Kalate 3:22 - Tosi Tapu

²² Kae na fakasa e le Tosi e taomi le malama nei katoa e le agasala, o tupu ke soli le nea leia na fakapapau i le tui kia Sesu-Kilisito kia latou ala e tui.

Kalate 3:22 ပူးပေါင်းရင်းမြစ်များ

Pesalemo 143:2

Aua na ke fakamaaui lau tagata fakasausau ! Talie e leaise agatonu se tagata mauli i ou mua.

Maleko 16:16

Ko leia e tui loa ti e papitema loa e mauli loa a ia, kae ko leia e leaise tui loa e malaia loa a ia.

Soane 12:46

Na kau au ofaipe se malama ki le malama nei, o tupu ke aua na nofo i le fakapouli leia e tui mai kiate au.

Soane 20:31

Kae kua tosi a nea anei o tupu ke kotou tui ko Sesu ko le Kilisito, ko le Alo o le Atua, ti ke kotou maua le mauli i lona suafa ki lakoutou tui.

Soane 3:36

Ko leia e tui ki le Alo e maua e ia le mauli lee gato ; ko leia e leaise tui ki le Alo e leaise toe tio loa a ia ki le mauli, kae e nofo loa le sausau o le Atua iate ia.

Soane 5:24

E maoki, e maoki, e kau pati atu kia koutou, ko leia e fakalogo ki laku folafola, ti mo tui ki leia na kakau ia mai au, e maua e ia le mauli lee gato ti e leaise toe au a ia ki le fakamaau, kae kua fakalaka a ia mei le mate ki le mauli.

Soane 6:40

Ko le finegalo o loku Tamana, ko leia e tio ki le Alo ti e tui kiate ia ke maua e ia le mauli lee gato, ti ke kau toe fakatuuake a ia i le aso fakamuli.

Gaoi 16:31

Ti na pati loa Paulo mo Silasi : Tui ki le Aliki ko Sesu, ti e ke mauli loa, a koe mo lou famili.

Loma 10:9

Kapau e ke kofesio i lou gutu le Aliki Sesu, ti ka ke tui i lou loto kua toe fakatuuake a ia e le Atua mei le kau mate, e saofaki loa a koe.

Loma 11:32

Talie kua tuku e le Atua a tagata fuli ki le patigataa, o tupu ke fakasa e ia lona manavaalofa ki tagata fuli.

Loma 3:22

le faitotonu o le Atua i le tui kia Sesu-Kilisito kia latou fuli ala e tui.

Loma 3:23

E leaise kese se tasi : Talie kua agasala a tagata fuli ti kua lotou sala i le kololia o le Atua ;

Loma 5:12

Koia, ofaipe le ulu o le agasala ki le malama nei i se tagata e toka tasi, ti i le agasala le mate, o kaku ai loa le mate ki tagata fuli talie na agasala tagata fuli…

Kalate 3:14

o tupu ke fakasoko le tapuaki a Apalaamo ki le kau pagani ia Sesu-Kilisito, ti ke tou tali i le tui le Laumalie leia na fakapapau mai.

Kalate 3:17

Ko leinei le nea leia e kau fia fakasa ia : Ko se sai leia kua fakamaoki e le Atua i mua, e leaise mafai ke toe soloi a ia, ti e leaise toe mafai foki ke fakanoai le fakapapau leia e muli i ai, e le lao leia na tuku kae kua sili ki ai fetuu e kau lelau fa kau tolu.

Kalate 3:23

I mua o le kaku mai o le tui, na leoleo tatou i le pilisoni e le lao, o talitali ki le tui leia e tonu ke fakasa.

Kalate 3:29

Ti kapau e kotou kau kia Kilisito, ti ko le sakoga loa koutou o Apalaamo, ko fanau mau tofiga o le fakapapau.

Lua tosi kia Timoteo 1:1

Ko Paulo, apositolo a Sesu-Kilisito i le finegalo o le Atua, ke fakasa ia le fakapapau o le mauli leia ia Sesu-Kilisito,

Epelo 9:15

Ti koia leia kua liliu ai a ia ko le fakasokopati o se sai foou, o tupu ke tali e latou ala na kalagai a nea malilie lee gato ala na fakapapau kia latou. Kua lotou mafai a ia, talie kua soko se mate, ti kua aga le mate lena o fakamauli a tagata mei sala ala na lotou fai i lalatou koi fakalogo ki le uluaki sai.

Lua tosi a Petelo 1:4

Koia kua soli ai e ia kia tatou ni fakapapau mauiga mo lalasi ai, o tupu ke tou kau ki le natula fakaatua, o sola mei le aga fakalialia leia e maua i le malama nei i le oli veli.

Lua tosi a Petelo 3:13

Kae e tou talitali, o mulimuli ki lana fakapapau, ki ni lagi foou mo se kele foou, leia e nofo ai loa le maokioki.

Uluaki tosi a Soane 2:25

Ti ko leinei le fakapapau leia na fai e ia kia tatou : ko le mauli lee gato.