisito :

Efeso 4:24

ti ke kotou kofu le tagata foou, leia na fakatupu ke tatau mo le Atua i se faitotonu mo se maokioki ala e au mei le maoki.

Filipe 1:8

Talie e fakamaoki le Atua kiate au e kau alofa mamae kia koutou fuli i le alofa o Sesu-Kilisito.

Filipe 2:17

Ti kapau e kau aoga ki le lipasio o lakoutou sakilifisio ti mo le tausi o lakoutou tui, e kau fiafia i ai, ti e kau fiafia fakatasi mo koutou fuli.

Filipe 2:5

Kotou maua a manatu loto ala na maua e Sesu-Kilisito :

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 2:1

Koia, e kau loto ke kotou iloa le lasi o le tau leia e kau fai o tupu ko koutou, ti mo latou ala e nofo i Laotise, ti mo latou fuli ala e leikiaise tio ki oku mata,

Kolose 3:10

ti kua kotou kofu le tagata foou leia e fakafoou i le poto o mulimuli ki le paaki o leia na fakatupu ia a ia.

Kolose 4:12

Ko Epafalasi, leia ko se tasi o koutou, e fakaalofa atu kia koutou ; ko le tagata fakasausau a ia a Sesu-Kilisito, e leaise toe gato lana tau kia koutou i ana faikole, o tupu ke kotou tuu makeke ofaipe ni tagata kua katoa, o nofo fakalogo ki le fai o le finegalo katoa o le Atua.

Uluaki tosi ki le kau Tesalonika 2:7

kae na motou apele i le agamalu i loto malie o koutou, io ofaipe se fafine taupau toe leia e tokaga malie ki ana fanau :

Uluaki tosi kia Timoteo 1:2

kia Timoteo laku fanau totonu i le tui : Ko le kalasia, mo le manavaalofa, ti mo le tokamalie ke soli atu kiate koe e le Atua ko le Tamana ti mo Sesu-Kilisito ko lotatou Aliki !

Tito 1:4

kia Tito, ko laku fanau totonu i le tui leia e ta fakatasi ai : Ko le kalasia mo le tokamalie ke soli atu kiate koe e le Atua ko le Tamana ti mo Sesu-Kilisito ko lotatou Fakamauli !

Filemo 1:10

E kau kole atu kiate koe, o tupu ko laku fanau ko Onesimo, leia na kau fanaui i oku tini,

Filemo 1:19

Ko au Paulo, e kau fai tosi atu i loku lima totonu, e kau totogi loa a ia kiate koe : (kae e leaise kau pati atu kiate koe e ke tuu maua kiate au).

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.

Sakopo 1:18

Na fakatupu e ia tatou ki le folafola o le maoki o mulimuli ki lona finegalo, o tupu ke tou liliu ko le kau uluaki tupu o lana kakai.

Uluaki tosi a Soane 2:1

Ei aku fanau liliki, e kau tosi atu a nea anei, o tupu ke aua na kotou agasala. Ti kapau na agasala se tasi, e tou maua se avoka i tafa o le Tamana, ko Sesu-Kilisito ko le tagata agatonu.

Uluaki tosi a Soane 2:12

E kau fai tosi atu kia koutou, fanau liliki, talie na fakamolemole akoutou agasala o tupu ko lona suafa.

Uluaki tosi a Soane 5:21

Fanau liliki, kotou fakamamao mei taulaatua.

Tolu tosi a Soane 1:4

E leaise kau maua se fiafia lasi ake, mo ka kau logo e saele aku fanau i le maoki.