Kalate 3:8 - Tosi Tapu

⁸ Koia i le iloa fakatomua e le Tosi e fakamatatonu loa e le Atua le kau pagani ki le tui, na fakasa fakatomua e ia kia Apalaamo le logo malie leinei : E tapuakina loa a puleaga fuli iate koe !

Kalate 3:8 ပူးပေါင်းရင်းမြစ်များ

Senesi 12:3

E kau tapuaki loa kia latou ala e tapuaki loa kiate koe, ti e kau fakamalaia latou ala e lauveli loa kiate koe ; ti e tapuakina loa a famili fuli o le malama nei iate koe.

Senesi 18:18

E liliu maoki loa Apalaamo ko se puleaga lasi mo makeke, ti e tapuakina loa a puleaga fuli o le kele iate ia.

Senesi 22:18

E tapuakina loa a puleaga fuli o le malama nei i lou sakoga, talie na ke fakalogo ki loku leo.

Senesi 26:4

E kau liuliuga loa lou sakoga ofaipe fetuu o le lagi ; ti e kau soli loa ki lou sakoga a fenua fuli anei ; ti e tapuakina loa a puleaga fuli o le malama nei i lou sakoga ;

Senesi 28:14

E tatau loa lou sakoga mo le efu o le kele ; e ke mafolafola loa ki le potu uesite mo le potu esite, ki le potu noleto mo le potu saute ; ti e tapuakina loa a famili fuli o le malama nei iate koe mo lou sakoga.

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Pesalemo 72:7

I ona aso e matalatala loa le tagata agatonu ofaipe se sei laakau, Ti e lasi loa le tokamalie o kaku ki le puli o le masina.

Esaia 6:13

Ti kapau e toe loa se vaega kau agafulu o le kakai, E lotou toe liliu mai loa ke tutu latou e le afi. Kae ofaipe le telepate mo le sene ala e fakatologa ia ola tafito mo ka sele, E toe tupu loa se sakoga maokioki i le kakai lena.

Esaia 65:9

E kau fakasomo loa se sakoga ia Sakopo, Ti meia Suta se tasi ke maua ia oku mauga ; E maua loa e aku filifiliia le fenua, Ti e nonofo loa aku tagata fakasausau i ai.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Soane 19:37

Ti na toe fakasa foki e le folafola : E lotou toe tio loa ki leia na lotou sokai ia.

Soane 7:38

Ko leia e tui kiate au e tafe loa mei lona loto ni vaitafe o le vai mauli, ofaipe lona tosi.

Soane 7:42

Pe leaise tuu koia i le tosi e tonu ke au le Kilisito mei le sakoga o Tavite, ti mo le kolo o Peteleemi, leia na nofo ai Tavite ?

Gaoi 2:35

O kaku ke kau fakaliliu ou fili ko lou tekiaga vae.

Loma 9:17

Talie na pati le Tosi kia Falaone : Na kau fakatupu ia fua a koe ke fakasa iate koe loku mafimafi, ti ke fakasa ia loku suafa i le malama nei katoa.

Loma 9:30

Kolea loa ke tou pati ? Ko le kau pagani, ala na leaise afa ia le faitotonu, kua maua ia le faitotonu, le faitotonu leia e au mei le tui,

Kalate 3:16

Ko leinei, na fai a fakapapau kia Apalaamo mo lona sakoga. Na leaise pati : mo ona sakoga, o sakinake na mauke ni sakoga, kae ko le sakoga fai e tasi : ti ki lou sakoga, ko lona uiga kia Kilisito.

Kalate 3:22

Kae na fakasa e le Tosi e taomi le malama nei katoa e le agasala, o tupu ke soli le nea leia na fakapapau i le tui kia Sesu-Kilisito kia latou ala e tui.

Kalate 4:30

Kae kolea le pati a le Tosi ? Kapu le fafine popula mo lona vosa, talie e leaise mau tofiga fakatasi loa le vosa o le fafine popula mo le vosa o le fafine lauatea.

Epelo 4:2

Talie kua fakasa le logo malie lena kia tatou ofaipe latou ; kae na leaise aoga kia latou le folafola leia na lotou logo ki ai, talie na leaise maua se tui ia latou ala na logo ki ai.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.