Kalate 3:15 - Tosi Tapu

¹⁵ Fetaina, (e kau masau ofaipe tagata), ka fai e se tagata se fakapapau o mulimuli ki lekula totonu, logo ai e fai a ia e se tagata, kae leaise toe soloi a ia e se tasi, ti e leaise toe teki e se tasi se nea ki ai.

Kalate 3:15 ပူးပေါင်းရင်းမြစ်များ

Uluaki tosi o Koloniko 16:16

Mo le sai leia na fai e ia mo Apalaamo, Ti mo le fakapapau leia na fai e ia kia Isaake ;

Gaoi 1:15

I aso ana, na fakatasi ai fetaina o fakaano ki le tino lelau tino lua, na tuu loa Petelo ki aluga i lotomalie o latou, o pati :

Loma 1:13

Fetaina, e kau loto ke kotou iloa kua tua lasi ai laku fakatuutuu ke kau natu kia koutou, o tupu ke kau maua ni fua ia koutou ofaipe i la ake puleaga ; kae na tau taofi au o kaku mai ki le aso nei.

Loma 3:5

Kae kapau e sa i latatou lee faitotonu le faitotonu a le Atua, kolea loa latatou pati ? Pe leaise faitotonu le Atua mo ka liligi e ia lona sausau ? (E kau masau ofaipe masau a tagata).

Loma 6:19

E kau masau ofaipe se tagata, o tupu ko le gaegae o lokoutou kanofi. Ofaipe lakotou tuku ia okoutou koga tino ke popula ki le mauli fakalialia mo le agaveli, o kotou kaku ai ki le mauli maveuveu, ke kotou tuku foki, i le temi nei, okoutou koga tino ke popula ki le agatonu, ke kotou kaku ai ki le maokioki.

Uluaki tosi ki le kau Kolinto 15:32

Kapau ko ni tio fakatagata ala na kau tau ai ki manu fekai i Efeso, kolea lona aoga mai kiate au ? Kapau e leaise toe tuuake le kau mate, Tou kai ti tou inu, talie e tou mamate loa apogipogi.

Kalate 6:18

Fetaina, ke nofo le kalasia o lotatou Aliki ko Sesu-Kilisito i okoutou laumalie ! Amene !

Epelo 6:13

Talie ko le Atua, i lana fai le fakapapau kia Apalaamo, na leaise mafai ke fakamaoki a ia i se tasi leia e lasi ake iate ia, koia na fakamaoki loa a ia iate ia totonu,

Epelo 6:16

Talie e maoki e fakapapau a tagata i se tasi leia e lasi ake ia latou ; ti ko le fakapapau ko se fakamaoki a ia, leia e fakagato ia a visi fuli.

Epelo 9:17

Talie koi saele le tosi tofiga mo ka kua mate leia na fai ia a ia, talie e leaise sona makeke i le mauli o leia na fai ia le tosi tofiga.