Kalate 4:16 - Tosi Tapu

¹⁶ Pe kua kau liliu ko lokoutou fili i laku fakasa atu kia koutou le maoki ?

Kalate 4:16 ပူးပေါင်းရင်းမြစ်များ

Uluaki tosi o Sau 21:20

Na pati loa Akapo kia Elia : Kua ke toe maua au, ei loku fili ? Ti na tali loa Elia : Kua kau maua a koe, talie kua ke fakatau a koe ke fai le nea leia e veli ki le Eteleno.

Uluaki tosi o Sau 22:27

E ke pati loa : Ko leinei le masau a le sau : Kotou velo le tagata leinei ki le pilisoni, ti kotou fagai loa a ia ki le pane mo le vai o le mamae, o kaku ki laku toe liliu mai i le tokamalie.

Uluaki tosi o Sau 22:8

Na tali loa le sau o Iselaele kia Sosafate : Koi i ai se tagata leia e feala ke tou afa ki ai le finegalo o le Eteleno ; kae e kau vesia kiate ia, talie e leaise kikite e ia se nea leia e malie kiate au, e kikite ata e ia le nea e veli : Ko Mikea, vosa o Simila. Ti na tali loa Sosafate : Ke aua se masau felaaki le sau !

Lua tosi o Koloniko 25:16

I le lolotoga masau a le polofeta, na pati loa Amatesia kiate ia : Pe na motou fakanofo a koe ko le tagata tokoi o le sau ? Ano kese ! Kolea e ke loto ai ke tamate a koe ? Ti na ano loa le polofeta, o pati : E kau iloa kua fakatotonu e le Atua ke maumaui a koe, o tupu na ke fai a nea ana ti na leaise ke fia fakalogo ki laku tokoi.

Pesalemo 141:5

Ke taai au e le tagata agatonu, ko se kalasia a ia ; Ke tautea e ia au, ko se lolo a ia i loku ulu : E leaise mafuli kese loa loku ulu ; Kae e toe pale atu loa laku kole kiate koe o tupu ko le kau agaveli.

Taagapati 9:8

Aua na ke valoki le tagata gologolo, na vesia a ia kiate koe ; Valoki le tagata poto, ti e alofa loa a ia kiate koe.

Amosi 5:10

I le fakamaauaga e lotou vesia ki leia e mulimuli ki le faitotonu, Ti e lotou vesia ki le tagata fakamaoki leia e fakasa ia le maoki.

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Soane 8:45

Ti ko au, talie e kau fakasa le maoki, e leaise kotou tui mai kiate au.

Kalate 2:14

I laku tio na leaise lotou saele fakasako i le maoki o le Evaselio, na kau pati loa kia Kefasi i mua o latou fuli : Kapau ko koe leia e Sutea, e ke fai o fakatatau ki le aga a le kau pagani, kae leai ki le aga a le kau Sutea, kolea e ke fakamakeke ai le kau pagani ke fai o fakatatau ki le kau Sutea ?

Kalate 2:5

Kae na leaise motou gaegae fua i se ga temi ia latou, ti na motou taui alatou tonu makeke, o tupu ke taofi le maoki o le Evaselio ia koutou.

Kalate 4:15

Kofea loa le manuia leia na kotou fakasa ia ? Talie e kau fakamaoki atu kia koutou, kapau na kotou mafai ia, na kotou kape loa okoutou mata o soli mai kiate au.

Kalate 4:17

Ko le alofa leia e lotou maua kia koutou e leaise mea, kae e lotou loto ke tatala koutou meia matou, o tupu ke kotou alofa kia latou.

Kalate 5:7

Na kotou makape malie : Ko ai leia na taofi ia koutou ke aua na kotou fakalogo ki le maoki ?